خزين البيت السبب.. مها تطلب الخلع من زوجها: مشوفتش بخل كده
تاريخ النشر: 11th, April 2024 GMT
مها سيدة ثلاثينية تقدمت إلى محكمة الأسرة بدعوى خلع للتخلص من زوجها بعد أن عانت معه من البخل على مدار 3 سنوات حتى قررت التخلص من تلك الزيجة التي قالت عنها في بداية حديثها «أنا مشوفتش حد بخيل كده».
. رموا عشيق شقيقتهم من الدور الثامن ببشتيل مها تطلب الخلع من زوجها بسب خزين البيت
سردت مها قصتها أثناء انتظارها أمام محكمة الأسرة في الكيت كات قائلة: «الموضوع مش ظروف ولا الدنيا غالية، أنا وهو بنشتغل وظروفنا فوق المتوسط، والحالة المادية كويسة جدا لكن هو بني آدم بخيل وبيخاف على الجنيه، أكتر مني ومن أمه، لدرجة أن الصفة دي نفسها أمه علقت عليها أكتر من مرة في كذا موقف».
وقالت مها الزوجة الثلاثينية لـ موقع “صدى البلد”: “أنا اتجوزت من 3 سنين وساعتها كان سني 33 سنة، والعيلة كلها كانت بتقول أني عجزت وكبرت في السن، وساعتها كنت مضطرة أوافق على أي عريس لحد ما عمتي جابت لي عريس وقالت لي ظروفه كويسة وعنده شقة وعايز يعيش، وفعلا قعدت معاه 3 مرات وكانت الشخصية والصفات كويسة جدا واتخطبت فترة 6 شهور وبعدها اتجوزت”.
وأضافت: “طول 6 شهور خطوبة مكنش في أي حاجة تقول إنه بخيل، لكن بعد الجواز على طول كنت بشوف قد إيه إنه بخيل وكنت بقول لنفسي ده عادي هتلاقيه بيحاول يفتح بيت مع إن ظروفنا المادية كويسة جدا، لكن كان بيشتري بيضتين كل يوم ولما كنت أقوله نشتري طبق بيض يقولي نجيب أحسن الحاجة على قدنا وبلاش نشتري حاجات على الفاضي”.
وتابعت: “مشوفتش كده في حياتي، بيروح يجيب لي كيس رز وكيس سكر وبيضتين وعلبة جبنة صغيرة جدا و6 شرايح جبنة رومي وشوية حاجات تكفي يوم بالعافية ويقولي لما نحتاج نشتري مالوش لازم الخزين والكلام اللي بيخسر ده، وحاولت معاه كتير لدرجة إني كنت باطلب منه مسحوق الغسالة كان بيجيب لي بالكيلو وبيرفض يشتري العبوة الكبيرة”.
واختتمت مها حديثها قائلة: «آخر ما زهقت منه قولت له أنا مش هقدر أكمل بالشكل ده وأنا مش عايزة أكمل في الجواز، قالي اتنازلي عن كل حاجة وسيبي الدهب وكل حاجتك وادفعيلي الفلوس اللي صرفتها عليكي، وساعتها روحت رفعت عليه قضية خلع».
المصدر: صدى البلد
كلمات دلالية: مها الخلع دعوى خلع طلب الخلع محكمة الاسرة
إقرأ أيضاً:
النيابة تطلب تقرير الصفة التشريحية لجثة فتاة سقطت من الطابق الثالث فى بولاق
طالبت النيابة العامة بمحكمة جنوب القاهرة مصلحة الطب الشرعى بسرعة إرسال تقرير الصفة التشريحية لجثة فتاة سقطت من الطابق الثالث فى بولاق أبو العلا، لاستكمال التحقيقات.
واستدعت النيابة شهود العيان سكان العمارة محل الواقعة ومالكة الشقة لسؤالهم حول الواقعة، وأمرت بجمع الكاميرات الموجودة بمحيط الواقعة وتفريغها للوقوف على ملابسات الواقعة.
كانت غرفة عمليات النجدة، تلقت بلاغا بسقوط فتاة من شرفة الطابق الثالث لعقار سكنى فى منطقة بولاق أبو العلا، وعلى الفور انتقل رجال المباحث إلى موقع الحادث، وتبين من خلال التحريات، أن الجثة لفتاة في العقد الثالث من العمر ترتدي كامل ملابسها وبها كسور وسحجات ونزيف بأماكن متفرقة من الجسد، وتم إيداع الجثمان مشرحة زينهم.
كما كشفت التحريات، أن الفتاة المتوفاة كانت برفقة صديق لها فى الشقة وحدثت بينهما خلافات نتج عنها سقوط الفتاة من الطابق الثالث مما أدى إلى وفاتها.
مهنيو النقل الطرقي يرفضون تعديل مرسوم الولوج إلى المهنة ويطالبون الوزارة الوصية بالحوار