لازم يحس إنه رقم واحد.. ميدو يكشف سبب تراجع نجم الزمالك
تاريخ النشر: 8th, April 2024 GMT
كشف أحمد حسام ميدو، نجم الزمالك السابق عن سبب تراجع مستوى حارس مرمى الزمالك محمد عواد.
وكتب ميدو عبر حسابه على موقع إكس: في أزمة حقيقية في مركز حراسة المرمى في نادي الزمالك، الأخطاء اللي بيعملها عواد ما لهاش علاقة بمستواه الفني لأني دربته قبل كدة في الإسماعيلي وفي الوحدة، وعارف كويس إن مستواه أفضل بكثير من المستوى اللي بيقدمه دلوقتي مع الفريق.
وأضاف: مشكلة عواد الحقيقية إنه لغاية دلوقتي ما أخدش عقده وما يعرفش السنة اللي جاية هيكون فين وده واخد جزء كبير من تفكيره ومن تركيزه!. هي دي شخصية عواد لازم يحس إنه نمرة واحد وإن مستقبله في أمان، ساعتها هيتحول لحارس تاني خالص!.
وتابع : لو قرر الزمالك عدم التجديد لعواد، فنصيحتي لـ جوميز لازم تشارك حارس مرمى تاني حتى لو ولد صغير لأن استمرار الموقف كما هو عليه هيكلف الزمالك أسهل بطولة قارية ممكن يفوز بيها!.
المصدر: صدى البلد
كلمات دلالية: ميدو اللاعب محمد عواد محمد عواد حارس مرمى الزمالك احمد حسام ميدو
إقرأ أيضاً:
خالد طلعت يكشف حقيقة تفاوض الزمالك مع ثلاثي مودرن سبورت
كشف الناقد الرياضي خالد طلعت عن حقيقة تعاقد الزمالك مع ثلاثي مودرن سبورت.
وكتب طلعت من خلال حسابه الشخصي فيس بوك :" مسؤول في الزمالك نفى ان النادي بيفكر في التعاقد مع ثلاثي مودرن سبورت أحمد عاطف وعلي زعزع وغنام محمد وان مستواهم ميؤهلهمش للعب في الزمالك
بصراحة الراجل عنده حق ، أحمد عاطف مهاجم رأس حربة لعب 16 ماتش في الدوري الموسم الحالي مع مودرن مسجلش فيهم غير هدفين فقط ومنهم هدف كمان من ضربة جزاء !!!
علي زعزع لعب الموسم ده مع مودرن في كل البطولات 18 ماتش مسجلش غير هدف واحد وصنع هدف واحد !!
غنام محمد لعب 21 ماتش الموسم ده مسجلش ولا هدف ولا صنع ولا هدف !!! ".
ويستعد الزمالك لمواجهة المصري المقرر لها يوم 1 مايو المقبل على ستاد الجيش ببرج العرب، في الجولة الثالثة للمرحلة النهائية لمسابقة الدوري المصري الممتاز.
ويفتقد الزمالك لخدمات كل من محمود حمدي الونش والمغربي محمود بنتايج في لقاء المصري المقبل للإيقاف بسبب تراكم البطاقات الصفراء.