روجينا تكشف سر نجاح «سر إلهي».. وتوجه رسالة خاصة لنقيب الممثلين
تاريخ النشر: 12th, April 2024 GMT
أثنت الفنانة روجينا على أسرة مسلسل «سر إلهي»، والذي خاضت من خلاله سباق موسم دراما رمضان 2024، وتم عرضه في النصف الأول من الشهر الكريم.
وأضافت روجينا في لقاء خاص مع الإعلامية شيرين سليمان، ببرنامج سبوت لايت المذاع على قناة صدى البلد، قائلة: «اجتهدنا وتعبنا، المؤلف أمين جمال، والمخرج رؤوف عبد العزيز، وكل الكاست اللي قدام الكاميرا وخلف الكاميرا، زملائي اللي بحبهم وبشكرهم وبقولهم أنا من غيركم ولا حاجة، وأساتذتي الكبار اللي كنت بتحامى فيهم».
وأشارت روجينا إلى أن مسلسل «سر إلهي» أحداثه سريعة للغاية، قائلة: «المسلسل سريع جدًا، مكناش بنقعد في ديكور، كنا ما بين الإسماعيلية والسجن والمقابر، كنا عبارة عن رحالة؛ لأننا بنقدم 15 حلقة وعايزين نقدم قصة محبوكة بكل تفاصيلها فيها الحب والشر والكره والقتل».
وأشادت روجينا بالمؤلف أمين جمال، مؤكدة على أنه كتب ورق جيد جدًا، قائلة: «أمين جمال كاتب ورق كويس جدًا، عادةً البطل أو البطلة بينتقم أخر 3 حلقات، لكن نصرة بتقعد في السجن كمرحلة انتقالية وبتخطط هتعمل أيه، فالميزة أنها أول ما بتخرج من السجن بنتفذ الانتقام».
وتحدثت روجينا عن تشجيع زوجها الفنان الدكتور أشرف زكي نقيب الممثلين، قائلة: «أشرف نجاحي هو نجاحه، ونجاحه نجاحي، طول عمرنا عايشين كده، أشرف والبنات واقفين في ضهري وهم سنّدي، وبيبقو خايفين عليا ومبسوطين بردود الأفعال، وبقول لو مش أشرف زكي مكنتش قدرت أوصل للي وصلتله ده الحمد والشكر لله، وربنا يحفظهولي ويخلهولي يا رب».
المصدر: الوطن
إقرأ أيضاً:
كريم فهمي عن مسلسل وتقابل حبيب: نجاح العمل كان تدريجيا
عبّر الفنان كريم فهمي عن مخاوفه التي رافقته خلال عرض مسلسل "وتقابل حبيب"، مؤكدًا أن نجاح العمل كان تدريجيًا، وبدأ بشكل قوي منذ الحلقات الأولى، وازداد مع تصاعد الأحداث، لكن القلق لم يفارقه.
وقال خلال لقائه مع الإعلامية لميس الحديدي في برنامج "كلمة أخيرة" عبر شاشة ON: "من أول المسلسل والناس كانت متفاعلة، بس قلقي كان أكبر من أي حاجة، لأني كنت خايف من المقارنة مع مسلسل ونحب تاني ليه؟، وده بسبب إن نفس الثنائي موجود: أنا وياسمين عبد العزيز، وكمان الكاتب عمرو محمود ياسين وعدد من نفس فريق العمل".
أوضح كريم فهمي أنه بذل مجهودًا مضاعفًا لضمان نجاح "وتقابل حبيب"، لضمان تجاوز نجاح التجربة السابقة، مضيفًا:"كنت عاوز ننجح أكتر من ونحب تاني ليه؟، عشان كده تعبت جدًا، وتعبت عمرو محمود ياسين أكتر، كنت دايمًا خايف وبدور على كل شيء في كل تفصيلة، ومكنتش بسيب حاجة تعدي من غير نقاش طويل".
تابع بابتسامة: "أنا تعبت عمرو كتير في الشغل، ودايمًا كنا بنتخانق بسبب آراء مختلفة، بس إحنا أصحاب جدًا في الحقيقة. ونفس الشيء بيني وبين ياسمين عبد العزيز، إحنا أصدقاء، لكن في الشغل كل واحد بيفصل الصداقة عن المهنة".
عن شخصية "فارس أبو العزم"، قال كريم فهمي:"كنت شايل هم الشخصية جدًا.. عاوزها تطلع في أفضل صورة ممكنة، وده خلاني طول الوقت في حالة تركيز ومراجعة ونقاش مع عمرو وياسمين، لأن كنت نفسي .. النجاح هو إننا نقدم عمل حقيقي أفضل من اللي قبله".