إيناس الدغيدي: ابتعدت 14 سنة لأنهم مش عايزين واحدة زيي تتكلم
تاريخ النشر: 4th, April 2024 GMT
عبرت المخرجة إيناس الدغيدي عن رأيها فيما يحدث بموسم الرياض قائلة: "موسم الرياض فايدة للسينما المصرية بلا شك، وهيضيفوا للسينما بالإمكانيات دي، لكن لغاية دلوقتي مشفتش مستوى كويس، وكل الأعمال سطحية، وانا مش من انصار حرق النجوم بالشكل ده، مينفعش احط في عمل 5 او 6 نجوم مع بعض، لأن النجم لازم يفضل نجم، وهو ابهار مالوش فايدة، لازم الفنان يبقى عزيز، ولو اتعرض عليا اعمل كل ده هعمله بس بشكل كويس، طالما هيدوني إمكانيات ويحققوا طموحاتي، ليه اقدم حاجة وحشة، ليه اروح عشان الفلوس وانسى اسمي ومكانتي، بس مقابل ده ادي كواليتي ، ومفيش جوه الابهار حاجة، واخر مرة شوفت المطربين بيقروا من ورقة، ومكلفوش نفسهم يحفظوا اغانيهم".
وقالت المخرجة إيناس الدغيدي، خلال استضافتها ببرنامج "أسرار" مع الإعلامية أميرة بدر المذاع على قناة النهار: "حصل تزمت فكري في مصر وده سبب ابتعادي 14 سنة، لانهم مش عايزين واحدة زي ايناس الدغيدي تتكلم، وعندي مشاريع زي الصمت وعصر الحريم ومن 8 سنين، بيتكلم عن الجواري في مصر، وموضوعه يجنن وقد ايه المرأة المصرية من 1800 بتدافع عن حقوقها، ولما ارجع كله يترصد لي ويشوفوا هل هي لسه ايناس الدغيدي ولا خلاص راحت عليها، و ازاي اشتغل مسلسل استلم منه حلقتين وباقي ال30 حلقة استلمهم على الهوا، طيب اخرج ازاى، مش هستنى لما نجم يقول عايز ايناس الدغيدي تيجي تخرجلي، عمري ماعملته مع اكبر النجوم، و مطلبتش من نجيب ينتجلي رغم أنه صديقي، لأن الفنان لازم يبقى عنده كرامة، وانا عندي مواضيع وهما عايزين حاجات لايت انا مبشتغلهاش، واللي عايزني يكلمني".
برنامج "أسرار" تقدمه الإعلامية أميرة بدر على شاشة النهار يومياً خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
https://fb.watch/rdw8Dyut2I/
المصدر: صدى البلد
كلمات دلالية: ايناس الدغيدى المخرجة إيناس الدغيدي شهر رمضان قناة النهار نجوم الفن موسم الرياض
إقرأ أيضاً:
ياسمين عز: المرأة المثالية هي من تشكر زوجها حتى لو عمل أقل حاجة
خاص
أثارت الإعلامية المصرية ياسمين عز، الجدل مجددًا بعدما طالبت المتزوجات بالإنبهار بكل ما يفعله الزوج وحتى ما لا يفعله .
وأوضحت ياسمين عز خلال برنامجها «كلام الناس» المُذاع عبر قناة «MBC مصر»، : “يا مدام أنتِ بتطبلي لكل الناس لازم تطبلي لجوزك، الست الأصيلة لازم تطبل لجوزها” .
وأشارت الإعلامية الشهيرة إلى أن المرأة هى جيش زوجها الوحيد وعليها الانبهار بكل ما يفعله حتى لو وضع طبق فى المطبخ بعد الإنتهاء من أكله.
وأضافت : ” لازم الست تبين لجوزها قد إيه هو عبقري ومافيش منه اثنين حتى لو فتح علبة الصلصة لازم تحضنه وتقوله مش متخيله حياتى من غيرك”.
ومن المعروف أن ياسمين عز دائمًا ما تثير الجدل من خلال نصائحها المثيرة والموجهة للرجال والنساء، التي أثارت تساؤلات وانتقادات على حد سواء.
تزامنًا مع “عام الإبل”.. مجمع الملك سلمان العالمي للغة العربية يُطلق “دليل الإبل”