نيللي: رفضت الظهور فى البرامج الحوارية.. ودنيا سمير غانم الأنسب لتقديم الفوازير
تاريخ النشر: 13th, April 2024 GMT
كشفت الفنانة نيللي عن سر إبتعادها السنوات الماضية عن الساحة الفنية وذلك فى مداخلة هاتفية لبرنامج “ ليالي العيد ” المذاع عبر قناة صدي البلد .
وقالت نيللي : مفيس وقت معين للظهور، انا بعتذر اني أطلع وأظهر فى البرامج الحوارية ، بس ممكن تيجي مرة فى دماغي مرة واوافق وأعمل الفوازير ، فالفوازير دي دي عمر بحاله ، وبحب كل اللي قدمته .
وتابعت نيللي خلال : " ارشح دنيا سمير غانم لتقديم الفوازير ، هي لطيفة أووي " .
حتفلت الإعلامية سهير جودة ومجموعة صغيرة من أصدقاء نيللي، بعيد ميلاد الفنانة نيللي، حيث شهدت لحظات الاحتفال حالة من البهجة والسعادة والفرحة بهذه المناسبة السعيدة.
ونشرت الإعلامية سهير جودة، عبر صفحتها الرسمية على فيسبوك، بعض اللقطات من عيد ميلاد الفنانة نيللي، قائلة: «اليوم عيد ميلاد أميرة قلوبنا نيللي».
وظهرت نيللي خلال الفيديو وهي تحمل في يدها باقة من الزهور ذات اللون الأبيض، والأصفر، حيث قالت إن أول من احتفل بعيد ميلادها هم أولاد أشقائها، وأطلقت «زغروطة» خلال الاحتفال بعيد ميلادها.
وقالت نيللي إن يوم عيد ميلادها دائما ما يكون مختلفا، مشيرة: «في اليوم ده بيحصل فرفشة، وبرج الجدي اكثر ما يميزه الصراحة، مبحبش الكذب أبدا».
وتحتفل الفنانة نيللي بعيد ميلادها في مطلع يناير من كل عام، وقام أصدقائها بتقديم "تورتة" عيد ميلادها وقاموا بالغناء لها وسط أجواء من السعادة والبهجة.
المصدر: صدى البلد
كلمات دلالية: نيللى الإعلامية سهير جودة سهير جودة دنيا سمير غانم الفوازير الفنانة نیللی عید میلادها
إقرأ أيضاً:
اتكسرت واتلمّيت.. أسما شريف منير تحتفل بعيد ميلادها الـ 38
احتفلت أسما شريف منير، ابنة الفنان شريف منير بعيد ميلادها الـ 38.
وكتبت أسما عبر حسابها على موقع التواصل الاجتماعي فيسبوك: "في عيد ميلادي الـ ٣٨ النهارده مش مجرد رقم جديد، النهارده وقفة مع نفسي، وبصّة ورا على كل خطوة، كل خُسارة، كل ضحكة، وكل دمعة، عدّيت على حاجات كتير، اتكسرت واتلمّيت، اتحبيت واتخذلت، وقعت وقومت… لكن فوق كل ده، اتعلمت".
وتابعت: "٣٨ سنة… و٣٨ حاجة اتعلمتهم خلوني أبقى النسخة دي منّي وهما:
١. اللي بيسيبك وقت ضعفك ما يستحقكش وقت قوتك.
٢. الحب لوحده مش كفاية، لازم احترام وأمان ونية صافية.
٣. مفيش أغلى من راحة البال.
٤. الحدود مش قسوة، دي حب لنفسي.
٥. كل اللي حصل كان لازم يحصل عشان أوصل للي أنا عليه دلوقتي.
٦. الكتم مش قوة دايمًا، أوقات لازم أتكلم.
٧. الجمال الحقيقي جوايا مش في مراية ولا كاميرا.
٨. الناس بتتغير، وأنا كمان. وده طبيعي.
٩. ربنا عمره ما خذلني، حتى في أسوأ أيامي.
١٠. السُكوت مش دايمًا رضا، أوقات بيبقى وجع.
١١. اللي بيحبك بجد هيخليكي تحسي بالأمان مش التوتر.
١٢. اتعلمت أقول لأ من غير ما أبرر.
١٣. في حاجات كتير فقدتها، بس كسبت نفسي.
١٤. المغفرة مش معناها أرجّع الناس لحياتي، معناها أحرر قلبي.
١٥. مش لازم أكون كاملة عشان أكون كفاية.
١٦. الوقت بيكشف، والنية بتبان.
١٧. مفيش صدفة، كله ترتيب إلهي.
١٨. الكتابة أنقذتني.
١٩. لما بحب نفسي، كل حاجة حواليّ بتتغير.
٢٠. مش لازم أرد على كل حاجة.
٢١. اتعلمت أسمع صوتي قبل صوت الناس.
٢٢. كل ما كنت حقيقية، كل ما ارتحت أكتر.
٢٣. اتعلمت أقول “أنا تعبانة” من غير خجل.
٢٤. العلاقات مش كلها للأبد، بس كلها دروس.
٢٥. أتقبل التغيير، حتى لو وجعني.
٢٦. اللي راح مكانش ليّ، واللي جاي أحلى بكتير.
٢٧. لما بنضف قلبي، الدنيا بتنضف معاه.
٢٨. مش لازم كل حاجة تتقال. في حاجات بتتحس بس.
٢٩. الصوت اللي جوايا أهم من أي رأي خارجي.
٣٠. مش دايمًا الصح واضح، بس الإحساس بيقول.
٣١. اللي بيحسسني إني مش كفاية، ملوش مكان.
٣٢. الأمان الحقيقي في حضن ربنا.
٣٣. مش كل حاجة لازم أفهمها دلوقتي.
٣٤. في أوقات لازم أختفي عشان أرجع قوية.
٣٥. النجاح مش شهرة، النجاح سلام داخلي.
٣٦. اتعلمت أكون لنفسي اللي كنت مستنياها من الناس.
٣٧. لما ببطل أقاوم، الحياة بتسوقني للأحسن.
٣٨. أنا لسه بتعلم، ولسه قلبي مفتوح لكل جديد.
واختتمت: “النهاردة بحتفل بكل نسخ أكوني، وبحضن البنت اللي كانت، والست اللي بقت، واللي لسه جاية كل سنة وأنا أقرب لنفسي، وأكتر حب، وأكتر نور”.
ارتفاع درجات الحرارة على جميع الأنحاء اليوم مع رياح مثيرة للأتربة