أيها الناس لازم تفهموا مافي أضمن للعساكر وأريح للشعب من حمدوك ببساطة زول أضينة وبسمع الكلام وبنساق زي ما إنتوا عايزين ..
المرة الفاتت قلتو لي وقع علي إجراءات 25 اكتوبر وقع
قلتو أمرق خلاص قضيت الغرض اطلع قدم إستقالتك قدم الاستقالة…
عليه أنا من زمان قبل 3 سنة لما القحاتة شتمو حمدوك أيام إجراءات 25 انا جيت كتبت ليكم في الصفحة حمدوك ولدنا البقضي غرضنا ياهو الوحيد العجينتو طرية بتشكلها زي ما انت عايز .
حمدوك كائن مُطيع ما تخسرو بكرة بنفعكم وقت الحاجة ليهو
خلو يسافر يوقع يلاقي يحضر مؤتمرات في النهاية زول هين ولين وسهل قيادتو بمشي ليكم اموركم وقت تحتاجو …
المهم يا سادة حمدوك أقبلو كدا بس وما تخربو علي العساكر ولا علي نفسكم ح تحتاجو لزول رضي ونائم وبتقدروا تمشوا بكنترول وينفذ ليكم أجندتكم وما بتلاقو !
حمدوك ولدنا حتي وإن مشي السماء الأحمر
وقت الحوجة ليهو بجي بنفذ من سكات ..
( أوعكم تنجروا زي القحاتة زمان وتقعدوا تشتموا حمدوك النيي الشارع حي ) اوووعكم
شكراً حمدوك
عائشة الماجدي
المصدر: موقع النيلين
إقرأ أيضاً:
الجيش السوداني يرد على مبادرة حمدوك
متابعات ـ تاق برس قطع عضو مجلس السيادة الانتقالي ـ مساعد قائد الجيش السوداني الفريق أول ركن ياسر العطا بعدم القبول بأي هدنة مع قوات الدعم السريع.
وتفقد العطا اليوم قيادة قوات البطانة ودرع السودان خلال زيارته إلى معسكر العيلفون شرق الخرطوم.
واضاف العطا :” سمعت بان حمدوك لديه مبادرة جديدة لحوار يجمع الجيش بقوات الدعم السريع، انا في الحقيقة ما قاعد اسمع اي حديث صادر من حمدوك لكن ردنا عليه نحن مبادرتنا بل بس”.
ودعا رئيس تنسيقية صمود د. عبدالله حمدوك فى خطاب له الاسبوع المنصرم، الى وقف اطلاق النار وعقد اللقاء برعاية اممية وافريقية بين كل من رئيس مجلس السيادة الانتقالي السوداني ـ قائد الجيش السوداني الفريق اول ركن عبد الفتاح البرهان وزعيم قوات الدعم السريع محمد حمدان دقلو (حميدتى).
وشدد مساعد الجيش السوداني، على وحدة الأمة السودانية في مواجهة” ميليشيا آل دقلو الإرهابية” ، ومواصلة العمل على تطهير البلاد منها.
الجيش السودانيحمدوك
الصحة: تخصيص عيادة للعقر وتوفير الأمصال واللقاحات بمستشفى حميات الخارجة