لأول مرة.. حسام حبيب يكشف سر حلق شيرين شعرها.. فيديو
تاريخ النشر: 4th, April 2024 GMT
كشف المطرب حسام حبيب، سر حلق الفنانة شيرين عبد الوهاب شعرها.
وقال المطرب حسام حبيب، خلال حواره مع الإعلامية "منى عبدالوهاب"، ببرنامج "ع المسرح"، المُذاع عبر فضائية "الحياة"،: " مشكلة عبيطة زي أي ست قالت لي طلقني فقلت لها بهزار والساعة كانت 4 الصبح طيب يلا ننزل نتطلق فقالت لي لأ أنا مبنزلش روح هات المأذون هنا يتطلقني".
وأضاف: "افتكرت إني بقولها بجد فدخلت الحمام واتأخرت واتفاجئت من رد فعلها إنها خارجة وحالقة شعرها"، متابعة: "شيرين لما حلقت شعرها وقعت على ركبي في الأرض مكنتش مصدق أن ده ريأكشن منها".
وأشار: "للأسف تصرفات شيرين وقت غضبها، خلى الناس تقول إن العلاقة دي توكسيك، لكن ده مش الحقيقي، والست لما بتغضب مينفعش تحاسبها".
وتابع: "حسيت إنها بتعبر عن غضبها طالما انت هتسيبني انا هأذي نفسي وده غلط ومينفعش يحصل، نوع من أنواع التعبير عن الغضب وده مكنش ينفع يحصل وقلت لها طيب كنتي احرقي لي أنا شعري ومتعمليش في نفسك كده".
المصدر: صدى البلد
كلمات دلالية: حسام حبيب الإعلامية منى عبدالوهاب الفنانة شيرين عبد الوهاب الفنانة شيرين المطرب حسام حبيب برنامج ع المسرح حسام حبیب
إقرأ أيضاً:
شائعات خطوبة حسام حبيب تثير الجدل .. وهذا أول رد من الفنان الشاب
في أول رد له على ما تم تداوله مؤخرًا بشأن خطوبته، نفى الفنان حسام حبيب تمامًا ما تردد، مؤكدًا أنه لم يصل الأمر إلى الخطوبة. وقال في تصريحاته لـ ET بالعربي: "الموضوع ما وصلش خالص للخطوبة نهائيًا، هما سبقوا الأحداث وخلّوا الموضوع يتعقّد بدل ما يحصل فيه خير، يعني اللي حصل ده، مش عارف أقولهم إيه بصراحة. وأصلاً الحاجة اللي بيتكلموا عنها عمرها ما وصلت لربع اللي بيتقال، ومش عارف الناس عايزين إيه مني بجد، على طول الناس بتخربلي حياتي".
وتابع: "إن كان في حاجة، هما كده بوّظوها، لأن أهل البنت ليهم عاداتهم وتقاليدهم، وناس محترمين جدًا جدًا، زيّ ما إحنا زمان كان لينا عاداتنا وتقاليدنا، وكنا بنحترم يعني إيه بنت، مش عارف إيه".
وأضاف: "يعني مش عارف الناس بقت بتتكلم في أي حاجة لمجرد التريند وتحقيق المشاهدات بس، وييجوا يقولوا: حسام هو اللي بيدوّر على اللقطة.. فين اللقطة اللي بدوّر عليها؟ إنتو اللي بتدوروا ورايا أهو".
وأكمل: "ابعدوا عن حياتي بقى، أنا مش عارف إيه ده! إمتى هتسيبوا الناس في حالها؟ عمرنا ما اتكلمنا عن مين خَطَب ومين اتجوز، ولو حصل، بيتكلموا بعد الأحداث، دلوقتي بيتكلموا عن بنت وليها عائلة كبيرة، وبقى كل همنا التريند والفيديو ده يجيب كام؟".
وأكد الفنان: "أنا مش عايز حد يتكلم عني، ولا الناس كلها تتكلم عني، أنا طلعت مع بسمة وهبة وقلت إن الجمهور بقى آخر همي، عشان أوصل رسالة إني مش عايز تريند، هو في فنان بيقول كده؟ هما وصلوني لكده، وكل شوية يطلعوا يقولوا إن حسام حبيب صرّح، أنا صرّحت فين؟ أنا ما قلتش حاجة لحد نهائي! وبعدين بيقولوا إن علاقتي بالبنت دي من سنين! هي أصلاً البنت عندها كام سنة عشان يتقال كده، واللي جاي بقى هيبقى وحش، وهيبقى في قضايا، ولازم كل حاجة يكون ليها حدود، ومش المفروض نتكلم عن أعراض الناس".
واختتم حسام حبيب حديثه بنبرة غاضبة: "أنا هشوف مين اللي كتب الكلام ده على لساني وهحبسه، لأني ما قلتش لأي حد، وأنا هكبر المشكلة، لأن البنت دي بنت ناس كبيرة أوي في الأردن، فهندخل القضايا ونشوف بقى!"
أحمد موسى: الاحتلال سيطر بشكل كامل على رفح الفلسطينية واعتبرها منطقة عازلة