مصر.. إيناس الدغيدي تتحدث عن محاولة اغتيالها في كراج بيتها
تاريخ النشر: 4th, April 2024 GMT
مصر – علقت المخرجة المصرية المشهورة إيناس الدغيدي على ما يقال عن جرأة أفلامها، متحدثة في الوقت نفسه عن محاولة اغتيالها بوضع صورة السادات في الكراج الخاص بها.
وقالت الدغيدي: “الناس عايزة أي كلام تتكلم فيه، النقاد مبيشوفوش أفلامي جريئة، وأنا طلعت في الزمن الصعب، وأفلامي وفترة نضجي كانت في الزمن اللي ابتدت مصر تتقفل فيه، كانت مفتوحة جدًا قبلها، ولما الإخوان مسكوا أول حاجة فكرت فيها إني ألاقي مكان آخر ليا، وكنت هروح دبي، واتحطيت على قوائم الاغتيال من جماعة اسمها الوعد منبثقة من جماعة الإخوان، وكانوا أساتذة في الجامعات، والله يرحمه وائل الابراشي جابلي 40 صفحة عن الجماعة دي، كانوا حاطين رقم واحد حسني مبارك واتنين شيخ الأزهر، وتلاتة أنا، عشان بنشر الفسق والفجور، وكمان وحيد حامد وصفوت الشريف ونجيب ساويرس، ومكنتش حاسة بأي حاجة ساعتها”.
وتابعت المخرجة إيناس الدغيدي، خلال استضافتها ببرنامج “أسرار” مع الإعلامية أميرة بدر المذاع على قناة النهار: “مرة حطولي في الكراج صورة السادات وعليها سلاح وكاتبين عليها المصير، يعني مصيري هيبقى كده، وسألت بتوع الكراج مين اللي حطها، قالولي منعرفش، وجوزي قالي بلغي البوليس، قلت له يمكن واحد أهبل مش عاجبه أفلامي، ومرة راجعة بالليل لقيت ملثمين دخلوا ورايا الكراج بموتوسيكل، أنا خوفت ومطلعتش من العربية، بس كان واضح إنه مش هيضربوني بالرصاص كانوا هيضربوني بمطوة، فضلت أضرب كلاكسات عشان اللي في الكراج يصحوا ويشوفوا اللي أنا فيه، وجريوا وكنت خايفة يعملوا حاجة في بنتي، ودخلتها جامعة بره مصر عشان الإخوان، وطول الوقت بيبعتولي، عشان ضد الحجاب، أيام الانتخابات، قلت نحاول نديهم فرصة فعبد المنعم أبو الفتوح كلمني، وعرفني بنفسه، وقالي إحنا مش ضد الفن وبنحب الفنانين والفترة دي قالوا إنه انفصل عنهم، فقلت كان كده وكده يعني عشان داخل انتخابات فعايزني أدعمه، لكن أنا شايفة إن دول مش مصر خالص”.
المصدر: النهار
المصدر: صحيفة المرصد الليبية
إقرأ أيضاً:
"علاقة عاطفية".. مروة صبري تفجر مفاجأة عن وفاة إيناس النجار
كشفت الإعلامية مروة صبري، خلال برنامجها «قعدة ستات» مفاجأة عن وفاة الفنانة إيناس، حقيقة ما يتم تداوله عبر منصات التواصل الاجتماعي حول حياتها بصدد علاقتها العاطفية قبل وفاتها.
https://www.instagram.com/reel/DItHw1ZM4Qo/?igsh=dTRnbmNodWxxaDlz
مروة صبري تفجر مفاجأة عن وفاة إيناس النجار
ونفت مروة صبري ما يتم تداوله حول علاقتها العاطفية، قائلة: «إيناس النجار مكنتش في علاقة توكسيك، الكلام دا عن لسان سوار أختها، إيناس كانت بتحب راجل محترم وكانت هتتجوز بعد رمضان وبيتها كان جاهز».
وأضافت مروة صبري: «ياللي بتقولوا إنها كانت في علاقة توكسيك بقالها 7 سنين، وهو اللي حطمها ودمرها وسممها وهو السبب في موتها الكلام دا ملوش أي أساس من الصحة، إيناس النجار كانت بتحب راجل محترم».
واختتمت إيناس النجار: «أنا حفاظا على أن أختها مش حابه تقول هو مين ومش حابه تقول اسمه، والراجل دا كان واقف معاها حتى في فترة ما كانت في الغيبوبة وقال أنا عايز اكتب كتابي عليها واتقال مينفعش من كتر ما هو بيحبها وحاسس أن حالتها خطر ومش عايز يتخلى عنها».
وفاة إيناس النجارويذكر ان الفنانة إيناس النجار قد رحلت الفنانة التونسية إيناس النجار، بعد صراع مع المرض داخل أحد مستشفيات القاهرة، إثر انفجار المرارة مؤخرا.
مسيرة إيناس النجاربدأت إيناس النجار، الممثلة التونسية، مسيرتها الفنية في مصر عام 1999، حيث ظهرت كموديل في فيديو كليب أغنية "يا ترى" لبهاء سلطان. ومنذ ذلك الحين، شاركت في عدد من الأعمال السينمائية، من أبرزها أفلام "فرقة بنات وبس"، "معالي الوزير"، "ميدو مشاكل"، "بحبك وأنا كمان"، "كيمو وأنتيمو"، "قشطة يا با"، "على سبايسي"، "كركر"، "مفيش فايدة"، "عزبة آدم"، "ابقى قابلني"، "عايشين اللحظة"، "أحاسيس"، "كلبي دليلي"، و"واحد صعيدي"، و"أبو العريف".