بعد طلاق ميار الببلاوى 11 مرة ورفضها المحلل.. عقوبة الزنا بالقانون

تصدرت الفنانة ميار الببلاوى محرك البحث العالمى “جوجل” بعد تداول فيديو لـ الفنانة ميار الببلاوى على مواقع التواصل الاجتماعى المختلفة عقب انهيارها وانفعالها الشديد بسبب هجوم الداعية محمد أبوبكر عليها عقب تصريحاتها المثيرة للجدل خلال حلقة الإعلامية بسمة وهبة، وقالت ميار الببلاوي أنه خاض في عرضها والهجوم عليها بسبب حلقتها مع بسمة وهبة في برنامج "العرافة" والذي تم عرضه في موسم رمضان الماضي، بسبب تصريحاتها كونها عادت لزوجها عقب طلاق 11 مرة، مما جعل الداعية محمد أبوبكر يتهمها بالزنا.

رد ميار الببلاوي

قررت ميار الببلاوى الخروج عن صمتها عبر صفحتها على موقع التواصل الاجتماعي فيسبوك قائلة : “كل الناس عماله تقولى غلطك طلعتى فى برنامج "بسمة” طيب أقسم بالله ما كنت أعرف إنها هتكون هجومية كده اتلجمت مكنتش عارفة أرد خالص وكل اللى كان فى دماغى إنى ألغى الحلقة ليس كل منطوق مقصود انا مطلقتش 11 مرة كان قصدى ان جوزى على طول بيقول عليا الطلاق يا جماعة دا بتاع البطيخ بيحلف يمين طلاق إن البطيخة حمرا يبقى مراته طالق الناس ماسكه على كلمة واحدة تستاهلى علشان طلعتى مع بسمة خلاص ارحمونى اعترفت بغلطتى بس انا  صحبتى دعتنى لبرنامجها وانا بحب بسمة ومن زمان وصورنا قبل رمضان بأسبوعين.

وأضافت ميار الببلاوي: "أقسم بالله عمرى ما شفت برنامج العرافة دا قبل كده اللهم حلقة شاكوش ومراته وعارفة بسمة طيبة وبتحبنى فوجئت بالكاركتر اللى كانت متقمصاه فى البرنامج كان كل همى أحافظ على هدوئى واحترامى للمكان وارد على اى سؤال بصراحة علشان المصداقية انا كنت ضيفة فى برنامج متشاف مع مذيعة كبيرة على قناتين كبار النهار والمحور.. انا الفلوس فوالله إنى اخدت مبلغ لا يذكر وكنت مصممة أرجعه وألغى الحلقة واسألوا أستاذ شريف رئيس تحرير البرنامج..

وأوضحت: أرجوكم كفاية نقد واللى حصل فى الفيديو الناس الى بتقول تمثيل ربنا يحسسكم بالقهرة وىجع قلب الشريفة الحرة المتقيه وبها لما يتقال عليها زانية من شيخ  انا غلط لما قبلت اطلع مع بسمه ويشفعلى جهلى بالبرنامج وطبيعته وغلط انها لما قالتلى 11 مرة مفهمتهاش ان حلف بالطلاق فوق الميه مرة يعنى ابقى مطلقة مية مرة وبعدين محدش ليه دعوة بحياتى الشخصية جوزى وابنى وجوازى خط أحمر من هنا ورايح والناس الى بتقولى انتى الى اتكلمتى وقولتى وعاوزين يرجمونى أنا كنت بتسأل وبحاوب مش انا الى فتحت اى كلام وكنت بحاول اتهرب من الاجابه بس بسمه كانت مستميته على الترند من كلامى مكنتش مديانى فرصه نهائى غير اللى اتمنتج.

وأوضحت ميار الببلاوى : أنا كتبت لانى مخنوقة من الكومنتات وفى النهاية انا طلعت فى برنامج على فضائيات محترمة على قناة كبيرة مش طلعت فى شقة مشبوهة تعبت  كفاية استحلفكم بالله متسبوش اللى عمله واللى قاله الشيخ وتمسكوا فى غلطة انا معترفة بيها وبحكم شغلى كمذيعة بعرف اسال كويس بس بحد معنديش ملكة الرد ومش هقدر اوعدكم انى لو اتطلبت ضيفة فى اى برنامج هوفض لان دا شغلى  بس حياتى الشخصية خط احمر ودا هيكون شرطى انا خدت كل الادوية بس والله من النكد ما قادرة انام وكمان بدانا الاجراءات القانونية سمعت انه مسح الفيديو بس خلاص  سيفناه والمستشار القانونى بدأ شغله وحسبى الله ونعم الوكيل  وبعتذر على عدم الرد على السادة الصحفيين لاني لم يعد لدى ما أقوله والأمر ترك للقانون والقضاء المصرى الشامخ وعند الله تجتمع الخصوم.

