أقوال زوجة المتهم بقتل ابن عمه بالمنيب
تاريخ النشر: 2nd, April 2024 GMT
قضت محكمة جنايات جنوب الجيزة، بمعاقبة سائق بالسجن المؤبد لاتهامه بقتل ابن عمه بسبب خلافات مالية وشكه في سرقة أمواله من شقته بالمنيب.
قالت "حنان محمد" 27 سنة ربة منزل، زوجة المتهم بقتل ابن خالتها في تحقيقات النيابة العامة، عند سؤالها عن علاقتها بالمتهم علاء حسين حسن علي؟
هو جوزي
س: وما هي صلتك وعلاقتك بالمجني عليه سيد محمد حسن علي، إذا؟
هو ابن عم جوزي وابن خالي
س: وما هي تفصيلات شهادتك تحديدًا؟
اللي حصل إن أنا كنت راجعه شقتي وأول ما دخلت المدخل لقيت سيد محمد حسن، الله يرحمه واقف قدام باب الشقة وأول ما شافني اتخض وارتبك وعمل نفسه بيخبط على باب الشقة ولما سألته انت واقف كده ليه قالي أنا بخبط على علاء ومحدش بيرد قولتله علاء بره ولسه مجاش وحسيت إنه عامل حاجه فطلع هو شقته اللي في نفس العمارة بتاعتنا، وأنا بفتح باب شقتي لقيت الباب مفتوح أصلا مع إني كنت قفلاه بالمفتاح قبل ما أمشی، وساعتها شكيت في سيد إنه دخل الشقة وخد منها حاجه ولما دخلت الشقة علشان اتأكد لقيت كل حاجة في مكانها والشقة مكنتش متبهدله وكلمت علاء جوزي وقولتله علي اللي حصل وجه من بره، وقالي إنه كان شايل فلوس 4000 جنيه في أوضة النوم ومش لاقيهم وقالي أكيد سيد دخل الشقة وخدهم بس أنا معرفش إنه كان فيه فلوس اصلًا، وقالي انتي شوفتيه وهو معاه فلوس قولتله لا مشوفتش في ایده حاجه، راح طالع لعلاء شقته وقاله فين الفلوس، وانت دخلت الشقة وسرقت منها فلوس علاء رد عليه وقاله أنا مخدتش حاجه ومدخلتش الشقة وأنكر وقعدوا يتخانقوا بصوت عالي ويشتموا بعض.
واستكملت زوجة المتهم: جوزي قال لسيد تعالي ننزل الغيط اللي جنب البيت ونتكلم هناك بدل الفضايح دي وفعلًا نزلوا وراحوا الغيط وبعدها بنحو عشر دقايق لقيت علاء جوزي رجع وبيقولي انا ضربت سيد بإزازة واتعور قولتله ليه كده حرام عليك، وهو جراله ايه قالي مجر الوش حاجه اتعور تعويرة بسيطة قولتله طيب تعالي نروح نجيبه ونوديه المستشفى قالي لا ملكيش دعوه إنتي أنا هروح أجيبه، وراح علشان يجيبه ثاني من الغيط وركب توك توك من الشارع وأنا نزلت الشارع وفضلت واقفة مستنياه يرجع لقيته راجع ومعاه سيد في التوك توك وبينزل دم من صدره ومغمي عليه ومبيتكلمش ركبت معاهم التوك توك وروحنا علي بيت أيمن أخو سید ونزلنا وركب معانا وعلاء جوزي قاله أنا معرفش مين اللي عمل فيه كده وإنه لقاه مرمي في الغيط وطلعنا على مستشفى أم المصريين العام وهناك قالولنا إن سيد مات والمباحث جت خدت جوزي من المستشفى، وهناك أنا قولت لأيمن على كل اللي حصل وإن علاء جوزي هو اللي ضرب سيد وعوره وقولتهلم في المباحث علي كل اللي حصل وهو ده كل اللي أنا أعرفه عن الموضوع.
