موضوع بالجنبة كده .. الجنبة الفيها الحديدة .. في كل عيد اتعودوا مجموعة من البشر إنو يختصروا حكاية المعايدة بارسال رسالة واحدة عبر الواتس اب او الماسنجر لكل الناس .. بيحدد الكل و يرسل معايدته و يفتكر إنو كده عداهو العيب و انو زول واجب و زول مفتح .
حركة بايخة و جبانة و ما فيها اي نوع من الحميمية و المعايدات .
و ديل نفس الناس البرسلو رسالة ( جمعة مباركة ) كل اسبوع .. الواحد فيهم بيصحى الصباح و يشوت الرسالة لكل قائمة الارقام الموجودة في الواتس اب نظام كده عمل الواجب و اتفقد احوال اهلو و اصحابو و زملاءه .
المعايدة دي يا جماعة لو ما كانت مكالمة هاتفية عديل او رسالة مخصصة بالاسم و التفاصيل ما بكون عندها قيمة و معنى والله فارحمونا منها يرحمكم الله .
و برضو ديل نفس الناس البرسلو ليك في الخاص عبر الواتس اب او الماسنجر و يقول ليك ( السلام عليكم ) و ينتظرك ترد عليهو السلام عشان يقول ليك ( انت كيف ) و بعد تقول ليهو انا تمام يقوم يقول ليك ( الاهل كيف ) تقول ليهو تمام يقوم يختفي مسافة و يرجع يرسل و يقول ليك ( الشغل كيف ؟ ) و لو عندو موضوع عايز يقولوا او عايز يحكي ليك بقوم يعمل المقدمة المعاطة دي حتى يدخل في الموضوع يقول ليك ( عايزك في موضوع ) تقول ليهو اتفضل قول موضوعك .. تلقاهو اختفى .. يرجع ليك بعد ساعتين يقول ليك ( انت فاضي احكي ليك ؟؟ )
يعني بعد المعط الطويل و الزمن البنكون ضيعناهو في الرسائل يقول ليك ( انت فاضي !! )
يا جماعة بالله احنا في عصر السرعة و مفترض الناس تختصر و تخفف الضغط شوية .. خشو في المواضيع تووووش و بدون مقدمات طويلة و سلامات اطول .. و عيدوا و اتفقدوا احبابكم بمكالمات او رسائل حقيقية … رسالة من سطرين ( كل سنة و انت طيب يا ابو رؤى ) بكون عندها طعم و معنى و معزة اجمل و اروع بالف مرة من الرسائل الطويلة و المنسوخة و المكررة الما عندها لا طعم لا ريحة
خليكم شجعان و اخربوا وش و شيرو الكلام ده يااااخ عشان يصل للشريحة دي و نرتاح منهم حبة
نزار العقيلي
المصدر: موقع النيلين
إقرأ أيضاً:
مصير مولر.. بايرن ميونخ يقول كلمته
حسم نادي بايرن ميونخ الألماني، مصير نجمه المخضرم توماس مولر، قبل نهاية الموسم الحالي 2024-2025.
نقل خبير سوق الانتقالات في أوروبا، فابريزيو رومانو، عبر حسابه الرسمي على إكس، ما قاله مدير النادي كريستوف فرويند .
قال فرويند: "نتفاوض مع توماس مولر وليروى ساني وإيريك داير بشأن توقيع عقود جديدة".
كومباني يثير الشكوك بشأن إصابة نوير - موقع 24أكد المدير الفني لفريق بايرن ميونخ، فينسنت كومباني، التزام فريقه ببذل أقصى الجهود لتحقيق الأهداف المحددة هذا الموسم، رغم الإصابات التي تعرض لها بعض اللاعبين الأساسيين.
ويبقى مولر من دعائم بايرن ميونخ منذ تصعيده للفريق الأول قبل ما يزيد عن 12 عاماً، لكن تراجعت مشاركته كثيراً تحت قيادة المدرب الحالي كومباني.
واقترب بايرن ميونخ كثيراً من الفوز بلقب الدوري هذا الموسم، ويستعد لمواجهة إنتر ميلان الإيطالي في دور الثمانية لدوري أبطال أوروبا.
إعلام إسرائيلي: تل أبيب تشترط لإنهاء الحرب وتقدم مقترحا جديدا