بعد كثير من الشائعات والأقاويل، حل الفنان حسام حبيب ضيفًا على برنامج «ع المسرح»، الذي تقدمه الإعلامية مني عبد الوهاب، وكشف الكثير من الأسرار التي تتعلق بعلاقته بالفنانة شيرين عبد الوهاب.

مفاجأت صادمة يكشفها حسام حبيب عن شيرين عبد الوهاب 

كان أول الأسرار التى كشفها الفنان حسام حبيب هو حلاقة شعر الفنانة شيرين عبد الوهاب، والتي أثارت جدلًا كبيرًا وترددت شائعات بأنه هو من فعل بها هذا الأمر.

وقال «حبيب»: «مشكلة عبيطة حصلت بينا وزي أي ست قالتلي طلقني قولتلها طب قومي البسي وهننزل للمأذون نطلق، قالتلى أنا مبنزلش ابعت هاته أي تلكيك بقى، هيا افتكرت إن بجد هطلقها فدخلت الحمام فكرتها هتغير اتأخرت شوية، وطلعت لما طلعت كدا وقعت على ركبي فى الأرض مش مصدق اللي عملته».

وتابع: «ده نوع من أنواع التعبير عن الغضب واللي اتفقنا إنه ميحصلش لأنه مينفعش أأذي نفسي علشان أعرف الطرف التاني إني غضبان».

كما تحدث حسام حبيب عن وجوده مع شيرين دائما في الحفلات، فقال: «أنا طلعت قاصد وأنا ماسك ديل فستانها، مراتي لو فنانة لو قاعدة فى البيت هي تاج على راسي، وأنا عمري ما أخدت مليم من شغل شيرين».

وتابع حبيب حديثه عن عدم رده على اتهامات زوجته فقال: «أطلع لمراتي اللي قعدنا وكلنا وشربنا وسافرنا وعملنا كل شيء علشان لحظة غضب، الناس متفرقش معايا خالص. أحلى حاجة في الدنيا تعلمي اللي قدامك ازاي تسامح وفيه كلمة كنت بقولها لشيرين دايمًا: أنا بحبك أكتر من الزعل يعني كرامتي ولا انتي، وأنا ممشيتش علشان أرجعلها، المهم أننا في حياة بعض».

أما عن تسبب حسام في خلافات شيرين عبد الوهاب عائلتها، فقال: «إزاي أخوها يقول عليها إنها مدمنة وفي الليفيل الرابع ازاي يطلع يقول كدا في الوقت اللي هي فعلا مش كدا خالص، وهما عرفوا فيها كدا علشان عرفوا إنها عايزة ترجعلي، وبالعكس أنا اللي صالحتها عليهم لما اتجوزتها، صالحتها عليهم كانت هي مقاطعة وهي حذرتني تقولي خد بالك متقربش».

المصدر: الوطن

كلمات دلالية: حسام حبيب شيرين عبد الوهاب شيرين ع المسرح شیرین عبد الوهاب حسام حبیب

إقرأ أيضاً:

عروس من خارج الوسط.. حسام حبيب يرتبط وخطوبة خلال أيام

كشف الفنان حسام حبيب  عن ارتباطه رسميا بفتاة من خارج الوسط الفني، مؤكدًا أنها غير مصرية الجنسية.

وكشف حسام حبيب خلال تصريحات صحفية أنه سيحدد موعد الخطوبة رسميا خلال الفترة المقبلة. 

ألبوم حسام حبيب : 

قرر الفنان حسام حبيب طرح عدد من أغانى ألبومه الجديد فى الصيف المقبل، حيث انتهى من تسجيل عدد كبير من أغانى الألبوم. 

 حسام حبيب يهاجم شيرين عبد الوهاب 

وقد كتب المطرب حسام حبيب، منشورين عبر ستوري حسابه الرسمي بتطبيق “إنستجرام”، كشف من خلالهما تعرضه لهجوم من جمهور طليقته الفنانة شيرين عبد الوهاب، وتطرق للحديث عن ممرض لم يكشف قصته كاملة. 

وكتب حسام حبيب، عبر ستوري “إنستجرام”: «الحمد لله أنا بشكر ربنا سبحانه وتعالى على كرمه وفضله إن الناس اللى أنا بجد بشكرهم وبقولهم شكرا لأنكم سمعتوني من غير هجوم ورعب وأذی وتهدید، وإنكم حررتوني من تهديد صفحاتها والألتراس بتاعها اللي فضلو مصممين عليه.. وأنا لسه ها عرفكم على الناس اللى شغالين وعايشين معاها أصلهم إيه وفصلهم إيه وهما مين وعملوا إيه وضروني إزاي وقد إيه هما فاكريني مش هاوصل لحقيقتهم.. أقسم بالله العظيم لاخليهم آية وعبرة لمن يعتبر.. وبقولهم انتم خايفين ليه وبتفكروا تسافروا ليه؟ فاكرين هتهربوا من المواجهة.. وبقولهم تاني لو رحتوا فين ده إذا عرفوا يسافروا.. وبقولهم اللي انتم مخبيينه عليها والضرر اللى اتسببته فيه ليا وليها تاني هخليهم عبرة». 

وأضاف حسام حبيب، في منشور آخر: «وللناس اللي بتسأل ليه راجع تفتح الموضوع بعد ما اتقفل.. الحقيقة مش أنا اللي عملت كده اللي عمل كده هما صفحات جمهورها اللي من برومو حلقة رامز.. وبعدها ما وقفوش سب وقذف وإهانة.. وحذرتهم.. الصفحات دي بيتم إدارتها وتمويلها من أفراد شغالين وعايشين معاها.. وأعتقد بدون علمها.. ولكن هي المسئولة عنهم.. وهاحطلكم في الاستوري اللي بعدها مثال لصفحة الأدمن بتاعها ممرض من بلقاس اسمه إبراهيم اللى بيتم تمويله وتحريضه من الثنائي اللي هاكشفلكم حقيقتهم وإن شاء الله هيتم محاسبتهم ومحاسبة ممرض بلقاس». 

مقالات مشابهة

  • بعد أزمته مع شيرين.. والد حسام حبيب يعلق على أخبار خطوبة نجله
  • حسام حبيب يعلن ارتباطه بفتاة من خارج الوسط الفني
  • حسام حبيب يرتبط بفتاة من خارج الوسط الفني والخطوبة خلال أيام
  • حسام حبيب يعيش قصة حب جديدة.. فتاة من جنسية غير مصرية
  • عروس من خارج الوسط.. حسام حبيب يرتبط وخطوبة خلال أيام
  • حسام حبيب يفجّر مفاجأة عن مروره بقصة حب جديدة
  • مش مصرية.. حسام حبيب يعلن ارتباطه رسميا
  • الحياة مش كلها ستات.. أول تعليق من والد حسام حبيب على حقيقة زواج نجله
  • حسام حبيب يقرر طرح أغانٍ من ألبومه فى الصيف
  • حسام حبيب يستعد لإعلان خطوبته قريبا