لهذا السبب.. حسام حبيب يتصدر تريند جوجل
تاريخ النشر: 4th, April 2024 GMT
تصدر إسم الفنان حسام حبيب تريند محركات بحث جوجل، نظرا لظهوره ببرنامج على المسرح، والتي تقدمه الإعلامية منى عبد الوهاب.
وتحدث الفنان حسام حبيب عن الكثير من الأمور الشخصية، ومن بينها علاقته بالله، وغيرها من الأمور.
وقال: "أنا بحب ربنا جدا ودايما في دماغي بس حاجة غريبة جدا مبصليش، انا خايف ابقى مزعل ربنا مني علشان كده اتفادى الاتصال المباشر مع ربنا وده غلط".
حسام حبيب:بخاف من ربنا ولكن أتمنى أن أصلي
وأضاف: "الهروب فيه نوع من أنواع الكذب لإن ربنا شايف عيوبي ومطلع علي كل شيء وشايفني طول الوقت، وبالتالي الصلاة تنهى عن الفحشاء والمنكر ولما اقف قدام ربنا اخطائي هتقل".
وأشار: "كما يقول المثل، الجنة بلا أهل لا تُطاق، ولكن هذا لا يعني أنني لا أبالي بمشاعركم عندما أقول إن رضا الله هو همي الأكبر، على العكس، لا شيء يخفى، ولا يوجد حزن أو فرح يدوم إلى الأبد".
واختتم: "كل ما مررت به من أحداث، سواء كانت سيئة أو جيدة، أعتبرها صفحة طويتها، وأؤكد لكم أن حبكم لي يحتل مكانة كبيرة في قلبي، لكن ليس على حساب رضا الله جل جلاله، وأتمنى أن يكتب لي الله الفرصة لأقدم لكم أعمالًا جديدة تنال إعجابكم، فهي مصدر سعادتي الحقيقية".
والجدير بالذكر آخر أعمال حسام حبيب كان أغنية "كدابة"، وحذفها موقع اليوتيوب بعد مرور 5 أيام على إطلاقها، بسبب الاتهامات التي وجهها الملحن محمد شفيق لحسام حبيب وصناع أغنيته "كدابة" باقتباس مذهب الأغنية من أخرى أنتجها لمحمود عز منذ شهر تقريبا، وحملت اسم "بياعة".
المصدر: بوابة الفجر
كلمات دلالية: حسام حبيب برنامج على المسرح منى عبد الوهاب الفجر الفني شيرين عبد الوهاب تريند جوجل حسام حبيب تريند جوجل طلاق شيرين عبد الوهاب وحسام حبيب عودة شيرين عبد الوهاب وحسام حبيب
إقرأ أيضاً:
شائعات خطوبة حسام حبيب تثير الجدل .. وهذا أول رد من الفنان الشاب
في أول رد له على ما تم تداوله مؤخرًا بشأن خطوبته، نفى الفنان حسام حبيب تمامًا ما تردد، مؤكدًا أنه لم يصل الأمر إلى الخطوبة. وقال في تصريحاته لـ ET بالعربي: "الموضوع ما وصلش خالص للخطوبة نهائيًا، هما سبقوا الأحداث وخلّوا الموضوع يتعقّد بدل ما يحصل فيه خير، يعني اللي حصل ده، مش عارف أقولهم إيه بصراحة. وأصلاً الحاجة اللي بيتكلموا عنها عمرها ما وصلت لربع اللي بيتقال، ومش عارف الناس عايزين إيه مني بجد، على طول الناس بتخربلي حياتي".
وتابع: "إن كان في حاجة، هما كده بوّظوها، لأن أهل البنت ليهم عاداتهم وتقاليدهم، وناس محترمين جدًا جدًا، زيّ ما إحنا زمان كان لينا عاداتنا وتقاليدنا، وكنا بنحترم يعني إيه بنت، مش عارف إيه".
وأضاف: "يعني مش عارف الناس بقت بتتكلم في أي حاجة لمجرد التريند وتحقيق المشاهدات بس، وييجوا يقولوا: حسام هو اللي بيدوّر على اللقطة.. فين اللقطة اللي بدوّر عليها؟ إنتو اللي بتدوروا ورايا أهو".
وأكمل: "ابعدوا عن حياتي بقى، أنا مش عارف إيه ده! إمتى هتسيبوا الناس في حالها؟ عمرنا ما اتكلمنا عن مين خَطَب ومين اتجوز، ولو حصل، بيتكلموا بعد الأحداث، دلوقتي بيتكلموا عن بنت وليها عائلة كبيرة، وبقى كل همنا التريند والفيديو ده يجيب كام؟".
وأكد الفنان: "أنا مش عايز حد يتكلم عني، ولا الناس كلها تتكلم عني، أنا طلعت مع بسمة وهبة وقلت إن الجمهور بقى آخر همي، عشان أوصل رسالة إني مش عايز تريند، هو في فنان بيقول كده؟ هما وصلوني لكده، وكل شوية يطلعوا يقولوا إن حسام حبيب صرّح، أنا صرّحت فين؟ أنا ما قلتش حاجة لحد نهائي! وبعدين بيقولوا إن علاقتي بالبنت دي من سنين! هي أصلاً البنت عندها كام سنة عشان يتقال كده، واللي جاي بقى هيبقى وحش، وهيبقى في قضايا، ولازم كل حاجة يكون ليها حدود، ومش المفروض نتكلم عن أعراض الناس".
واختتم حسام حبيب حديثه بنبرة غاضبة: "أنا هشوف مين اللي كتب الكلام ده على لساني وهحبسه، لأني ما قلتش لأي حد، وأنا هكبر المشكلة، لأن البنت دي بنت ناس كبيرة أوي في الأردن، فهندخل القضايا ونشوف بقى!"
أحمد موسى: الاحتلال سيطر بشكل كامل على رفح الفلسطينية واعتبرها منطقة عازلة