الدين لا يحتاج شيوخ.. إيناس الدغيدي تكشف سر جملة تبكيها وإحساسها عندما تحج
تاريخ النشر: 5th, April 2024 GMT
علقت المخرجة إيناس الدغيدي على علاقتها بالله وتصريحاتها الدينية المثيرة للجدل قائلة: “عندي أفكار معينة عن ربنا، قلت قبل كده العلاقة بيني وبين ربنا اللي بتاخدها الناس باستهزاء، الناس واخدة جرأتي اني متكلمش عن ربنا عشان الحتة الدينية، وعلاقتي قوية جدًا بربنا، وكل يوم بشكر ربنا رغم إني مش متدينة”.
وتابعت المخرجة البالغة من العمر 71 عاما: "عندي جملة خدتها من علم الطاقة، انا بدرس طاقة اونلاين والجملة هي، اللهم إني احبك فاحببني فيك أكثر ياالله، الجملة دي ممكن أعيط فيها، بقولها طول مانا سايقة لوحدي لإني بحب القيادة، أشعر أني في علاقة بيني وبين ربنا، عشان كل اللي بيتقال عليا".
وقالت المخرجة إيناس الدغيدي، خلال استضافتها ببرنامج "أسرار" مع الإعلامية أميرة بدر المذاع على قناة النهار: “مبسمعش شيوخ، ولو سمعت مبديلوش أي اهتمام، ووالدي طول حياتنا كان بيكلمنا في الدين، وكان رجل متفتح ومن طفولتي بتعلم دين، حجيت مرتين وبتاع 30 عمرة، أول مرة رحت حسيت بحاجة غريبة لكن بعد كده بتبقى طقوس أكتر من إحساس، ومدعيتش عشان كنت بعيط، وطلبت الشهرة والفلوس والمجد”.
وأكملت صاحبة فيلم “لحم رخيص” الصادر في 1995: "عمري ما ندمت على أي حاجة صرحت بيها ومش ندمانة على أي فعل، بما فيهم الأفعال اللي مش كويسة في نظر الناس، الخطأ والصواب بنتعلمه، ومش ندمانة على تصريح الحجاب، ووالدتي ماتت 80 سنة ومش محجبة ومش معناه إنها مش كويسة، ووالدي كان متدين جدًا وكنا نلبس ميني جيب، وأنا في الحج رحت بشعري وأول مانزلت هناك اتحجبت و مكنتش طايقة، مبهتمش أشوف فرض ولا لاء المهم انا عايزة ولا لاء، وعملت الخط بتاع الحجاب ده في فيلم امرأة واحدة لا تكفي".
رفض طلب زواج من مثلي
وكشفت المخرجة إيناس الدغيدي عن رفض زواجها من مثلي جنسيًا قائلة: “عرض زواجي من صديقي المثلي جنسيًا رفضته، هو كان صديق بره عايش في إيطاليا، وكان سنه كبير”.
وأكملت: "هو عارف إني عارفة، وكان عايزنى عشان أبقى رفيقة، لأن سننا مش بتاع شهوة، وضحكت لما عرض عليا، ويمكن يطبطب عليا وجنبه حد تاني من جنسه، ومكانش يعرف رد فعلي وحولت الموضوع هزار، كان رجل عربي، وصديقي ورجل محترم وبيعمل خير".
المصدر: بوابة الوفد
كلمات دلالية: أميرة بدر أيناس الدغيدى الإعلامية أميرة بدر المخرجة إيناس الدغيدي أميرة بدر و المخرجة إيناس الدغيدي اسرار اميرة بدر اميرة بدر النهار برنامج اميرة بدر اسرار برنامج اسرار اميرة بدر برنامج اميرة بدر النهار إیناس الدغیدی
إقرأ أيضاً:
ننشر أقوال عمرو دياب أمام النيابة: الشاب اعتدى عليا وقرصنى
قبل ساعات من نظر محكمة جنح القاهرة الجديدة، غدا السبت، أولى جلسات الشاب سعد أسامة بتهمة الاعتداء على الفنان عمرو دياب، ومحاكمة عمرو دياب بتهمة التعدي على الشاب، ينشر اليوم السابع أقوال عمرو دياب في تحقيقات النيابة.
س: ما قولك فيما هو منسوب إليك من أنك متهم بالتعدي بالضرب بأن قمت بصفع المجني عليه سعد أسامة على وجهه دون إصاباه على النحو المبين بالتحقيقات ؟
ج : محصلش
س: ما الذي حدث إذا وما هي ظروف حدوث تلك الواقعة؟
ج :اللى حصل أنا قولته كله في التحقيق قبل كدة وأن الشخص اللي مسكني وشدني بقوة من جنبي وقرصني أثناء إحيائي لحفل الزفاف بفندق في التجمع الأول، ولما حسيت أنه بيعتدى عليا قمت بضربه بإيدي، وأنا مش عارف الضربة جاتله فين، إلا لما الفيديو نزل على مواقع التواصل الاجتماعي وشوفت الضربة جت علي وشه، ودا كان رد فعل طبيعي علشان مسكنى بقوة من جنبي وهو اللى استفزني بطريقته بعد ما أتصور معايا، هو اللي بدأ بالتعدى عليا الأول و السبب في إني أنهي فقرتي في حفل الزفاف عشان اتسبب ليا في إيذاء بدني، من إنه قام بإمساكي من جنبي بقوة و قرصني، وكمان إيذاء معنوي لأنه قام بالتشهير بيا على مواقع التواصل الاجتماعي، وقمت بإبلاغ المحامي بتحرير محضر ضده ودا كل اللي حصل.
س : أمام من حدث ذلك ؟
ج : أمام المدعويين لحفل الزفاف .
س : وما هي علاقتك بسالف الذكر وهل من ثمة خلافات بينكم ؟
ج : أنا معرفوش ومفيش بينا علاقة.
وفي وقت سابق، استمعت جهات التحقيق، إلى أقوال الشاب صاحب واقعة الصفع على يد الفنان عمرو دياب خلال إحدى الحفلات.
الشاب أكد في التحقيقات أنه واثناء التقاط صورة مع الفنان عمرو دياب قام بصفعه على وجهه ونهره أمام الحضور.
تزامنًا مع “عام الإبل”.. مجمع الملك سلمان العالمي للغة العربية يُطلق “دليل الإبل”