وفاء عامر: «خالد صالح باس إيدي في أول يوم تصوير لفيلم كف القمر»
تاريخ النشر: 23rd, April 2024 GMT
تحدثت الفنانة وفاء عامر، عن مشاركتها في مسلسل "جودر"، مع الفنان ياسر جلال، قائلة :"أنا رافعة راسي في جمهورية مصر العربية".
وتابعت وفاء عامر خلال مداخلة هاتفية في برنامج "تفاصيل"، الذي تقدمه الإعلامية نهال طايل، عبر فضائية "صدى البلد 2"، :"الفن المصري يمرض ولا يموت، فهو فن تجارة وصناعة السينما والمسرح والتلفزيون، وفي بعض الأوقات الاقتصاد المصري كان معتمدا على الفن، وأنا رافعة راسي بفنانين بلدي وبفن مصري".
وأشارت وفاء عامر، إلى أن الفنان ياسر جلال يسبب طاقة إيجابية لمن حوله، وسعيدة به للغاية، وتحديت نفسي من خلال دور الأم الذي قدمته معه، معقبة: "ياسر جلال سنه صغير، وأنا ممثلة، ولو محستش إني أم جودر؛ عمري ما كنت هقدم الدور بشكل حلو".
ولفتت إلى أنها سبق أن قدمت «دور الأم» للفنان الراحل خالد صالح في فيلم كف القمر، وقال لي نصا “أنا مش مصدقك تبقي أمي.. إزاي؟”، وبعدها "خالد صالح باس إيدي في أول يوم من التصوير".
ونوهت وفاء عامر، بأن مخرج "جودر"، تحدث معها قبل تصوير مشاهدها في العمل، وقال لها، إنه أقنع أيتن عامر أن تجسد المرحلة الأولى من عمرها.
يذكر أن برنامج تفاصيل، يذاع الأحد والإثنين والأربعاء من كل أسبوع، من الساعة 8 مساء وحتى الساعة 10 مساء، والإعادة يومي السبت والثلاثاء والخميس في نفس الموعد.
المصدر: صدى البلد
كلمات دلالية: الإعلامية نهال طايل الفنان الراحل خالد صالح الفنان ياسر جلال الفنانة وفاء عامر وفاء عامر ياسر جلال مسلسل جودر وفاء عامر
إقرأ أيضاً:
زينة عن أولادها: كانوا هياخدوهم مني في المستشفي بأمريكا وافتكروني مجنونة
دخلت الفنانة زينة قائمة الأكثر بحثًا على جوجل، وذلك بعد حديثها عن ابنيها مع الإعلامى أنس بوخش، وكشفت عن علاقتها بهما وكيف تلعب دور الأب والأم معًا.
وأضافت زينة: “أنا شوفت في حياتي حاجات محدش يقدر يتجاوزها.. ومحدش يقدر يعيش اللي أنا عيشته، مرحلة إني بولد في الغربة لوحدي وولادي اتولدوا تعبانين أوي وكل يوم بكتشف فيهم مرض جديد، وأنا فاكرة إنهم كتفوني عشان يغيرولي على الجرح”.
وتابعت: “أنا كنت خايفة امشي عشان ابقى قعدت معاهم أطول وقت ممكن وشوفتهم وشبعت منهم، بس أن الوالدة المفروض تاكل وتستريح وأنا كنت بنسى أشرب مياه وفي المستشفى افتكروني مجنونة وواحدة مش طبيعية وماليش أهل خالص وجابولي شيخ ودكتورة نفسية والدكتورة دي كانت هندية وأنا بكلمها عربي، واتضح إني بكلمها عربي عشان مطمنة لها وجابوا لي مترجمة عشان كانوا هياخدوا عيالي لأنهم فاكرني مش طبيعية وكنت عنيفة معاهم أوي، المترجمة عرفتني وقالت لهم إني ممثلة مشهورة ودخلوا على جوجل وعرفوني».
كما كشفت زينة عن فترة ولادتها فى أمريكا قائلة: "قالتلي اسكتي خالص واعملي اللي أقولك عليه عشان هياخدوا عيالك لأنهم امريكان ومن حقهم، نزلت وجبلتهم هدايا وعملت حاجات تحسن صورتي، والدكتورة الكبيرة قالتلي لو كل الأمهات في البلد بتاعتك زيك دي تبقى أعظم بلد في العالم وكل واحد فيهم واخد حتة معينة غالية أوي، وكل واحد ليه حتة مش، الاتنين نفس الحتة، متساويين في الغلاوة بس بشكل مختلف، بحس إن هما بني آدم واتقسم نصين، نص أنا ونص مش أنا بس بحبه والنصين عندي بيخلوني أقعد افكر كتير، أنا كنت فاكرة في الأول إن أنا شخصية مهمة بس لما كنت بقعد لوحدي بحس إني ولا حاجة، بس من ساعة ما خلفت ولحد دلوقتي أنا طول الوقت حاسة إني حاجة كبيرة أوي لأني أم للاتنين دول، كنت حاسة إني ماليش قيمة ولا لازمة، بقى ليا لازمة وبقيت أخاف على نفسي، بخاف على عمري لأن هما محتاجيني».
وأشارت زينة : "هو ده الحب الوحيد اللي بتدي فيه وأنت مش عايز مقابل، أنا مش مستنية منهم حاجة.. ابني ساعات بيقولي مثلا لما تكبري ولما تحتاجي مش عارف إيه يا مامي لازم تعمليلي كذا فبقوله يا حبيبي أنا مش عايزة منك حاجة، قالي طب لو تعبانة؟ قولتله سيبني أنا مش عايزة منك حاجة وأنا بربيهم لله، بربيهم علشان ربنا وعلشان بحبهم، ربنا حط حب ليهم في قلبي غير طبيعي، أنا مشوفتش حد كده، أنا ممكن اتخانق مع عيال صغيرة علشانهم.
الخوف من المرضولفتت: بخاف على عيالي من المرض، صحتهم ضعيفة يعني مش عيال أقوياء علشان اتولدوا 7 شهور، وعندهم نوع انيميا صعب شوية، وبيلعبوا رياضة على طول بس بيتكسروا بقى».
ونوهت زينة عن أسلوبها فى تربية أولادها قائلة : "اللي ماترباش على حاجة مايعرفش هو فقد اية، ممكن اللي فقدوه مش حلو يمكن عوض ربنا أحسن ويمكن ربنا يعوضنا بالأهم والأحسن مستقبل وحياة.. مش لازم التعويض يبقى في نفس الصورة وأنا واحدة من الناس بشوف نفسي قوية وأنا أقدر أسد خانة الأب والأم، مدام هما مش ناقصهم حاجة يبقى هيفكروا ليه في حاجة مش موجودة، حاجة مش مهمة أو حاجة محسوش بأهميتها، بس في الآخر عارفين كل حاجة، أنا عايزة الناس تطمئن هما عارفين كل حاجة.
تحذير أصفر لـ13 مدينة وبرتقالي لـ4 مدن من سقوط أمطار وعواصف رعدية