الببكوا أمس على الجزيرة بضحكوا اليوم على ضربة “الكيزان” في عطبرة
تاريخ النشر: 3rd, April 2024 GMT
لمن الجنجويد قبضوا أنس عمر، “المحايدين” احتفلوا في القروبات؛
– يا ناس، الكلام دا غلط، الناس ديل ما فارزين أنس عمر من محمّد احمد، الكلام دا بكرة بناباه؛
والجماعة يضحكوا ويهرّجوا؛
ما عارف لحدّي حسّة الجنجويد محتجزين كم رهينة وباعوا كم سبيّة؛
بعدها هاجموا جمال زمقان في بيته وكتلوه؛
ييييي، يستاهل!
– يا جماعة دي ما عدالة، دا إجرام وفوضى، حندفع تمنها؛
إنت مالك!
دخلوا مدني؛
ايوووي، الفحّاطة جروا؛
– يا ناس، دييييل جنجويييد، جنجويد ربّاطة!
انت كوز ????!
إنت متين ح تفهم إنّه الجنجويد قاصدينّك إنت دا، وبضحّكوك بالكيزان وهم بضحكوا عليك؟؟
حسّة الببكوا أمس على الجزيرة بضحكوا اليوم على ضربة “الكيزان” في عطبرة؛
أقعد أضحك لامن الضحك يشرطنا كلّنا!
Abdalla Gafar
المصدر: موقع النيلين
إقرأ أيضاً:
شرد الجنجويد أكثر من 12 مليون سوداني من دورهم الي منافي المجهول
شرد الجنجويد أكثر من ١٢ مليون سوداني من دورهم الي منافي المجهول واغتصبوا نسائهم واموالهم. بعد كل هذا العدوان الفاجر لا يمكن تفسير اعطاء الاولوية لايقاف العنف الجنجويدي كتعاطف مع الكيزان الا من عقل شديد الغباء او محتال متعاطف مع الجنجويد لاي سبب ولكنه يستحي من الاقرار بتعويله عليهم لشئ في نفسه لا يستطيع الجهر به.
وضع الاولوية للتصدي للغزو الجنجويدى انحياز للمواطن السودانى الذي استباحوه. ومن يفسر الانحياز للمواطن السوداني كاصطفاف مع الكيزان عمليا يعول علي الجنجويد لخدمة مشروعه السياسي الذي يضعه فوق صرخات النازحين والمغتصبات.
# سلسلة توضيح الواضح.
معتصم اقرع
معتصم اقرع إنضم لقناة النيلين على واتساب
بشير التابعي يهاجم إدارة الزمالك: بتاعة بيانات وبس