مسلم: "رجعت أنا وخطيبتي ومرضناش نقول عشان ميتقالش بنعمل تريند"
تاريخ النشر: 2nd, April 2024 GMT
كشف مطرب المهرجانات مسلم، تفاصيل عودته لخطيبته السابقة يارا، والتي انفصل عنها بعد أيام قليلة من إعلان الخطوبة.
وأعلن مسلم حصريا لبرنامج "أسرار"، الذي تقدمه الإعلامية أمير بدر على شاشة "النهار"، أنه عاد مرة أخرى لخطيبته السابقة والتي وقفت بجانبه كثيرا.
واضاف مسلم: خطبت بعد طلاقي بـ 7 شهور، لأني حبيت من قلبي مش بعقلي واختيار قلبي، والمرة اللي فاتت كانت اختيار الناس وأني اقعد في البيت واتجوز وممشيش غلط، وكلنا بنغلط وكلنا خطائين، واللي خطبتها من برا المجال ومحترمة من عيلة، واتظلمت معايا، وكانت بتستحمل، والناس افتكرت إنه ا اخدتني من طليقتي وابني.
واستكمل مسلم: انا معملتش حاجة غلط وعملت خطوبة زي أي بني آدم ومجرحتش حد طليقته بالخطوبة اللي عملتها، وراعيت مشاعرها وعمري ما هجرحها لأنها ام ابني، وكنا مطلقين ومش قايلين لحد، ولما بدأنا نشوف حياتنا قولنا نعلن عشان الناس تعرف، الناس قالت خطوة سريعة، ولكن حسيت مع خطيبتي بحاجات محستهاش مع اللي قبلها، حبيت أن ثقتي في نفسي زادت وقبل كده مكنتش عايش حياة.
وأضاف مسلم، أنه عاد مرة أخرى لخطيبته بعد إعلانه فسخ الخطوبة: ده تسرع مني وأنا اللي نزلت اننا فركشنا وفي ناس قالت بغيظ طليقتي ولا محتاجة أعمل تريند عشان اتشهر، بندم اني عرفت للناس تفاصيل حياتي الشخصية بس اتعلمت، وأنا بني ادم عايز احب واعمل اسرة وحياة،.
وقال مسلم: احنا رجعنا لبعض لاننا مستحملناش نبعد عن بعض ومرضيناش نقول إننا رجعنا، عشان الناس متفكرش نعمل لقطة ولا تريند، ومش حابب حد يحطها في الحتة دي لأنها أنضف من كده، وناوي اننا نعقل ونكبر ومنتسرعش في اي حاجة بعد كده، أنا اللي اتقمصت شوية وموقف حصل ولكنها مسابتنيش ومسابتنيش زعلانة في عز منا غلطان، احترمتها.
تفاصيل برنامج أسرار
برنامج "أسرار" يعرض يوميًا على شاشة "النهار " تستضيف خلاله الإعلامية أميرة بدر، عددًا من نجوم الفن والرياضة والسياسة والمجتمع، في تمام الساعة التاسعة والنصف مساءً.
المصدر: بوابة الفجر
كلمات دلالية: مسلم برنامج أسرار اميرة بدر
إقرأ أيضاً:
فى عيد ميلادها.. سلوى خطاب تعترف بتعرضها للخيانة وتكشف سر عدم إنجابها
تحتفل الفنانة سلوى خطاب اليوم بعيد ميلادها وهى إحدى النجمات اللاتى قدمن عديدا من الأعمال الفنية الجيدة والتى تظل علامة فى تاريخها الفنى.
وقعت الفنانة سلوى خطاب في حب المخرج والمؤلف الراحل أسامة فوزي، الذي كان يدين بالمسيحية، لكنه غير ديانته خصيصًا ليستطيع الزواج منها، وانتهت الزيجة بالطلاق، ولم تعمل سلوى خطاب مع زوجها المخرج أسامة فوزي سوى في فيلم واحد هو " عفاريت الأسفلت وان زوجها السابق كان من مواليد برج الحوت واصفة رجال برج الحوت بالخيانة، وأنها وصلت لطريق مسدود مع زوجها فقررا الإنفصال بسبب تمتع كلا منهما بصفة العند، مؤكدًا ان زوجها فنان عبقري جدا لكنه زوج فاشل جدا.
وكان للفنانة سلوى خطاب تصريحات كشفت فيها سر عدم إنجابها، قائلة: "فكرة إني أجيب طفل عشان بس أفرح بيه دي أنانية، وكنت حاسة إنه لو أنا خلفت طفل لازم أتفرغ له هو مالوش دعوة إن أمه فنانة، وأنا مشكلتي إني بفصل عن العالم لما باجي أمثل وببعد عن كل اللي حوليا عشان أركز في الشغل".
وأوضحت سلوى خطاب قائلة : أن المجتمع اللي إحنا عايشين فيه ده بمنتهى الصراحة لا يشجع على الإنجاب فهو صعب وأنا تعبت لما واجهته فخوفت على ابني منه".
مياه القليوبية ترفع حالة الاستعداد القصوى خلال شهر رمضان