حسام حبيب: اتحمل 50% من فشل علاقتي بشيرين.. وعمري ما خدت منها فلوس

قال الفنان حسام حبيب، إن علاقته مع الفنانة شيرين عبد الوهاب ما زالت مستمرة، موضحًا: «انفصلنا بس هنفضل اصحاب، والحب مازال بيننا موجودا».

وأضاف «حبيب»، خلال حواره مع الإعلامية منى عبدالوهاب، ببرنامج «ع المسرح»، المُذاع عبر شاشة قناة «الحياة»، أنه يتحمل سبب فشل علاقته مع شيرين بنسبة 50%، قائلاً «زي ما الحب مش من طرف واحد، الانفصال والمشاكل بتحصل من الطرفين».

ورد «حبيب»، على بعض أقوال الناس أنه بيتحكم في شغل شيرين، قائلا: «أنا عمري ما تدخلت في شغلها، عمري ما كنت مدير أعمال شيرين»، موضحًا أنه عندما ترك مدير أعمال شيرين عبد الوهاب السابق العمل معها، كان لا يوجد نقطة تواصل بين شيرين والناس، فكان هو -حسام حبيب- نقطة التواصل بينهما، ولكن لم يأخذ أي قرار في عملها، لافتا إلى أنه كان يذهب معها إلى الحفلات بهدف أن يكون داعما لها.

وتابع «لو مراتي فنانة، لو قاعدة في البيت، أو بتشتغل أي شغلانة بسيطة في الدنيا، هي تاج على راسي»، مؤكدًا «أنا عمري ما خدت جنيه من شيرين، وهي كانت دايمًا تقولي ده تعبك خد فلوس كنت برفض وأقولها مساعدتي ليكي ده واجب عليا».

كما رد الفنان حسام حبيب حول الجدل الدائر عن علاقته السابقة بالنجمة شيرين عبد الوهاب، وعن تصنيفها بين الجمهور بأنها من أشهر العلاقات السامة قائلًا: «للأسف تصرفات شيرين وقت غضبها، خلى الناس تقول أن العلاقة دي توكسيك، لكن ده مش الحقيقي، والست لما بتغضب مينفعش تحاسبها».

وأضاف حبيب خلال لقائه مع الإعلامية منى عبد الوهاب في برنامج ع المسرح: «ارتباطي بشيرين ارتباط صداقة ومن مميزات شيرين اني بحس انها صاحبي الولد، مش زي البنات، يعني مبتتكلمش في المواضيع اللي البنات اللي بيتكلموا فيها مبتنمش على حد مبتحسبهاش حسابات البنات».

واستطرد: «شيرين أول بني آدمه اتجوزها وأعيش معاها، أنا عمري ما عيشت برا بيت اهلي طول عمري عايش مع أمي واختي بعدها رحت على العيشة مع شيرين، شيرين مكانش في بيني وبينها معاملة الزوج والزوجة احنا دايمًا كنا عايشين أصدقاء».

وعلق حسام حبيب على سؤال منى عبد الوهاب «الناس كانت مستكتره شيرين عليك» قائلا: «الناس ممكن تكون كانت مستكتره شيرين عليا لأن حسابات الناس حسابات دنيوية جدًا، واحدة مكان شيرين كانت ممكن تقول هروح اتجوز واحد غني ولا اتجوز واحد اكبر مني في السن يستوعبني، لكن انا في نفس سنها تقريبًا وأصحاب كأننا اتنين ولاد قاعدين مع بعض، لكن شيرين شخص بسيط جدًا وبتاخد سعادتها من حاجات بسيطة جدًا».

علاقتنا مش توكسيك ومازلنا أصحاب رغم الطلاق

وأكمل حديث: «للأسف في لحظات الغضب حصل من شيرين خلت الناس أن دي علاقة توكسيك، لكن ده مش حقيقي وأنا وهي أصحاب لحد النهاردة رغم الانفصال».

المصدر: بوابة الوفد