جنايات القاهرة تصدر حكمها على مدرب كرة بتهمة قتل صديقه 22 أبريل الجارى
تاريخ النشر: 18th, April 2024 GMT
تشهد ساحات العدالة فى مصر خلال شهر ابريل الجارى الفصل فى عدد من القضايا الهامة التى شغلت الرأى العام ومنها أصدار محكمة جنايات القاهرة حكمها على المتهم بقتل صديقه وتقطيع جثته بمنشار كهربائى بسبب سرقته 300 جنيه، حيث تم تحديد جلسة 22 ابريل للنطق بالحكم على المتهم.
لخصت تفاصيل حادث دارت فصولها في منطقة عابدين، والتي حصل "اليوم السابع" على نص تحقيقات النيابة فيها، في القضية رقم 279 لسنة 2023 جنايات عابدين والمتهم فيها مدرب كرة قدم بقتل صديقه وتقطيع جثته بصاروخ كهربائي داخل شقته في منطقة عابدين، حيث أدلى المتهم باعترافات تفصيلية في تحقيقات النيابة وبدأ وكيل النائب العام توجيه الأسئلة للمتهم:
ما تفصيل اعترافك؟
"اللى حصل إن يوم السبت 14 يناير 2023، جالى جارى أشرف "المجنى عليه" ونده عليا من تحت بيتي وطلب يطلع عشان اديله أكل وأنا طلعته عشان أعمله أكل لأنه غلبان ولما طلع عندى طلب منى اعمله كوباية شاي قبل الأكل فأنا دخلت المطبخ عشان اعمله أكل وخرجت في الصالة لقيته ماسك الشنطة بتاعتى وأول ما شافنى على الكرسي اللي في الصالة، فأنا قولتله أنت بتعمل إيه بالشنطة بتاعتى فقالى بيدور على السجاير والولاعة فأنا دورت في الشنطة ولقيت 300 جنيه ناقصين، ولما قفشته لقيت معاه الفلوس في جيب قميصه.
وأضاف المتهم في التحقيقات: "روحت ضربته في وشه وفى رأسه فهو داخ ووقع من الضربة على طرف الطرابيزة اللي في الصالة ونزل دم من رأسه، وفضلت حوالى 10 دقائق لغاية ما تأكدت إنه مات، فروحت جبت سكين من المطبخ وضربته في رأسه وفى صدره، وبعد كده نقلته للحمام وفتحت عليه حنفية الدش عشان أغسل الدم بتاعه، وبعد كدة فكرت إزاى اتخلص من الجثة فقولت في بالى لازم اقطع جثته حتت كبيره عشان اعرف اتخلص منها في أكثر من مكان ومحدش يكشف اللى عملته، وحاولت اقطع جثته بالسكينه بس منفعش عشان عضمه ناشف، فجت في دماغى فكرة أنى اجيب صاروخ كهربائى من عند جارى عنده محل، فروحتله الورشة وخدت منه الصاورخ وعلمنى إزاى اشغله.
وتابع المتهم: "رجعت البيت تانى وشغلت الصاروخ وقطعت جثه أشرف وبدأت بالذراع الأيمن وبعد كدة ذراعه الشمال وبعد كده رجله اليمين قطعتها على أربع حتت ورجله الشمال على أربع حتت، وبعد كده فصلت رأسه عن جسمه وحطيتها في حلة وغليت المياه عليها عشان تتطرى واعرف اكسرها، وبعد كده حطيت أجزاء الرجلين في سبع شنط والجزء اللى فوق لفيته في كرتونه وحطيته تحت سريرى اللى في اوضتى، وكمان حطيت الرأس في شنطة في نفس المكان تحت السرير وحطيت الشنط في الدولاب ورشيت عليهم ديتول وكلور عشان الريحة، ونضفت الشقة.
وأكمل المتهم في التحقيقات: "تانى يوم نزلت بـ3 شنط فيهم الذراع الشمال وأجزاء الرجل الشمال وطلعت بره البيت ورميت شنطة في شارع بورسعيد في السيدة زينب والشنطة التانية رميتها جنب مدرسة والشنطة الثالثة سيبتها في اتوبيس نقل عام وبعد كدة رجعت على البيت، وتخلصت من باقى الشنط في نفس الأماكن وفى شنطة كان فيها لبس أشرف رميتها في عربية زبالة".
وكانت أجهزة الأمن ألقت القبض على المتهم واعترف تفصيليا بارتكابه للجريمة، ومثل جريمته أمام جهات التحقيق وقررت النيابة حبسه 4 أيام على ذمة التحقيقات.
المصدر: اليوم السابع
كلمات دلالية: محكمة جنايات القاهرة جريمة قتل جرائم القتل محكمة الجنايات حكم محكمة وبعد کده
إقرأ أيضاً:
أمن الشرقية يضبط المتهم بدهس صديقه وأسرته بسيارته في منيا القمح
تمكنت الأجهزة الأمنية بمديرية أمن الشرقية، من ضبط المتهم بالشروع في قتل صديقه وأسرته دهساً بسيارته في قرية الصنافين التابعة لمركز منيا القمح.
وقد نشرت أسرة المجني عليهم فيديو عبر مواقع التواصل الاجتماعي يظهر فيه المتهم وهو يقود سيارة ملاكي ويصدم أسرة مكونة من زوج وزوجة وثلاثة أبناء أمام منزلهم، وأظهرت التحقيقات أن المتهم هو صديق لرب الأسرة.
وكشفت التحريات الأولية أن المتهم، عرفه. ر (عاطل)، قام بالشروع في قتل صديقه (طاهر) وأسرته، حيث تربص بهم أثناء خروجهم من منزل أحد أقاربهم وتوجههم إلى المحل المملوك لهم، فدهسهم عمدًا وهرب من الموقع. وعلى الفور، قامت سيارة الإسعاف بنقل المصابين إلى مستشفى منيا القمح، حيث تبين إصابتهم بجروح وكسور وكدمات متفرقة.
وأكد شهود العيان أن المتهم والمجني عليه كانا صديقين، إلا أن المتهم طلب من المجني عليه أن يشهد معه شهادة زور وعندما رفض اندلعت المشاكل بينهما، كما أشار الشهود إلى أن المتهم لم يكن هذه المرة الأولى التي يحاول فيها الاعتداء على أسرة المجني عليه، حيث سبق له محاولة اقتحام المحل بسلاح أبيض والتعدي على الزوجة، فضلاً عن تهديدهم بالقتل قبل وقوع الحادث، ليقوم بعدها بتنفيذ تهديده.
تم اتخاذ الإجراءات القانونية اللازمة، وما زالت التحقيقات جارية في القضية.
أحمد موسى: الاحتلال سيطر بشكل كامل على رفح الفلسطينية واعتبرها منطقة عازلة