س: ما قولك فيما ثبت بمناظرة النيابة العامة لزوجك المتهم علاء حسين، من وجود أثر ( خدش ) بجوار العين اليسرى؟
الخدش ده كان حصله قبل الواقعة بيوم علشان كان بيشيل الثلاجة بتاعتنا في البيت واتخبط في سن باب الثلاجة وهو شايلها
س: وما قولك فيما أقر به زوجك المتهم سالف الذكر بتحقيقات النيابة العامة من أن تلك الإصابة حدثت له جراء التشاجر مع المجني عليه وبواسطة ضربه بزجاجة؟
لا هو كداب والخدش ده حصله قبلها بيوم علشان كان بيشيل الثلاجة بتاعتنا في البيت واتخبط في باب الثلاجة، وأأكيد هو قال كده علشان يحاول يبرر اللي حصل.
المصدر: بوابة الفجر
كلمات دلالية: محكمة جنايات جنايات جنوب الجيزة قتل ابن عمه خلافات مالية اللی حصل
إقرأ أيضاً:
حبس المتهم بقتل طفل والتعدي عليه بـ شبرا الخيمة
قضت محكمة جنايات شبرا الخيمة، الدائرة الثالثة، بالسجن لمدة 7 سنوات، لمصفف شعر، لاتهامه بقتل طفل والتعدى عليه بالضرب، بدائرة قسم ثان شبرا الخيمة بمحافظة القليوبية.
حبس المتهم بقتل طفل والتعدى عليه بـ شبرا الخيمةوتضمن أمر الإحالة الخاص بالقضية رقم 28976 لسنة 2022 جنايات ثان شبرا الخيمة، والمقيدة برقم 4081 لسنة 2022 كلي جنوب بنها، أن المتهم "محمد ا س"، 37 سنة، مصفف شعر، مقيم ش داير الناحية الساحل القاهرة، لأنه في يوم 29 / 10 / 2022، بدائرة قسم شرطة شبرا الخيمة ثان محافظة القليوبية، قتل عمداً الطفل "مجهول الهوية"، بغير سبق إصرار ولا ترصد.
وتابع أمر الإحالة، أن المتهم أمعن في تعذيبه بدنياً والتعدي عليه بالضرب في عموم جسده قاصداً إزهاق روحه فأحدث إصابته التي أودت بحياته على النحو المبين بالتحقيقات.
وكشفت تحريات المقدم أحمد موسى رئيس مباحث قسم ثان شبرا الخيمة سابقا، قيام المتهم بالتعدى بالضرب على الطفل المجنى عليه قاصدا إزهاق روحه فأحدث إصابته التي أودت بحياته
بمساعدة أشقائها .. حبس ربة منزل وأشقاؤها لقيامهم بقتل شقيق زوجها في مشاجرة بالقليوبيةكما أمرت جهات التحقيق بشبرالخيمة ، بحبس ربة منزل ، 4 ايام علي ذمة التحقيقات ، لاتهامها بقتل شقيق زوجها بمساعدة أشقائها بالأسلحة البيضاء حتى لفظ أنفاسه، عندما تدخل لفض مشاجرة بين المتهمين وشقيقه زوج المتهمة الأولى، إثر خلافات بينهم وتم نقل الجثة إلى مستشفى ناصر العام، وتحرر المحضر اللازم وتولت النيابة التحقيق.
وتلقت أجهزة الأمن في القليوبية، بلاغا بوقوع مشاجرة بين طرفين ووجود جثة بدائرة قسم ثان شبرا الخيمة.
وانتقلت على الفور قوة أمنية لمكان البلاغ وتبين أن مشاجرة نشبت بين زوج وزوجته، فاستعانت الثانية بأشقائها الذين حضروا إلى المنزل لأخذ شقيقتهم، فتعدوا على الزوج بالضرب وعندما حضر المجني عليه شقيق الزوج للدفاع عنه، انهالوا عليه طعنا بالمطاوي والأسلحة البيضاء حتى سقط على الأرض غارقا في دمائه.
وتوصلت التحريات إلى أن شقيق المجني عليه بينه وبين زوجته خلافات، فطردها من عش الزوجية إلى منزل أسرتها وبعد فترة حضرت ومعها أشقاؤها للاستيلاء على محتويات الشقة، فوجدت زوجها ونشبت بينهم مشاجرة وتصادف قدوم شقيق الزوج الذي تدخل لفض الشجار والدفاع عن الزوج، فطعنوه عدة طعنات أدت إلى وفاته.
وأُلقي القبض على المتهمين، وتولت النيابة التحقيق والتي طلب تحريات المباحث، حول ظروف وملابسات الواقعة.
حظك اليوم برج العقرب الجمعة 22 نوفمبر.. خصص وقتا للاسترخاء مساء