مسلم: عمرو دياب صوته عادي ومش شايف منافس ليا (فيديو)
تاريخ النشر: 3rd, April 2024 GMT
علق مطرب المهرجانات مسلم على مقارنته بنجوم الغناء ومطربي المهرجانات: “ المقارنة بيني وبين عصام صاصا وحودة بندق في غير محلها، كل واحد ناجح في حتته، وأنا مش شايف نفسي مع دول، مش معنى كده أنهم وحشين، أنا صنعت حتة ليا، أنا مش شايف منافس ليا، ولما بغني مع أي حد بحط حتتي، ودي أجمل حاجة بعملها، مش عايز أنافس غير نفسي”.
وأضاف مسلم، خلال حواره ببرنامج أسرار مع الإعلامية أميرة بدر المذاع على قناة النهار: "فيه مطربين أعلى من عمرو دياب، وحسين الجسمي أعلى واحد في العالم ليا، وعمرو دياب 40 سنة على القمة عشان تقيل ومختفي دايمًا".
عمرو دياب مش محتاج حد يقلده لأن صوته عاديوتابع مسلم: "عمرو دياب مش محتاج حد يقلده لأن صوته عادي، ومش قوي صوتيًا لكن تسمعه تحبه، أما أنا الاتنين، لو ربنا كرمني ووقفت قدامه هنشوف الحتة دي، لأن هيبقى رأي الناس، وأنا 23 سنة وعامل كده ما بالك لو 30 سنة هوصل لفين.
وتابع مسلم: " أغنية يا أصفر كانت من وحي خيالي وكان فيه مشكله ساعتها معايا، وهي سبحان الله نجحت، وغنيتها لواحد كان صديقي جدًا، ودلوقتي حبيبي وبموت فيه، وهو حودة بندق، وهو دلوقتى أخويا، كانت مشكلة واحنا صغيرين وهو طالع من قبلي وهو محترم ومن الناس اللي شقيت ولما اتشهرنا مع بعض أصابتنا عين بعدتنا عن بعض، فا استفزني بالكلام رحت رديت عليه بالشغل، وغنيتهاله، واتحسدنا لأننا نجحنا مع بعض كتير زي أغنية خطر جايبة 140 مليون وعاملين ألبوم مكسر مصر.
وفاجأ مطرب المهرجانات مسلم، الإعلامية أميرة بدر على الهواء مباشرة، بتأديته للآذان خلال حلقته معها في برنامج "أسرار".
وكشف مطرب المهرجانات مسلم ، خلال برنامج "أسرار" أنه كان يؤم بالمصلين في مسجد بجانب منزله، قائلًا: عرفت ان صوتي حلو من وانا عندي ٨ سنين وابتديت أذن وأكون مسؤول عن الجامع اللي جمب بيتي وافتحه للناس، وكنت بغني لحد قبل ما اتدين وكده، ولكن صوتي بقى كويس بسبب تجويد القرآن لأنه بيحسن الصوت.
واضاف مسلم: انا اتبهدلت اوي عشان أرجع أغني وكان حلمي اوصل بموهبتي لهدف أقول اني هوصل وهعمل ده، بغض النظر عن تقديمي للقرآن، ومبقتنعش بكلام الشيوخ أن الغناء حرام والدين بتاعنا ده دين الأخلاق وربنا هيحاسب كل واحد على نواياه، ممكن أصلي ولكن في حاجات بتفوتني ومش زي الأول وبتمنى ربنا يهديني وأرجع تاني، وشغلي السبب في كده وده غصب عني وكفاية مسحول في حوار الجواز والخطوبة.
المصدر: بوابة الوفد
كلمات دلالية: مسلم عمرو دياب صوت عمرو دياب مطربي المهرجانات بوابة الوفد عمرو دیاب
إقرأ أيضاً:
بعد إيقافه من النقابة.. مسلم: حسبي الله ونعم الوكيل في كل ظالم
وجه مطرب المهرجانات مسلم رسالة لنقابة المهن الموسيقية بعد الصراعات تلقى حدث بينهما بعد قرار وقفه الذى صدر خلال الفترة الماضية.
وكتب مسلم عبر حسابه الرسمي على موقع انستجرام عبر خاصية الإستوري: “حسبي الله ونعم الوكيل فى النقابة واللى فيها وربنا كبير ومش بيضيع حق حدا وانا اتظلمت كتير وربنا مش بيسيب حق حد وانا فى دولة قانون ومش هسيب حقى ولو انا ناجح ودا مخليكم كرهني ف دا مرض ومش ذنبي انى انسان كويس وبسعي علشان اوصل لى حلمي وهفضل ورا حلمي لحد اخر نفس ومش هسيب حد يهز ثقتي ربنا كبير وحسبي الله ونعم الوكيل تاني فى كل ظالم من اولكم لي اخركم”.
بدأت القضية عندما تقدم دفاع الملحن حسن أبو دنيا، صاحب أغنية "أول حياتي يا أمي"، بطلب للمحكمة يطالب بتعويض مادي قدره 5 ملايين جنيه لحين الفصل في الدعوى.
ووجهت الدعوى إلى المطربين مسلم ونور التوت بتهمة سرقة لحن الأغنية، ويشمل الاتهام أيضًا أن الكلمات والمحتوى الموسيقي لأغنيتهم "أنا قلبي عايز صارمة" لا يتناسب مع الذوق العام ويشكل تهديدًا للآداب العامة، حيث اعتبر المدعي أن الأغنية لم تخضع للمراجعة من المصنفات المصرية قبل طرحها للجمهور.
وكان المحامي الذي يمثل الملحن حسن أبو دنيا قد تقدم ببلاغ إلى النيابة العامة رقم 707652، يتهم فيه المطربين بسرقة لحن الأغنية وعدم احترام القوانين المصرية للمصنفات الفنية.
كما أشار البلاغ إلى أن الأغنية تحتوي على كلمات سيئة قد تضر بالمجتمع المصري، وهي تتنافى مع القيم التي تعكسها الأغاني المصرية.
محافظ بني سويف يؤدي صلاة عيد الفطر الميارك بساحة مسجد عمر بن عبدالعزيز