علا الشافعي: «وشاية ظالمة قطعت عيشي.. وربنا نصفني بعد سنتين»
تاريخ النشر: 7th, April 2024 GMT
كشفت الكاتبة الصحفية علا الشافعي، تفاصيل واقعة تعرضها لظلم شديد أثَّر على مصدر دخلها لمدة عامين.
وقالت الشافعي، خلال استضافتها ببرنامج (كلم ربنا .. مع أحمد الخطيب) على الراديو 9090، إن هذه الفترة كانت أصعب مرحلة مررت بها في مسيرتي المهنية، خاصة أنها كان لها أثرها السلبي الكبير على ابنتي "حنين" في تلك المرحلة.
وأضافت: بسبب وشاية ظالمة؛ انقطع عيشي من المكان اللى كنت بشتغل فيه، ومابقاش عندي مصدر دخل.. طول الأزمة دي مكنتش بنام .. وكنت بصلي وأعيط وأنا بصلي وأقول لربنا: أنا حقي عندك، وأنا عارفه إنك عدل وكريم، ومتأكدة إن حقي هييجي، وكل اللى بتمناه إني أشوف حقي في الدنيا".
وتابعت الكاتبة الصحفية قائلة: المولى- عز وجل- استجاب لمناجاتي، وبعد عامين من الأزمة وصلها اتصال هاتفي مفاجئ من شخصيه هامة يسأل عن أحوالها، ويحدد معها موعدا مهما للاتفاق على عمل جديد لها "حسيت ساعتها بوجود ربنا جنبي وكرمه عليا".
الأزماتوأكملت حديثها عن علاقتها بربنا، قائلة: "في كل الأزمات اللى مرت بحياتي.. ممكن أكون في الشارع وبكلم ربنا .. دايما أبص للسما وهي مفتوحة علشان انا متربية في الفلاحين ومتعودة على البراح.. كنت أشكى لربنا وأكلمه.. وفي اللحظات دي كنت بحس بشكل مادي ومعنوي بإيد بتطبطب عليا.. علشان كدا لما حد يقول لى ربنا هيطبطب عليكي، انا بكون فاهمة المعني مش بس مجازا لكن المعني المادي كمان".
وأوضحت علا الشافعي أنها شديدة الحب لآل البيت وأولياء الله الصالحين، وقالت : "لما بكلم ربنا في أى أزمة كنت حريصة على إني أزور أحبابه. سيدنا الحسين السيدة زينب السيدة نفيسة . أصلى ركتين بحب وأدعي من قلبي في مقامات الصالحين وأبكي بكاء شديدا بشكل لا إرادي.. ودي عادتي لما أدخل أى مقام لآل البيت أو الصالحين إحساسي بحالة المقام وبقرب صاحبه من ربنا كان بيأثر فيا جدا".
وذكرت الشافعي بعض التفاصيل عن مرحلة طفولتها قائلة " أبويا زمان كان مسميني الشيخة على.. لأني وأنا صغيرة كنت بروح كُتاب في قريتنا كفر الأكرم قويسنا منوفية .. وكنت بصوم اثنين وخميس.. وأبويا كان مستغرب إني وانا لسا صغيرة مصممة على حفظ القرآن وعلى الصوم وزي ما يكون كان حاسس إني فيا نفحة .. بس ميعرفش مصدرها إيه ولا جاية منين".
المصدر: صدى البلد
كلمات دلالية: أحمد الخطيب السيدة زينب راديو 9090 سيدنا الحسين علا الشافعي
إقرأ أيضاً:
بشرى: أنا ألذ حاجة في حياتي.. والسعادة في البساطة بعيد عن الصخب|فيديو
كشفت الفنانة بشرى عن فلسفتها الخاصة في السعادة والبساطة، حيث تحدثت بطريقة طريفة عن رؤيتها للحياة.
وقالت بشرى، خلال استضافتها في برنامج "سبوت لايت" مع الإعلامية شيرين سليمان على قناة “صدى البلد”: "الحاجة اللي بتعملي بهجة في حياتي أنا، أنا ألذ حاجة في حياتي، وأنا أستحق جوايز كتير أوي، هما بس مش واخدين بالهم".
وأوضحت بشرى أن السعادة بالنسبة لها تكمن في التفاصيل البسيطة، مضيفة: "حاجات بسيطة جدًا ممكن تسعدني زي إني أتفرج على فيلم كارتون، وكمان كوباية كاكاو سخنة".
وتابعت: "بحب قوي قعدتي على البحر والرمل من غير فشخرة، فالإنسان ممكن يتبسط في حاجات بسيطة جدًا، بس يبقى واخد قرار إن الحياة متلهيهوش والصخب، وأنا بصراحة سأمت الصخب".
واختتمت بشرى حديثها بالإشارة إلى أن البهجة الحقيقية تظهر في اللحظات الصغيرة والمؤثرة، قائلة: "البهجة بتكون في حاجات جميلة وبسيطة، زي أولادي وهما بيتبسطوا، وفي أصدقائي وهما سعداء، وفي ابتسامة على وش حد".
الزمالك يهزم الأهلى ويتوج بكأس البطوله العربيه للطائره