مطرب المهرجانات: أنا رجل شرقي صعيدي وعشان كده بتجوز ومبعملش حاجة غلط
تاريخ النشر: 2nd, April 2024 GMT
كشف مطرب المهرجانات مسلم، كواليس طلاقه لميكا البغدادي، أم طفله الوحيد، والأزمة الشهيرة بينهما وخلافاتهما على السوشيال ميديا.
واستكمل مسلم في لقائه مع الإعلامية أميرة بدر في برنامج "أسرار" المذاع على شاشة "النهار" : مؤخرا قصصي الشخصية بقت مغطية على فني، ولكن أنا زي أي حد طبيعي بنزل ستوريهات، ولما طلعت اعلنت انفصالي عن طليقتي عملت كده عشان الناس متفكرش اننا لسه مع بعض، ودلوقت طليقتي بقت مشهورة لما اطلقنا واتشهرت بسببي، قعدنا مع بعض سنه ونص.
وتابع مسلم: انا مش الرجالة اللي بيتشهروا يشوفوا زوجة تانية، الحمدلله احنا مرتاحين ماديًا من زمان، وانا لما طلقت. عملت كده عشان مافيش تواصل ما بينا ولا فهم وكانت صاحبتي واكتشفنا ان دماغنا مش شبه بعض ولذلك انفصلنا بكل احترام، ابني حته من قلبي وبشوفه كتير.
مبحبش امشي غلط وعشان كده اتجوزت بدريواضاف: أنا بحب الخير لكل اللي حواليا وافتخر بيهم قدام الناس، وانا مغرتش من نجاح طليقتي ولما اتشهرت مأثرش عليا، وانا متجوزتهاش عن حب، لكن هي اكيد كانت بتحبني، لكني بحبها بعشرة مش عن حب اوي، اللي مسرعني عن الجواز والارتباط اني مبحبش امشي غلط عشان كده اتجوزت بدري، لاني راجل شرقي وصعيدي من طهطا في سوهاج، واتعلمت الرجولة والشهامة والأصول ومقصرتش مع أي حد ، واتعلمت ان البيت أهم من الفن ولا المجال باقي.
المصدر: صدى البلد
كلمات دلالية: مسلم ميكا البغدادي
إقرأ أيضاً:
قطعت فستان فرحى.. ميرنا وليد تروى تفاصيل مثيرة ليلة زفافها
كشفت الفنانة ميرنا وليد ، عن موقف صعب أثناء حفل زفافها، حيث قامت بتقطيع فستان فرحها ، وهو الأمر الذى أثار جدلا واسعا.
وقالت ميرنا وليد، خلال لقائها ببرنامج “قعدة ستات” للإعلامية مروة صبري : من وأنا صغيرة ماما كانت بتروح الكوافير وأنا كنت أروح معاها كانت بتعمل شعرها وأنا بقعد اتفرج على المجلات وفيها فساتين أفراح، كنت أدور وأقول فستاني هيبقى كده واختار الفستان، قعدت كده سنين لما جيت أتجوز حجزنا فندق وبعدها كلمونا اعتذروا أن الفندق هيبقى فيه تجديدات في الوقت دا، فقررنا نغير ميعاد الفرح وخليناه بدري.
وأضافت ميرنا وليد : مكنش ساعتها في فستان فقالولي في واحدة بتعمل فساتين حلو في مصر الجديدة، جبت الجزء اللي فوق من برا وقلت تعملي هي باقي الفستان وشرحت ليها عايزاه إزاي، وتاني يوم استلم الفستان وفرحي بعدها بيوم، لقيته وحش أوي قلت لها وحش قالتلي معلش عشان الوقت وأنتي عايزة تستلميه رحت قطعته، أنا هلبس الفستان مرة واحدة ليه ألبس فستان مش حباه وفضلت قاعدة معاها عشان تعمل الفستان وتظبطه.
واوضحت ميرنا وليد : في حاجات في الحياة مش هتتعوض، أنا مش رايحة حفله لو الفستان معجبنيش مش هروح، لكن دا فرحي، الناس فراحوا الفرح وأنا مجتش وفضلت قاعدة طول الليل عشان استلم الفستان".
من ناحية أخرى تقدمت ميرنا وليد بإعتذار إلى الفنان القدير محمد صبحي عن عدم إستكمال العرض المسرحي "فارس يكشف المستور" والذي يعرض حاليا على مسرح مدينة سنبل.
وأكدت ميرنا أن السبب وراء الاعتذار هو شعورها ببعض الآلام بسبب كثرة الاستعراضات التى كانت تقدمها فى مسرحية "قمر الغجر" خلال الفترة الماضية، والتي وصلت ل 7 إستعراضات يوميا،
ومن جانبها أعربت الفنانة ميرنا وليد عن أسفها الشديد لهذا القرار وقالت فى بيان صحفي: اعتذار أى فنان عن عمل مسرحي أمام محمد صبحي لابد أن يكون هناك سبب قهري وهو ظروفي الصحية الحالية.
وأوضحت "ميرنا"فى بيانها: تعلمت من محمد صبحي الكثير والكثير خلال فترة تعاوني معه وهو أب وأخ لكل فنان يشاركه على خشبة المسرح.
كما أوضحت "ميرنا" أنها سوف تستمر فى عرض المسرحية حتى نهاية شهر ديسمبر لكي يتم اختيار بطلة أخرى بديلة لها، قائلة: أستمر عرض "فارس يكشف المستور" حتى لا أكون سبب في توقف عمل ذو أهمية حتى ولو ليوم واحد وأصررت على الاستمرار حتى نهاية ديسمبر.
«هالكن» تعرض صواريخ إماراتية بأنظمة ذكية عالية الدقة