هبة عبد العزيز تكتب: قطايف من غير مكسرات
تاريخ النشر: 7th, April 2024 GMT
كل سنة وانتم طيبين ورمضان كريم نبدأ القطايف
-تعالى لما أقولك حاجة من قلب المقلب … أجور النجوم ياسيدى في برنامج رامز جلال ( السقا ٣ مليون - مي عمر مليون ونص - باسم سمرة مليون و٢٠٠ الف - شيرين رضا مليون ونص - حمادة هلال ٢ مليون)،،،،
إيه ده ياجدعان!!! مابوراحة شوية آماااااال لو ماكانوش عارفين المقلب كانوا أخدوا كام!!
-قالو من جوه المدينة.
-قبل الفطار: حضرتك بكام الفانوس ده؟ ب ٣٠٠٠ جنية يا فندم،،، لية حضرتك أنا عايزة فانوس بتاع وحوي ياوحوي مش فانوس لعرببتي المرسيدس!
-خاص وعاجل.. القبض على ٣ مذيعات ماعملوش بودكاست لغاية دلوقتي !! افهموا الشغلانة في عرض النبي هو مش تقليد وخلاص!!
-من قلب الرياض.. بعد مرور شهر من النجاح المبهر لمباراة نهائي الكاس في الرياض.. اقدر اقول ملخص عناوين سريعة: درس سعودي تنظيمي.. نقل اعلامي محترف.. حضور جماهيري مشرف.. بيانات عشوائية كوميدية..
-صباح الخير من العاصمة.. تحدثت في قناة أون تايم عن المدينة الأولمبية في العاصمة الإدارية الجديدة وتوقعت النجاح.. واليوم نشاهد إستاد عالمي وبطولة كبيرة بتنظيم مصري جيد،،، شابوه لكل من فكر وأبدع وقرر وشكرا للشركة المتحدة للرياضة على التنظيم المتميز.
-بمناسبة حملة نزول الأسعار اللي منتشرة على السوشيال ميديا بس.. بقول للسوبر ماركت الأسعار رخصت ع النت قالى أبقى إعملى لها download يا فندم !
-النجمة الإسبانية "هبه عبوك" أخدت حقها من نجم باريس سان جيرمان "أشرف حكيمي" ما قولتلك المحاكم الفرنسية مش بتهزر، ومافيش "هبه" بتخسر أبدا
-تحت شعار أجيال بتسلم بعض.. شابو هشام ماجد وأسماء جلال وسلمي أبو ضيف.. ومستوي مميز لطارق لطفي وكريم عبد العزيز وباسم سمره في دراما رمضان لغاية دلوقتي.
-هو احنا لية بقالنا ١٥ سنة مافيش بربع جنية إبتكار في برامج المقالب؟! كلها لازم تكون ضرب وصراخ وعياط مكشوفة جدا، الله يرحم القدير إبراهيم نصر كان عنده بدل الفكرة ١٠ وبميزانية ١ ٪ من اللي موجودة دلوقتي.
-تخاريف صيام.. الفنانة المغربية "بسمة بوسيل" قالت في تصريح رمضاني كده، ومش عارفة ده كان قبل الفطار ولا بعده الحقيقة !!! المهم قالت ياسيدى إن مسألة رجوعي لتامر حسني حلم وهيتحقق.. عايزة تعملي معاه كليب قصدك يعني !!!
القطايف اللي جاية هانتكلم بصراحة عن ملخص لدراما رمضان وكل قطايف وأنتم طيبين.
المصدر: بوابة الفجر
إقرأ أيضاً:
عضو المواد الغذائية: انطلاق معارض أهلا رمضان فبراير ومفاجأة في الأسعار |فيديو
قال حازم المنوفي عضو شعبة المواد الغذائية بالغرف التجارية، إنه بداية من شهر فبراير المقبل، ستكون معارض أهلا رمضان متاحة بجميع المحافظات، مؤكدا على توافر جميع السلع بأسعار أقل من العام الماضي.
وأضاف عضو شعبة المواد الغذائية بالغرف التجارية، خلال مداخلة هاتفية مع الإعلامية فاتن عبدالمعبود ببرنامج “صالة التحرير” المذاع على قناة “صدى البلد”، أن المعارض سيتم إتاحتها قبل موعد حلول رمضان المبارك بشهر، موضحا أن أسعار السلع تراجعت بين 10% و15% عن العام الماضي 2024.
وأوضح أن وزارة التموين قامت برفع عدد المنافذ، مع إتاحة جميع السلع خاصة الياميش، مشيرا إلى مبادرة اليوم الواحد التي نفذتها الغرف التجارية لإتاحة السلع بأسعار مخفضة، مع توفير السلع على مدار شهر رمضان.
وأكد “لا توجد زيادات في أسعار السلع خلال شهر رمضان 2025، وهناك مخزون كبير في جميع السلع”.
وكيل إمارة الرياض المساعد للحقوق يحضر حفل سفارة جمهورية اتحاد ميانمار بمناسبة اليوم الوطني لبلادها