علي جمعة: بناء المساجد على مقامات الأولياء أقرب القرب
تاريخ النشر: 2nd, April 2024 GMT
قال الدكتور على جمعة، مفتي الديار المصرية السابق، إن مما يسأل عنه فى قضية البدع، قضية يثيرها بعضهم حول المقامات لأولياء الله الصالحين وعلماء الأمة، لافتا إلى أن مصر فيها مَزِيَّة وهى وجود آل البيت فيها، منهم سيدنا الحسين، والسيدة زينب، والسيدة حورية فى بنى سويف، وغيرهم الكثير.
وأوضح الدكتور علي جمعة، مفتي الديار المصرية السابق، خلال حلقة برنامج "نور الدين"، على قنوات الشركة المتحدة، اليوم الثلاثاء: "الله سبحانه وتعالى، قال: (قُل لَّا أَسْأَلُكُمْ عَلَيْهِ أَجْرًا إِلَّا الْمَوَدَّةَ فِي الْقُرْبَىٰ)، لأن النبي لم يأخذ مننا أبيض ولا أسود، ولا بد علينا أن نحب أهل البيت الرسول، والمصريون استوعبوا هذا الأمر، واحبوا جدا آل البيت".
وتابع: "السؤال هو بناء المساجد على المقامات، وزيارة المقامات بدعة؟، هو ده السؤال اللى بيتلعب به كثيرا ولم يكن موجودا قبل 200 سنة، والإمام البيضاوى صاحب التفسير، وهو إمام القرن السابع الهجرى، يقول (وبناء المساجد على أضرحة الأولياء من أقرب القرب إلى الله)".
وأضاف: "الإشاعة اللى طالعة إن الناس اللى بتروح تزور سيدنا الحسين أو أولياء الله فده بدعة ومفيش حاجة فى الكتاب والسنة إن المساجد تبنى على القبور هو ربنا يأمر بالشرك، أقوله هو أنت خليته كمان شرك ده أنت مبتدع، هو أنت فاكر روحك فاهم حاجة، اسمع كلام سيدنا النبي صلى الله عليه وسلم قال: (تَركتُ فِيكم الثَّقلين، ما إن تمسَّكتُم بهما، لن تضلُّوا: كِتابَ اللهِ، وعِترتي أهلَ بيتي) وده رواه الترمذي، وكمان فى القرآن (قَالَ الَّذِينَ غَلَبُوا عَلَىٰ أَمْرِهِمْ لَنَتَّخِذَنَّ عَلَيْهِم مَّسْجِدًا)، ولما تروح فلادفيا فى الأردن تلاقى فى مسجد فوق أهل الكهف، ولو كان شرك كان ربنا أقره وذكره لنا، صدق الله وكذب المبتدع".
واستكمل: "عيب لما هؤلاء المبتدعة يردوا على علماء الأمة، يقولك ده الناس بتعبد سيدنا الحسين من دول الله، دول بيقروا له الفاتحة يبقوا ازاى بيعبدوه، عيب لما الكذب يفضل يشيع لما حد الناس تصدقه".
وبرنامج نور الدين، الذى يعرض على قنوات الشركة المتحدة، يفتح حوارًا مع الأطفال والكبار حول تساؤلاتهم حول الدين والله عز وجل، إضافة إلى المشكلات الحياتية التى تواجه عباد الله وكيفية التغلب عليها، ويرد على أسئلة للمرة الأولى علي لسان أطفال صغار.
المصدر: بوابة الوفد
كلمات دلالية: علي جمعة البدع مصر آل البيت علی جمعة
إقرأ أيضاً:
بالمصرى .. قعدات النميمة فى الأفراح والليالى الملاح
تابع أحدث الأخبار عبر تطبيق
كلنا لما بيكون عندنا فرح بنهتم قوى حانلبس إيه، ونعمل شعرنا إزاى، ومين معزوم فى الفرح شاف لبسنا ده فى مناسبة قبل كده؟ ونجهز بقى ونبقى على سنجة عشرة ونروح ونبتدى السلامات.
هاى حبيبتى شكلك النهارده زى القمر.. مرسيه ياروحى وانتى فستانك بجنن ولونه حلو قوى عليكى.. خسيتى ماشاء الله عملتى إيه يا مجرمة؟.. بجد خسيت؟ أنا بقالى شهر عاملة دايت الأناناس.. براڤو باين عليكى قوي.. وده مع دكتور؟.. آه ده بتاع الدكتور وليام هيكتور أخدته من ع النت وعملته.. طب بليز يا روحى ابعتيهولى واتسآب علشان نونى تخنت وعملت دايت البروكلى وماخستش وكانت عاوزه تعمل ديتوكس بس خفت عليها.
