غدرت بهم.. اعترافات مرعبة للمتهم بقتـ.ل 3 مصريين في قطر
تاريخ النشر: 14th, April 2024 GMT
اعترافات مثيرة قالها المتهم بق.تل 3 مصريين في قطر، حيث باشرت نيابة حوادث شرق القاهرة التحقيقات في الواقعة، واستمعت لأقوال شقيق أحد المجني عليهم في الحادث الذي وقعت أحداثه في شقة سكنية بدولة قطر.
. ما القصة؟
أدلى المتهم بقت.ل 3 مصريين في قطر باعترافات تفصيلية حول الحادث، وذلك عقب القبض عليه في مطار القاهرة بعد عودته هاربا من جريمته في قطر، حيث تبين من التحريات أن الشاب يدعى ت م - يعمل مبلط سيراميك، وارتكب جريمة ق.تل 3 شبان داخل شقة في قطر.
وقال المتهم بق.تل 3 مصريين في قطر «أنا سافرت قطر عشان أحضر كأس العالم، وبعدين قررت إني أهرب هناك، وفضلت موجود في قطر، وحاولت أدور على أي شغل لكن فشلت، وفضلت قاعد في الشوارع لحد ما قابلني 3 شباب اسمهم عبدالسلام وجمعة وعلي، وعرفوا حكايتي وقالولي إحنا ولاد بلد واحدة وهناخدك معانا الشقة».
وتابع المتهم ت م في التحقيقات أمام نيابة حوادث شرق القاهرة «أنا قولتلهم مش معايا أي فلوس خالص، ومش لاقي مكان أنام فيه وروحنا الشقة كلنا، وجابولي أكل وبعدين قالولي هنحاول نشوف لك شغل، وساعتها عبد السلام وعلي كانوا بيدورا على شغل عشاني، لكن جمعة كان دايما قلقان مني ومش مرتاح لوجودي وفضلت قاعد معاهم لحد نهاية شهر رمضان».
وأضاف قات.ل 3 مصريين في قطر باعترافاته «في آخر رمضان بلغوني أنهم مش لاقيين شغل وأنا لازم أرجع، وأنهم هيساعدوني في الرجوع وفعلا جمعة راح حجز لي تذكرة سفر للقاهرة، ورجع قالي إن ميعاد السفر رابع أيام عيد الفطر الساعة 6 الصبح، وبعدها خططت لارتكاب الجريمة عشان أسرق فلوسهم وأهرب».
وتابع قات.ل 3 مصريين في قطر قائلا «قبل السفر بكام ساعة روحت مسكت آلة حادة وقت.لت بيها عبد السلام وأخوه جمعة وهما نايمين، وجمعت كل الفلوس والموبايلات بتاعتهم، وجيت أهرب لقيت علي صاحبهم داخل روحت قت.لته هو كمان، وحطيت الجثث في أوضة وأخدت كل حاجة، وقعدت نضفت البيت كويس، وخرجت على المطار عدل وأول ما خرجت من مطار القاهرة اتقبض عليا».
المصدر: صدى البلد
كلمات دلالية: ل 3 مصریین فی قطر
إقرأ أيضاً:
مي عمر : مكنتش بعرف أرقص أوي وفضلت 6 شهور اتعلم الرقص
تحدثت الفنانة مي عمر، عن تجربة مسلسلها "إش إش"، الذي يُعرض في موسم رمضان 2025، مشيرةً الى أنه من أكثر المسلسلات المختلفة التي شاركت فيها لأن أحداثه تدور حول راقصة، ولكن لديها أحلام وطموحات، وتتمنى أن تحيا حياة أخرى غير التي تعيشها.
وقالت مي خلال تصريحاتها مع "تفاعلكم"، المُذاع عبر "العربية"عن الدور: "مكنتش بعرف أرقص أوي وفضلت 6 شهور أتعلم عشان المشاهد، والوقت دا يدوبك خدت فيه دروس مُكثفة".
وعن سبب إعجابها بالدورقالت: “أكتر حاجة كانت عجباني في الدور إن شروق رقاصة ومامتها رقاصة وخالتها وجدتها، لكنها عندها طموح آخر، وبتاخد كورسات إنجليزي، وعندها محاولات وطموحات”.
وتحدثت عن تفاصيل الشخصية قائلةً: "هي لبسها محافظ بالنسبة إنها راقصة لكن فيها الروح، وهي متأثرة بالبيئة بتاعتها وكان ممكن تكون حاجة تانية لو الحياة كانت أدتها فرصة".
أبطال مسلسل “إش إش”المسلسل من بطولة مي عمر، ماجد المصري، هالة صدقي، شيماء سيف، انتصار، إدوارد، علاء مرسي، محمد الشرنوبي، طارق النهري، عصام السقا، إيهاب فهمي، دينا، وغيرهم.
العمل من تأليف مهاب طارق ومحمد سامي، وإخراج محمد سامي، ويُعرض عبر قنوات MBC ومنصات إلكترونية أخرى، ويتكون من 30 حلقة.
لجنة حماية المعطيات: هجومات سيبرانية تستهدف مواقع حكومية مغربية