حكايات رمضان| جمال عبد الحميد يكشف عن أكلاته المفضلة.. والعقوبة التي تلقاها بسبب الصيام
تاريخ النشر: 3rd, April 2024 GMT
في شهر رمضان الكريم، يكون هناك عادات وتقاليد خاصة فيما يتعلق بالاستعداد لشهر الخير، فإن معظم نجوم الرياضة يعتمدون على هذه الطقوس والتقاليد في شهر القرآن.
حرصت بوابة «الأسبوع» على معرفة طقوس أبطالنا الرياضيين في مختلف الألعاب خلال الشهر المعظم.
واليوم يحكى جمال عبد الحميد نجم نادى الزمالك ومنتخب مصر السابق، عن استعداداته وتفاصيل يومه خلال شهر رمضان الكريم.
بصلى الفجر وبعدين أنام شوية وبعدين أروح شغلي وبعد كدة أرجع على صلاة العصر أنام شوية أصحى على المغرب أفطر وبعد كدة صلاة العشاء والتراويح، وبعد كدة أبدأ أزور أو أستقبل الأهل والأصدقاء وعلى الساعة 12 أو 1 بدخل أنام وأصحى قبل صلاة الفجر بنص ساعة أتسحر زبادي وميه لأني باكل واجبة واحدة فى اليوم وأصلي الفجر وابتدى يومي من جديد.
هل تهتم بالأعمال الرمضانية أم لا؟لا أتابع أي من الأعمال الرمضانية ولكن ممكن بعد رمضان أشوف ملخص حلقات المسلسل اللى حابب أشوفه على اليوتيوب وخاصة أن طول السنة ببقى مشغول بالمباريات والتحليل فأكيد لازم فى رمضان التزم ومضيعش وقت.
ما هي الأكلات التي تفضلها في رمضان؟بحب البطاطس المحشية باللحمة المفرومة وبحب المكرونات بكل أنواعها والبطاطس المحمرة والعرقسوس.
ما المواقف التي لا تنسى ودائما في ذاكرتك فى شهر رمضان؟المدربين بتوعنا زمان لما كان بيبقى عندنا ماتشات فى رمضان كانوا بيطلبوا مننا أننا نفطر علشان نقدر نلعب وكدة بس أنا الحمد الله عمرى مفطرت فى رمضان من وأنا عندى 13 سنة بفضل الله الحمد الله مفطرتش حتى الآن.
وكنا بنقعد كلنا على الأكل الصايم جمب الفاطر والصايم بيعمل نفسه بيمضغ والفاطر اللى جمبه ياخد من الأكل اللى قدامه ويأكل علشان لما يمروا علينا يشوفوا أن الأطباق ناقصة والكل بياكل وكنا تقريبا 12 لاعب بيفطر و7 متمسكين بالصيام، وأنا كنت منهم وموضوع الصيام ده كان من أكبر المشاكل مع المدربين لأن اللى كانوا بيشكوا فيه أنه صايم كانوا بيخصموا منه فلوس وربنا يهدى اللى كان بيعمل كدة وأكيد دلوقتى الناس دي عرفت أن الصيام أهم من اللعب.
ما النصيحة التي توجهها للشباب في شهر رمضان؟11 شهر المباريات والمسلسلات شغالة المفروض فى رمضان تصلى وتقرأ قرآن وتلتزم وخاصة أن الشياطين بتكون محبوسة وياريت متجريش ورا المسلسلات والبرامج لأن ده بياخدك عن القرآن والالتزام وخاصة فى رمضان بتاخد حسنات مضاعفة على كل حاجة كويسة بتعملها فأتمنى من الجميع أنه يقرب لربنا فى هذا الشهر اللى بأمر الله يكون سبب وحسناتك تزيد.
هل طقوسك في الماضي وأنت لاعب تغيرت عن الوضع الحالى أم لا؟الطقوس هى هى لم تتغير بس الأول كنت بلعب والتدريب كان زمان أوقات قبل الفطار وأوقات بعد الفطار بس لو كان قبل كنا بنخلص على الفطار علطول علشان نشرب ميه إنما دلوقتى شغلى تقدر تتحكم فيه أنه يخلص على العصر إنما وأنا لاعب مكنتش بعرف أتحكم فيه.
ما هي المباراة التي ترتبط في ذهنك دائما بشهر رمضان الكريم ولا تنساها؟مباراة الزمالك والإسماعيلى موسم 93/92، وكنا فى رمضان وكنت أنا ورضا عبد العال وإسماعيل يوسف وأشرف قاسم كنا صايمين واتكشفنا أننا كنا صايمين فطبعا كنت أنا كابتن مصر وقتها والكبير بتاعهم فالمدرب عاقبنى ومش بدأ بيا الماش، والإسماعيلي أحرز فينا هدفين والنتيجة كانت 0/2.
المدرب نزلنى آخر تلت ساعة وأحرزت هدف واتغلبنا 1/2 وبعدها المدرب قال اللى عايز يصوم يصوم واللى عايز يفطر يفطر أنا مش هحكم على حد تانى وأكيد ده كان تحول كويس جدا للمدرب وقتها.
المصدر: الأسبوع
كلمات دلالية: جمال عبد الحميد جمال عبدالحميد حكايات رمضان شهر رمضان فى رمضان
إقرأ أيضاً:
ديكو يكشف الأسباب التي حالت دون عودة نيمار إلى برشلونة
ماجد محمد
أكد ديكو، المدير الرياضي لنادي برشلونة الإسباني، صعوبة عودة النجم البرازيلي نيمار دا سيلفا إلى صفوف الفريق الكتالوني.
وجاء ذلك في تصريحات أدلى بها ديكو حول إمكانية عودة نيمار بعد انتقاله إلى نادي الهلال.
وقال ديكو: “عودة نيمار إلى برشلونة كانت دائمًا أمرًا صعبًا. عندما انتقل إلى السعودية، كنا ندرك أنه لاعب مكلف للغاية.
وأضاف :” وكل ما يتعلق بنيمار من حيث الأرقام كان يمثل تحديًا كبيرًا بالنسبة لبرشلونة، خاصة مع وضعنا المالي وقوانين اللعب المالي النظيف. لذلك، لم تكن هذه العملية سهلة أبدًا”.
وأوضح ديكو أن الأعباء المالية المرتبطة بصفقة نيمار، بالإضافة إلى القيود المفروضة على النادي بسبب قوانين اللعب المالي النظيف، جعلت من الصعب للغاية إتمام هذه الصفقة.
هل ينوي رجال الأعمال السوريون العودة إلى وطنهم بعد سقوط نظام الأسد؟