سرقوا 12 ألف دولار.. ننشر أقوال أمريكي الجنسية تعدى عليه 4 أشخاص لسرقته بفيصل (خاص)

حصل موقع "الفجر" على أقوال أمريكي الجنسية تعدي عليه 4 أشخاص بسلاح أبيض وإصابته وسرقته بمنطقة فيصل بالجيزة.

جاء في تحقيقات النيابة العامة في القضية رقم 20408 لسنة 2023 جنح بولاق الدكرور، أقوال المجني عليه محمد إسحاق 42 سنة، والتي سنعرضها في السطور التالية:

س: ما هي تفصيلات بلاغك؟

" اللى حصل إني كنت رايح انا وابن اختي مبارك نعقد على قهوة شهر زاد بشارع العشرين فيصل تحت العمارة اللى انا ساكن فيها، واتفاجئت ان جيه واحد انا مش عارف اسمه وراح مسك في ابن اختي مبارك وقاله انت بتعمل ايه في العمارة، في ابن اختي قاله انا بعمل ايه، قاله انت بتبيع مخدرات ومسكوا في بعض، ولاقيت اثنين تانين جايين، وفضلوا يضربوا فيا انا وابن اختي، وعورونا وفي واحد من اللي كانوا بيضربوا طلع مطواه وخبط بيها ابن اختي في راسه وعوره بيها".

 

واستكمل المجني عليه: "وبعد كدة الناس اتلمت علينا وشالوا الناس دي عننا، وبعدها انا ملقتش الفلوس اللي كانت معايا في شنطة كانت متعلقة في كتفي وكان فيها مبلغ  12 الف دولار، وسرقوا من ابن اختي 8 الف جنيه،  فأنا اخذت ابن اختي وروحت عملت تقرير طبي بالي حصل، وبعدين روحنا قسم بولاق عشان نعمل محضر وهما هناك اخدوا مننا البلاغ وفضلوا يدورا على الناس إلى ضربتنا وسرقتنا، وبعد كدة كلمونا امبارح وقالونا انهم عرفوا مين إلى ضربنا وسرقنا وروحنا القسم عملنا محضر بالي حصل وجينا النهاردة النيابة.

أحال المستشار محمود غيطاس المحامي العام لنيابات كلي جنوب الجيزة، المتهمين "عمرو.ج" 27 سنة تاجر تموين، "احمد رضوان" 25 سنة عامل، "احمد قناوي" 22 سنة عامل، "احمد حمدي" 24 سنة عامل، لمحكمة الجنايات المختصة بدائرة محكمة استئناف القاهرة لمعاقبة المتهمين بعد أن وجهت إليهم تهمه سرقة أجانب والتعدي عليهم بالضرب ببولاق الدكرور.
 

جاء في أمر الإحالة في القضية رقم 20408 لسنة 2023 جنايات بولاق الدكرور، أن المتهمين سرقوا المجني عليهما كلا من "مبارك ابكر" سوداني الجنسية و"محمد إسحاق" أمريكي الجنسية، بطريق الإكراه الواقع عليهما بأن افتعلوا معهما شجار زاعمين رفضهم اتجارهما في المواد المخدرة، وما أن ظفروا بهما حتي تعدوا عليهما بالضرب مستخدمين سلاح أبيض(مطواه) محدثين إصاباتهما الموصوفة بالتقرير الطبي.

فتمكنوا بتلك الوسيلة من شل مقاومتهم والاستيلاء علي مبالغهما المالية، وذلك علي النحو المبين بالتحقيقات.

فيما احرزوا بغير ترخيص سلاح أبيض مطواه على النحو المبين بالتحقيقات.
 

حيث أن المتهم الثالث اشترك بطريقي الإتفاق والمساعدة مع المتهمين الأول والثاني والرابع في تنفيذ جريمتهم بأن دبر مخططا لسرقة المجني عليهما وساعدهم بمعلومات تفيد ثراء المجني عليهما، وقد وقعت تلك الجريمة بناء على ذلك الإتفاق وتلك المساعدة.
 

المصدر: بوابة الفجر