تامر حسني: «أكن لبسمة بوسيل كل الحب والاحترام»

أوضح الفنان تامر حسني، إنه لا يربط أعماله الغنائية بحياته الشخصية، مشيرا إلى أنه يكن كل الاحترام والتقدير لزوجته السابقة ووالدة أطفاله بسمة بوسيل.

أخبار متعلقة

تامر حسني يروج لأغنية جديدة من ألبوم «هرمون السعادة»: «كلامها يخصنا كلنا»

تامر حسني يستعيد ذكرياته مع عبلة كامل بمشهد من فيلم «سيد العاطفي»

6 ملايين في يوم واحد فقط.

. تامر حسني يحقق رقم قياسي بأغنية «مش هتغير عشان حد» (فيديو)

وكتب تامر حسني، عبر حسابه الرسمي بموقع التواصل الاجتماعي «فيس بوك»: «ملاحظ إن في بعض التعليقات كل ما أنزل موضوع أغنية أو هزار معاكم، بعض الناس بيربطوه بحياتي الشخصية، ده غلط يا جماعة، أولًا مش أنا اللي ممكن أعمل كده، رغم الظروف الحالية.. مازلت أكن لبسمة كل الحب والاحترام».

وأضاف: «ده غير إن هي شاركتني في اختيار أغانيا ومهما يحصل دي في دمي وأم أولادي وعلاقتنا كويسة جدًا دلوقتي ولو طلبت عنيا مش هتأخر، تاني حاجة أنا بحب أهزر معاكم دايمًا من يوم طلوعي لو في أغنية أو نكتة حلوة أو إفيه حضر في دماغي أنا على طبيعتي معاكم، ثالث حاجة الفنان الحقيقي اللي بيعبر عن مشاعر كل الناس في كل حالاتهم».

واستكمل قائلا: «بفرح لما بلاقي أغانيا بتغنوها وإحساسها واصلكم، لأني بتعب عشان أكتب الكلام اللي نفسكم تقولوه إنتوا».

واختتم تامر حسني حديثة كاشفا عن مفاجأة لجمهوره قائلا: «ده لسة في أغاني توجع أوي نازلة قريب إن شاء الله.. كده مش هنزلها».

انفصال بسمة بوسيل وتامر حسني

يذكر أن الفنانة بسمة بوسيل أعلنت مؤخرا انفصالها، عن الفنان تامر حسني وكتبت: «وجلعنا بينكم مودة ورحمة ده كلام ربنا في الزواج والطلاق، لقد تم الطلاق بيني وبين تامر وسيظل بيننا كل ود واحترام وربنا يكتبلك ويكتبلي كل الحير.. أمين يارب«.

ليرد عليها تامر حسني: «وجعلنا بينكم مودة ورحمة بين الأواج في كل حالاتهمسواء تزوجو أو لم يقدر الله الاستمرار فانفصلوا بالاتفاق الطيب، سيظل بيننا الاحترام والتقدير، 12 عام من الزواج مش هينة، ربنا يكتبلك كل الخير يابسوم، سأظل الأب والأخ والصديق والسند، في حفظ الله».

تامر حسني الفنان تامر حسني تامر حسني وبسمة بوسيل رسم تامر حسني وبسمة بوسيل انفصال تامر حسني وبسمة بوسيل ابناء تامر حسني وبسمة بوسيل

المصدر: المصري اليوم