إيه ده هى شهيرة اللى قاعدة على الترابيزة اللى هناك دي؟.. أيوه.. ومين اللى معاها دول؟.. ده رجل الأعمال أحمد عيسى ودى مراته.. شايفة الخاتم اللى فى إيديها؟ ده مايقلش عن خمسة قراط والكوليه اللى لابساه ده كل حجره فيه بتاعة نص قيراط.. أيوه ماهو منغنغها.. هى كده مابتقعش غير واقفة.. ده كاتبلها بيت الساحل اللى بعشرة مليون وعمارة الدقى وشاليه السخنة وشقة فى الجونة وكل سنة بيغيرلها عربيتها بالموديل الجديد.. ماهى علشان كده لازقة فيه ومش مدياله فرصة يتنفس.
إيه ده؟ مش دى سوسو اللى قاعدة هناك دي؟.. أيوه.. هى مال شكلها اتغير كده؟.. من كتر عمليات التجميل.. بس لون شعرها غريب قوى.. آه ماهى كل شوية تعمل لون ولوك جديد.. بس مش لايق عليها خالص ومخلى لون وشها باهت ومعجزها.. لا ونافخة خدودها قوي ومبيضة أسنانها وعاملة شفط وحاقنة شفايفها.. استنى دى جاية علينا.. هاااى ازيكوا يا بنات؟.. هاااى سوسو إيه القمر ده؟.. انتو اللى قمرات يا حياتي.. لا بجد شكلك قمر ولون شعرك يجنن ده انتى صغرانة ٢٠ سنة.. حبايب قلبى.. قوليلنا بقى عاملة إيه مخليكى قمر كده؟.. ولا حاجه والله أنا بس بروح الجيم وبمشى عندى فى الكومباوند ساعة كل يوم.. فارق معاكى قوى ياروحى ده إحنا قاعدين نعاكس ونقول مين القمر دي؟.
ايه ده مش اللى هناك دى وفاء؟.. أيوه.. هى اتحجبت؟.. أيوه.. شكلها كبر قوى فى السن ومالها لابسة وحش كده؟.. مسكينة جوزها مطلع عينها واتجوز عليها السكرتيرة بتاعته.. ياعينى وهى من وقتها بقى بتروح للشيخة شوشو فى مصر الجديده بتاخد دروس دين علشان تصبر على الإبتلاء.
ايه ده العروسة جات اهي.. فستانها عاملاه هنا فى مصر ودافعة فيه ٢٥٠ ألف جنيه.. لا ياروحى ده من لبنان.. بس مش لايق عليها ومتختها ومكايجها أوڤر قوى.. والعريس ماله محفلط كده واقصر منها.. هما حايقضوا شهر العسل فين؟.. حايروحوا فار ايست.. وحايسكنوا فين؟.. عند حماها بانيلهم دور فى ڤيلته بس شكل مامته مش حاباها وحاتعملهم مشاكل.. ايوه علشان كانت عنيها على بنت صاحبتها والولد رفض.. و...!
وتستمر حالة النم على خلق الله من المعازيم حتى يعلنوا عن البوفيه.. وساعة البطون تتوه العقول وننسى دايت البروكلى والاناناس والديتوكس والچيم وتتملى الأطباق من ما لذ وطاب، وقال إيه النهارده بالصدفة اليوم الفرى فى الدايت!. وبعد البوفيه يبتدى النم على أصناف الأكل والفيليه اللى مش مستوى والمحشى اللى خلطته ناقصها ملح.
ونقوم ونشفط بطننا وناخد صورة مع العروسة والعريس وبكل بجاحة ونفاق نتمنالهم السعادة ونعمل بوز البطة علشان الصورة تطلع حلوة ونروح بيوتنا ونفضل أسبوع ننم فى التليفون على نفر نفر، وكأننا لو مانمنيناش مش حاننام هاديين مع إن لو كل واحد فهم أن من نم لك بالتأكيد حاينم عليك، كان حط لسانه جوه بوقه وبطل لت. ولو كل واحد خلاه فى حاله وركز فى نفسه وشغل نفسه بتطوير ذاته الدنيا حاتبقى بالتأكيد أفضل.. وكفانا الله وإياكم شر النم والنمامين قولوا آمين.
*فنانة حاصلة على دكتوراة فى الغناء الأوبرالى
السوداني:العراق منفتح على العالم لزيادة حجم الاستيرادات