ميار الببلاوى ترد على الشيخ محمد أبو بكر

نشرت ميار الببلاوى تعليقا جديدا عبر صفحتها على موقع التواصل الاجتماعى فيسبوك توجه فيها رسالة قوية الى كل من هاجمها واتهمها بالزنا بعد واقعة هجوم الداعية محمد أبو بكر عليها بسبب تصريحاتها المثيرة للجدل مع الإعلامية بسمة وهبة فى رمضان المنقضى.

وقالت ميار الببلاوي: "وغدًا فى محكمة الله نلتقى.. ولن أغفر لمن آذانى وكان سببًا فى وجع قلبى ولو بكلمة".

بسمة وهبة ترد على الشيخ محمد أبو بكر

ووجهت بسمة وهبة حديثها إلي الشيخ محمد أبو بكر، قائلة: "مبحبش اللي بيجي على الولايا، الشيخ وصل بيه الأمر أنه يوصفك بالزنا، بحب الأزهر ورجال الدين، ومبحبش حد ييجي جنب شعرة منهم، دا مش نفس نهج سيدنا النبي أبدا، مينفعش الكلام اللي قلته دا بيتعارض مع الخطاب الديني، هاتلي 3 شهود غيرك يؤكدوا حكم الزنا او اقرار من الطرفين، حضرتك ضيف مش شيخ وعاوز تعمل تريند".

واختتمت بسمة وهبة حديثها: "عوزة اقول في حق الاخت ميار انها مقالتش انها جابت محلل، حضرتك جبت الكلام دا منين، العهدة علي الراوي وهي مقالتش انها جابت محلل، اتهامك ليها باطل".

عبير الشرقاوى تدافع عن ميار الببلاوى

وقررت الفنانة المعتزلة عبير الشرقاوى أن تدافع بقوة عن ميار الببلاوى عبر صفحتها على موقع التواصل الاجتماعى فيسبوك قائلة : "يا جماعة الشيخ محمد أبو بكر جاد الرب إللى أنا أصلآ مش بحبه ولا بحب طريقة تلاوتة للقرآن العجيبة ولا بحب أسمعه من ساعة ما قال الجن بيسرق المال والذهب من البيوت إتبلى على ميار الببلاوى واتهمها بما ليس فيها و علق على برنامجها مع بسمة وهبى إللى كان فى رمضان بالرغم من إنه متفرجش عليه واعتمد على حد مضلل نقل له كلام ميار مقالتهوش أصلآ .

وأضاف:  ميار دلوقتى عندها انهيااااار حسبنا الله و نعم الوكيل.. إللى شاف منكم البرنامج يدخل على الفيديو إللى عامله الشيخ بإسم الفنانة ميار الببلاوى و يقول له إنه غلطان و إن ميار لم تقل الكلام إللى هو نسبه لها.

وترد عليها ميار الببلاوى قائلة : “شكرا يا غاليه يابنت الاصول العشره والمواقف بتبين الى فى القلوب وقوفك جنبى على راسى بحبك فى الله عبير الشرقاوى الجدعه”.

عقوبة الزنا

نصت المادة 273 من قانون العقوبات على أنه لا تجوز محاكمة الزانية إلا بناءً على دعوى زوجها، إلا أنه إذا زنا الزوج في المسكن المقيم فيه مع زوجته كالمبين في المادة 277 لا تسمع دعواه عليها.

ونصت المادة 274 من قانون العقوبات على أن المرأة المتزوجة التي ثبت زناها يحكم عليها بالحبس مدة لا تزيد على سنتين، لكن لزوجها أن يوقف تنفيذ هذا الحكم برضائه معاشرتها له كما كانت.

ويعاقب أيضا الزاني بتلك المرأة بنفس العقوبة.

ونص القانون في المادة 76 من قانون العقوبات على  أن الأدلة التي تقبل وتكون حجة على المتهم بالزنا هي القبض عليه حين تلبسه بالفعل أو اعترافه أو وجود مكاتيب أو أوراق أخرى مكتوبة منه أو وجوده في منزل مسلم في المحل المخصص للحريم.

ونصت المادة 277 من قانون العقوبات على أن كل زوج زنا في منزل الزوجية وثبت عليه هذا الأمر بدعوى الزوجة يجازى بالحبس مدة لا تزيد على ستة أشهر.

المصدر: صدى البلد