مقدرش أصادر .. "دياب " يكشف عن رأيه في أغاني المهرجانات

 كشف الفنان محمد دياب عن رأيه في أغاني المهرجانات قائلاً : "الغناء الشعبي هو تذوق كل الطبقات وفيه روح المصريين ولايمكن أن يتم تصنيف المهرجانات على أنها  مندرجة تحت عباءة الغناء الشعبي،  هي موسيقى مستقلة بذاتها  اسمها مهرجانات وماينفعش نحملها على تصنيف الغناء الشعبي".

وأضاف الفنان محمد دياب،  خلال لقاء عبر برنامج " كلمة أخيرة " الذي تقدمه الاعلامية لميس الحديدي على شاشة   “ ON": " أغلب مؤدي المهرجانات الشعبية ليسوا من المغنيين  بيكون صوتهم مش حلو ولما بقول غناء شعبي بقول محمد رشدي أحمد عدوية حكيم  وحسن الاسمر".

ولفت إلى انه لم يترك مجال الغناء ولكنه يبحث عن الاغاني المناسبة قائلاً : "أنا عاوز ألاقي أغاني أحس   أني عاوز اغنيها".
وعن إفساد المهرجانات للذوق العام قال : " المهرجانات مش أغاني شعبي، المهرجانات نوع مختلف من الغناء. ومعترض على نوع كلام المهرجانات، لكن مقدرش أصادر على دور الناس.
وأتم : " الأصوات اللي مش حلوة ممكن تعمل مشكلة لو سادت، لكن طالما فيه نجوم صوتهم حلو موجودين هناك توازن.
و كشف الفنان  محمد دياب عن علاقته بزوجته  هاجر الابياري  قائلاً : تعرفت عليها أثناء عملها في الراديو  وأحببتها قائلاً : "  وكانت قصة حب إستمرت ثلاث سنوات ونصف  وعرفتها بالصدفة  وكان لسه راديو متواضع  فهاتفتني  شخصياً تقديرا لي  مكنش فيه معدين كفاية 
وتابع: "لما بدأنا ندردش لقيت دمها خفيف جداً وأنا أكتر حاجه تجذبني في اي ست أن يكون دمها خفيف  ووجدتها واعية ومثقفة وتفهم في الفن  وفجاة تحولت مكالمة الاستضافة للتعارف إستمرت لمدة 45 دقيقة "
واصل :  تحولت العلاقة لصداقة  وباخد رايها في كل حاجة وبقت اققرب الناس لي وفجأة تورطت ولقيت تفسي بحبها لان الحب حينها   الحب  كان ورطة مكنش عاوزها تحصلي لكن لما حبيتها لقيتها حاجه حلوة "
ورداً على سؤال الحديدي هل أنت رجل شرقي في المنزل؟ اجاب قائلاً : " لو إحتجاتني في البيت  في اي حاجه  بعملها ماعنديش عقدة الراجل مايعملش  وهي مش بتخليني أعمل حاجه ".
وعن غيرتها  قال :" ست معتدلة  في غيرتها هي بتثق في بشكل كبير جداً  قد تكون مطلقة لاننا عرفنا بعض ثلاث سنوات نصف وعارفه كل حاجة في حياتي  وأنا راجل بيتوتي وبحب البيت لو معنديش شغل ببقى على الكنبه في البيت وبب البيت وهي فيه "
وكشف عن بعض الامور التي قد تثير عصبيتها قائلاً : " لما حد بيبدي غعجابها بزوجها بشكل اوفر بتضايق ولكن أنا مش بعمل حاجة تثير غيرتها  علشان ماضيقهاش " ومازحته الحديدي  : بتشتري عمرك بقى ؟ ليرد قاطعاً : بشتري إحساسها  ماحبش اعمل  أي حاجة تضايقها "

المصدر: بوابة الوفد