إيناس الدغيدي: مرة عبد المنعم أبو الفتوح تواصل معايا بنفسه عشان أدعمه
تاريخ النشر: 4th, April 2024 GMT
علقت المخرجة إيناس الدغيدي، على ما يحدث بسبب جرأة أفلامها قائلة: "الناس عايزة اي كلام تتكلم فيها، النقاد مبيشوفوش افلامي جريئة، وانا طلعت في الزمن الصعب، وافلامي وفترة نضجي كانت في الزمن اللي ابتدت مصر تتقفل فيه، كانت مفتوحة جدًا قبلها، ولما الاخوان مسكوا أول حاجة فكرت فيها اني الاقي مكان آخر ليا، وكنت هروح دبي، واتحطيت على قوائم الاغتيال من جماعة اسمها الوعد منبثقة من جماعة الإخوان، وكانوا اساتذة في الجامعات، والله يرحمه وائل الابراشي جابلي 40 صفحة عن الجماعة دي، كانوا حاطين رقم واحد حسني مبارك واتنين شيخ الأزهر، وتلاتة أنا، عشان بنشر الفسق والفجور، وكمان وحيد حامد وصفوت الشريف ونجيب ساويرس، ومكنتش حاسة بأي حاجة ساعتها".
وقالت المخرجة إيناس الدغيدي، خلال استضافتها ببرنامج "أسرار" مع الإعلامية أميرة بدر المذاع على قناة النهار: "مرة حطولي في الجراج صورة السادات وعليها سلاح وكاتبين عليها المصير، يعني مصيري هيبقى كده، وسألت بتوع الجراج مين اللي حطها، قالولي منعرفش، وجوزي قالي بلغي البوليس، قلت له يمكن واحد اهبل مش عاجبه افلامي، ومرة راجعة بالليل لقيت ملثمين دخلوا ورايا الجراج بموتوسيكل، انا خوفت ومطلعتش من العربية، بس كان واضح انه مش هيضربوني بالرصاص كانوا هيضربوني بمطوة، فضلت اضرب كلاكسات عشان اللي في الجراج يصحوا ويشوفوا اللي انا فيه، وجريوا وكنت خايفة يعملوا حاجة في بنتي، ودخلتها جامعة بره مصر عشان الاخوان، وطول الوقت بيبعتولي، عشان ضد الحجاب، ايام الانتخابات، قلت نحاول نديهم فرصة فا عبد المنعم أبو الفتوح كلمني، وعرفني بنفسه، وقالي احنا مش ضد الفن وبنحب الفنانين والفترة دي قالوا انه انفصل عنهم، فا قلت كان كده وكده يعني عشان داخل انتخابات فا عايزني ادعمه، لكن انا شايفة انه دول مش مصر خالص".
برنامج "أسرار" تقدمه الإعلامية أميرة بدر على شاشة النهار يومياً خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
https://fb.watch/rdryk9JBvG/
المصدر: صدى البلد
كلمات دلالية: ايناس الدغيدى الانتخابات المخرجة إيناس الدغيدي جماعة الإخوان رمضان حسني مبارك شيخ الأزهر عبد المنعم أبو الفتوح صفوت الشريف
إقرأ أيضاً:
مصطفى عنبة: واقعة اعتداء عمرو دياب على شاب تصرف غير مقبول
أكد المطرب مصطفى عنبه، أن النجم محمد رمضان يحبه وهو أيضا يبادله نفس الحب وقال عنه أنه أنضف مطرب في هذا المجال، لافتا إلى تقديره الشديدة للفنانة الكبيرة يسرا وقال: "يسرا أمي الثانية وهشتغل معاها لو طلبتني في اي حاجة ويحيى الفخراني مدرسة قديمة والالتزام بالورق عنده أهم من الارتجال".
وانتقد مصطفى عنبه، خلال حواره ببرنامج "أسرار"، مع الاعلامية اميرة بدر، المذاع على قناة النهار، تصرف النجم عمرو دياب في واقعة الاعتداء على شاب، موضحا: "عمرو دياب هو الهضبة وضربه للولد كان تصرف وحش وغي مقبول وعرفت أن الولد قرصه على المسرح لكن ده مش تصرف فنانين".
وكشف عنبه، عن تعرضه للكثير من المواقف المستفزة خلال عمله ولكنه لم يفكر يوما في الاعتداء على أحد من الجمهور معتبرا ان الجمهور هم السبب في تحقيق نجاحه وما وصل له من شهرة، ومزح قائلا: "أنا اتشديت من بناطيلي ووقعت مني وأنا بغني ومعملتش حاجة والناس لها فيا أكتر مني".