مفاجأة باعترافات شقيقة قـ.اتل جواهرجي بولاق أبو العلا.. مستندات
تاريخ النشر: 30th, April 2024 GMT
حصل موقع صدى البلد على نص تحقيقات قضية مقتل الخواجة حسني الخناجري جواهرجي بولاق أبو العلا، في القضية رقم 514 لسنة 2024 إداري بولاق أبو العلا.
وأدلت المتهمة فادية م ح 45 عاما - ربة منزل، شقيقة المتهم محمد ح، باعترافات تفصيلية حول الواقعة، حيث قالت خلال تحقيقات قضية جواهرجي بولاق أبو العلا: «أمي ماتت من 35 سنة وانا عندي عشر سنين واحنا ست اخوات وأبويا إتجوز بعد ما أمي ماتت بشهر أو شهرين وانا أكبر واحدة فيهم وقعدت من المدرسة كنت بربيهم وأراعيهم وأخويا محمد حسن كان في سنة رابعة ابتدائي لحد ما كبروا وانا اتجوزت سنة ١٩٩٤ وما سبتهمش واخويا ساب المدرسة واشتغل مع أبويا في شركة الاسانسيرات بتاعة أبويا».
واستكملت شقيقة قاتل جواهرجي بولاق ابو العلا «فضل محمد شغال معاه لحد ما اتجوز بنت عمه وبعد كدة خلعته وفضل شغال مع أبويا لحد ما أبويا مات، كان ساعتها متجوز مي وهي اللي طلبت الطلاق لأن أبويا هو اللي كان بيصرف عليه وكان ملزم بكل مصاريفه من كهرباء وغاز ومياه وحتى مصاريف البيت وأي حاجة ناقصة عند محمد أبويا كان يدفعها له ومن ساعة ما أبويا مات ابتدت المشاكل».
وتابعت شقيقة قاتل جواهرجي بولاق ابو العلا «محمد ابتدي يخش في مشاكل بسبب انه مش قادر على الالتزامات المادية وكان ينفق على شغل وما يكملش وابتدي يخش في مواضيع أنه يمضي على إيصالات أمانة ويبيع ممتلكات ابوه اللي هو ورثة وفضل عايش معايا من سنة ۲۰۲۱ ولما ميكونش معاه فلوس بساعده وكدة كدة بياكل ويشرب معانا ولو عايز سجائر بجيبله وهو لما ساعات بيبقي معاه فلوس بيدينا بس نقطة التحول في حياته لما مي سابته وطلبت الطلاق».
وأضافت شقيقة قاتل جواهرجي بولاق ابو العلا في التحقيقات «من بعد الطلاق هو ابتدي يتدهور نفسياً لأنه كان بيحبها ولحد دلوقتي بيحبها وهو كان ممكن يخليها تشتمنا المهم يراضيها هي، واللي حصل يوم الواقعة أن محمد جالى البيت لقيته بيقولي أنا مسافر حضريلي هدومى عشان عندى شغل في حتة في الصعيد ولقيته بيتكلم في التليفون وعرفت ساعتها انه بيكلم حسن صبري صاحبه وسمعته بيقول خلاص انا هقابلك في شارع ناهية».
وبعد كده اداني دبلة وخاتم وقالي انا عايزك تبيعي الحاجات دي عشان نلحق نمشي وفعلاً سلمني دبلة وخاتم ونزلت عند مدحت حماده ورحتله المحل بتاعه في سكة الحاج علي وأول ما شفته قولتله انا عايزة ابيع الدبلة والخاتم وقال ملهومش فاتورة قولتله لا ده واحد لسة متجوز عاوز يبيعها في شغل وهو ساعتها قالي بلاش نبيع دلوقتى عشان الذهب نزل قولتله لا انا عاوزة ابيعهم عشان هو محتاجه في شغل وبالفعل خدهم تمنهم واداني مبلغ مالي عشرين ألف جنيه.
وأكملت شقيقة قاتل جواهرجي بولاق ابو العلا «رجعت البيت وديت الفلوس لمحمد واداني الف ونص وقالي انا مسافر ولو عوزتي حاجة هبعتلك قولي بس لحسن وانا هبعتلك وانا ان شاء الله قبل رمضان هبعتلك فلوس تجيبي حاجات للبيت وبعد كدة راح واخد بعضه ونزل وكان معاه لبس وكان حاطه في كوفر بدلة وكان معاه شنطة لونها رصاصي اللون وبعد كدة ما شوفتهوش تاني لحد يوم الثلاثاء بليل لقيته جالي وخبط عليا البيت فقولتله انت ما سافرتش قالي انا سافرت أسوان ورجعت في نفس اليوم وهمشي تاني ودخل نام لحد ما اتقبض علينا».
المصدر: صدى البلد
كلمات دلالية: جواهرجي بولاق ابو العلا الخواجة حسني الخناجري الإغاثة المرورية بولاق أبو العلا جواهرجي بولاق بولاق أبو العلا لحد ما
إقرأ أيضاً:
النصب على راغبى العمل بالخارج.. تفاصيل التحقيق مع متهمين بتزوير مستندات رسمية
تباشر جهات التحقيق المختصة، مع 3 متهمين اشتركوا فى تشكيل عصابة جديدة لتزوير المحررات الرسمية المنسوبة للعديد من الجهات والمؤسسات الحكومية، وخاصة التوكيلات الرسمية بقصد ترويجها على راغبى الحصول عليها نظير مبالغ مالية،والنصب والإحتيال على المواطنين راغبى الالتحاق للعمل بالخارج والاستيلاء على أموالهم عقب إيهامهم بتوفير فرص عمل لهم بالخارج.
وتبين أن المتهمين قاموا بممارسة نشاط إجرامى تخصص فى تزوير وتقليد المحررات والأختام الرسمية المنسوب صدورها للعديد من الجهات والمصالح الحكومية والترويج لها وبيعها لراغبيها مقابل مبالغ مالية، و متخذين من محل إقامتهم مكاناً لمزاولة نشاطه الإجرامى، بمواجهتهم اعترفوا باصطناع وتزوير المستندات الرسمية والحكومية المضبوطة باستخدام الأدوات المضبوطة بحوزتهم لترويجها على عملائهم مقابل مبالغ مالية.
وألقي القبض علي (3 أشخاص "لـ2 منهم معلومات جنائية") بتكوين تشكيل عصابى تخصص فى تزوير المحررات والنصب والإحتيال على المواطنين راغبى الإلتحاق للعمل بالخارج والإستيلاء على أموالهم عقب إيهامهم بتوفير فرص عمل لهم بالخارج .
وضبط بحوزتهم (عدد من جوازات وتأشيرات السفر المزورة، عدد من الأختام والأكلاشيهات المزورة، عدد من عقود العمل والمحررات والمستندات الرسمية المزورة "منسوب صدورهم لجهات مختلفة"، وعدد من الكارنيهات المزورة)، بمواجهتهم أقروا بنشاطهم الإجرامى على النحو المُشار إليه، تم إتخاذ الإجراءات القانونية، وإحالتهم للتحقيق أمام الجهات المختصة.
مشاركة
عبد المسيح: فلتكن العدالة التربوية أولوية لا شعارًا