مدمن وبتاع قمار.. طليقة المتهم بقتل جواهرجي بولاق أبو العلا تكشف تفاصيل جديدة

في تطور جديد بقضية مقتل جواهرجي بولاق أبو العلا حسن الخناجري، تسلمت محكمة الاستئناف أوراق القضية لتحديد جلسة لمحاكمة المتهمين بالقضية أمام إحدى دوائر الجنايات المختصة.

ووفقًا للتحقيقات بالقضية رقم 514 لسنة 2024 إداري بولاق أبو العلا، قالت طليقة المتهم، إنها تعرفت على المتهم محمد حسن في غضون عام 2008 وحينها كان يلعب في الجيم الخاص بشقيقها وتقدم لها وكان عمرها 18 عاما وتزوجته.

وتابعت، استمرت العلاقة الزوجية مستمرة 14 سنة ولدي منه 6 أطفال، وبعدها بدأ ينصب على ناس كتير وابوه يسد وراه ويدفع بدلا عنه، و لم يكن احد يعرف، لكن بعد وفاة أبيه الظروف أصبحت وحشة جدا حتى ولادي مكانوش لاقيين ياكلوا وده بسبب أنه كان بيشرب ترامادول وحشيش.

وأضافت، بدأت استلف فلوس من أمي وابويا وما قدرتش استحمل العيشة دي، واضطريت انزل اشتغل، وبقيت أعمل تفاح زي الفريسكا وأحط فيه الخلة وأنزل ابيعه في الشارع وكانت بتجيب لي فلوس من الأطفال، وكنت بجيب تقريبا 250 جنيه وهو في البيت يأكل ويشرب ببلاش.

وأكملت في 2021 طلبت الطلاق وطلقني فعلا ودفعت فلوس المأذون وبعدها ظل الأولاد معه، وبعدها بفترة علاقتي انقطعت به، وحاول يرجع لي وأنا رفضت، وبدأ يطاردني ويهددني بالقتل وفضلنا كدة لحد شهر يونيو 2023، تقريبا كلمني وقالي أنا هجيب لك العيال وقالي عايز اقعد معاكي وأنا رفضت راح ضربني ومشي.

وأكدت طليقة المتهم خلال التحقيقات، يوم 27 فبراير 2024 لقيت سلمى بنتي بتقول بابا حولي فلوس على الموبايل 400 جنيه، من رقم غريب، ونزلت سلمى الساعة 12 وذهبت قابلت أبيها، وبعدها كلمتها لقيت التليفون مغلق وكلمته وجت التليفون مغلق، ونزلت اشتري حاجات الساعة 3 لقيته بيتصل بي الساعة 4 وقلت له انت فين وسلمى قافلة الموبايل ليه، قالي كنت بصلح الموبايل، قلت له أنا هاجي آخد سلمى منك.

ذهبت وقابلته ولما وصلت لقيت سلمى تشير إلى غويشتين وسلسلة وحلق لبساهم وقالتلي شوفي بابا جاب لي إيه، وأداني سلسلة وحلق وحلقين لـ مكة ومليكة، وقالي شوفي الخايبة كنت مديها سلسلة تقيلة لكنها رفضتها، واكتفت بالخفيفة، وأنا اديتها الحاجة عشان جهازها ورحنا مطعم أكلنا واحنا قاعدين، قال لسلمى قومي قلعيني السلسلة دي وادهاني وقالي دي هدية عيد ميلادك عشان انت صرفتي على العيال كتير.

قلت له ساعتها اديها لـ سلمى قاللي لا خديها، وخدتها منه ومشيت أنا وسلمى، ولما سألته قالي أنا خدت نصيبي من الشغل، وقلت له شغل ايه ده قالي بسافر أسوان واشتغل في فنادق، وطلب مني أروح المكتب معاه، رفضت قالي متخافيش البنت معانا، وطلعنا المكتب وأعطى سلمى سلسلة ووراني كل الذهب اللي معاه وخدت منهم سبيكة 2.5 جرام ونزلنا واداني 200 جنيه روحت اديتها لـ سلمى.

اقرأ أيضاًخطط للجريمة قبل الحادث بأيام.. نص اعترافات قاتل الجواهرجي «حسني الخناجري»

شهود عيان يكشفون تفاصيل جديدة عن مقتل الجواهرجي «حسني الخناجري»

المصدر: الأسبوع