حسام حبيب: «مطلعتش من بيت أهلي إلا على شيرين.. وبحس إنها صاحبي»
تاريخ النشر: 4th, April 2024 GMT
رد الفنان حسام حبيب حول الجدل الدائر عن علاقته السابقة بالنجمة شيرين عبد الوهاب، وعن تصنيفها بين الجمهور بأنها من أشهر العلاقات السامة قائلًا: «للأسف تصرفات شيرين وقت غضبها، خلى الناس تقول إن العلاقة دي توكسيك، لكن ده مش الحقيقي، والست لما بتغضب مينفعش تحاسبها».
حسام حبيب يتحدث عن شيرين عبد الوهابوأضاف حبيب خلال لقائه مع الإعلامية منى عبد الوهاب في برنامج ع المسرح: «ارتباطي بشيرين ارتباط صداقة ومن مميزات شيرين إني بحس انها صاحبي الولد، مش زي البنات، يعني مبتتكلمش في المواضيع اللي البنات اللي بيتكلموا فيها مبتنمش على حد مبتحسبهاش حسابات البنات».
واستطرد: «شيرين أول بني آدمة اتجوزها وأعيش معاها، أنا عمري ما عشت بره بيت أهلي طول عمري عايش مع أمي وأختي بعدها رحت على العيشة مع شيرين، شيرين مكانش في بيني وبينها معاملة الزوج والزوجة إحنا دايمًا كنا عايشين أصدقاء».
وعلق حسام حبيب على سؤال منى عبد الوهاب «الناس كانت مستكترة شيرين عليك» قائلا: «الناس ممكن تكون كانت مستكترة شيرين عليا لأن حسابات الناس حسابات دنيوية جدًا، واحدة مكان شيرين كانت ممكن تقول هروح أتجوز واحد غني ولا أتجوز واحد أكبر مني في السن يستوعبني، لكن أنا في نفس سنها تقريبًا وأصحاب كأننا اتنين ولاد قاعدين مع بعض، لكن شيرين شخص بسيط جدًا وبتاخد سعادتها من حاجات بسيطة جدًا».
تصرفات شيرين في لحظات الغضبوأكمل: «للأسف في لحظات الغضب حصل حاجات من شيرين خلت الناس تقول إن دي علاقة توكسيك، لكن ده مش حقيقي وأنا وهي أصحاب لحد النهاردة رغم الانفصال».
المصدر: الوطن
كلمات دلالية: حسام حبيب منى عبد الوهاب شيرين عبد الوهاب ع المسرح عبد الوهاب حسام حبیب
إقرأ أيضاً:
سارة الأردنية عن هاشتاج ضحية حسام حبيب الجديدة: شكرا لكل حد حذرني منه
تحدثت عارضة الأزياء سارة الأردنية، عن هاشتاج "ضحية حسام حبيب الجديدة"، الذي أطلقه عليها البعض بعد وجود قصة حبي بينها وبين المطرب حسام حبيب قائلة :"شكراً على محبة الناس وأخدت الموضوع بروح رياضية وحسام حبيب لو أتقدم لي كنت هوافق عليه بس لو مكانش صرح بالشائعات دي وأهلى ماشفوش الكلام ده كان ممكن اوافق، لكن دلوقتي مستحيل".
وتابعت سارة الأردنية، خلال مداخلة تلفزيونية في برنامج "تفاصيل"، مع الإعلامية نهال طايل الذي يعرض عبر فضائية "صدى البلد 2"، قائلة "حسام صديق وبحترمه وبقدره وكل شيء قسمة ونصيب في الحياة، وشكراً لكل حد حذرني منه ومعنديش مشكلة أكون زوجة تانية ولكن بشروط معينة".
فيما عقبت الإعلامية نهال طايل عن واقعة حسام حبيب وسارة الأردنية قائلة :"الموضوع غريب جداً وأن توقيت نشر الصورة أغرب، لكن كل حاجة أصبحت واضحة من الطرفين دلوقتي، خاصة بعد نفي سارة معانا في المداخلة".