«كتلة سودة».. صلاح عبد الله يكشف موقفه من النقاب

كشف الفنان المصري صلاح عبد الله، العديد من التفاصيل والأسرار الخاصة بحياته الشخصية لأول مرة، وتحدث عن مشاريعه الفنية خلال الفترة المقبلة، وعن علاقته بنجوم الوسط الفني، وذلك خلال استضافته في برنامج «حبر سري» تقديم «أسما إبراهيم»، قناة القاهرة والناس.

تصريحات صلاح عبد الله

أكد الفنان صلاح عبد الله خلال اللقاء، أنه يتمنى العمل مع كريم عبد العزيز وأحمد حلمي، خاصة وأنه لم يقدم معهما أي أعمال فنية سواء في صغرهما أو الآن، قائلا: «نفسي أمثل مع اللى ممثلتش معاهم زي كريم عبد العزيز وأحمد حلمي، وحظي قليل إني ممثلتش معاهم حتى وهما صغيرين».

وأضاف: «وبعد ما قلت هذا التصريح لو جالي شغل مع كريم أو حلمي هعتذر عنه ودي تركيبتي لأني عمري ما قلت نفسي أشتغل مع حد، وأنا بحبهم ولكن ممكن يكونوا مش بيحبوني وصعب يكون في حد في الوسط الفني مش بيحبني».

صلاح عبد اللهرفض صلاح عبد الله للنقاب

ومن ضمن تصريحات «صلاح عبد الله» التي ناقشتها معه «أسما»، تصريحه بشأن رفضه النقاب، فعلق قائلاً: «أنا عارف إن ده هيعمل لي مشاكل مع المتعصبين وممكن بعد كده أتراجع لكن لحد اللحظة اللي نا قاعد معاكي فيها دي، يعني إيه مقدرش أميز الراجل عن ست يعني إيه مقدرش أخد بالي اللي دخل بيتي ده راجل ولا ست ويعني مثلا الكهربا قطعت والدنيا ضلمة وألاقي حد واتخض يعني لأنه كتلة من السواد».

وتابع: «عارف إن ده بيعمل حساسية وهيطلعوا يشتموني والحاجات اللي اتعودنا عليها خلاص بس مش عارف دي قناعتي ولحد دلوقتي بالنسبة النقاب اللي هو كتلة سواد ده مش زي إسلامي والله أعلم، وصعب أوي بنت من بناتي تيجي تقولي هلبس النقاب وهرفض وهتبقى مشكلة وهحاول أقنعها يعني اتحجبي اتحشمي أوي إلبسي الحجاب ماشي إنما كتلة السواد دي لأ وبعدين مش مربي بناتي على كده ملتزمين ومحتشمين ومراتي برضه معاهم بحرية مش فرض ولو هحصل هحاول أقنعها بس بلاش مبالغة يعني ولو حصل هيبقى صعب عليا شوية».

تعرض صلاح عبد الله للنصب

وكشف «صلاح عبد الله» خلال برنامج «حبر سري» عن تعرضه للنصب من قبل شخص يعرفه، قائلاً: «اللي حصل أن حد تقريبًا نصب عليا ومكنتش متوقع أن التركيبة كده وخلاص سلمت أمري لله وعدت سنين طويلة وفجأة قريت خبر وفاته وقضيت ليلة ما يعلم بيها غير المولى عز وجل، ووقتها كنت في أوضتي وفتحت الشباك وكلمت المولى عز وجل وكنت بكلم ربنا بقوله هو منصبش عليا ولا حاجة».

وتابع: «فهمت غلط ومسامحه وأنا اللي فهمت غلط، الراجل استلف مني والظروف مساعدتهوش يرجعها، وكان فيه سنين كتير محصلش تواصل مع بعض من ساعة ما أخد الفلوس، ولم أدع عليه بس زعلت منه وأنا عندي قناعة إن ربنا تقبل دعائي والله أعلم واسمه الغفور والغفار الرحمن الرحيم».

اقرأ أيضاًلجين عمران لـ حبر سري: دخلي من الإعلام ميقضيش لبسي

حبيب غلوم لـ حبر سري: مصر البوابة الحقيقية لأي فنان

المصدر: الأسبوع