محمد التاجي لـ"البوابة نيوز": فرحت إني طلعت تريند وزعلت لما اتشمت على السوشيال ميديا
تاريخ النشر: 1st, April 2024 GMT
أعرب الفنان محمد التاجي عن سعادته على نجاح شخصية الرجل المتصابي التي قدمها من خلال مسلسل "العتاولة" هذا العام، والتي لاقت قبولاًَ كبيراً مع الجمهور والمتابعين، خاصةً وهي شخصية تختلف عن سابق المتعارف عليه من أدواره.
وأضاف الفنان محمد التاجي فى تصرحات خاصة لـ "البوابة نيوز" ما زلنا فى مرحلة التصوير، ولكن نبض الشارع يصل والسوشيال ميديا والتفاعل الكبير مع المسلسل أصبح ملموسا فى كل تفاصيله ومشاهد كثيرة وأحداث تفاعل معها الجمهور، والنجاح الذى حققه المسلسل إلى الآن لكل أبطال العمل هو تكليل لجهود كبيرة من الجميع.
وأكمل الفنان محمد التاجي حديثه "فرحت إني طلعت تريند، وده دليل نجاح لشغل الممثل على الشخصية، ومؤشر مهم أكيد ينقل نبض الجمهور للفنان، ولكن زعلت جداً من بعض الناس شتموني وسبوني بأمي على السوشيال ميديا بسبب الشخصية".
وأكمل الفنان محمد التاجي عن فريق العمل وأسرة المسلسل "عائلة بكل ما تحمل الكلمة من معاني، الجميع فى حالة وحدة وتكاتف وسعداء بالتواجد فى مثل هذا العمل، روح وأجواء من الجد والعمل والمرح والكواليس الضاحكة الممتعة، أساتذة فى الالتزام والاحترام، وروح فى منتهي الود تربطنا جميعاً".
شارك فى مسلسل "العتاولة" مجموعة كبيرة من النجوم المسلسل بطولة أحمد السقا، طارق لطفي، ميمي جمال، باسم سمرة، زينة، محمد التاجي، فريدة سيف النصر، زينب العبد، محمد نجاتي، مصطفي أبو سريع، صلاح عبدالله، والإخراج أحمد خالد موسي.
المصدر: البوابة نيوز
كلمات دلالية: محمد التاجي تريند السوشيال ميديا طارق لطفي العتاولة الفنان محمد التاجی
إقرأ أيضاً:
الأوقاف: السوشيال ميديا ليست دفتر يوميات ولا ساحة لحل المشكلات العائلية
قالت وزارة الأوقاف المصرية عبر صفحتها الرسمية على فيس بوك: بلاش أسرار البيوت وتفاصيل حياتنا على السوشيال، فبيتك ليك.. مش للناس.
وأشارت إلى أن زمان كان البيت له حرمة، واللي بيحصل جوه محدش يعرفه غير أهله. دلوقتي، حياتنا أصبحت معروضة على السوشيال ميديا، من أول الفطار لحد الخلافات الزوجية! بنشارك كل حاجة، سواء لحظات فرح أو مشاكل شخصية، من غير ما نفكر في عواقب ده.
ونوهت بأن ربنا خلق البيوت عشان تكون مصدر راحة وخصوصية، مش مسرح مكشوف للناس كلها وقصص ناس كتير أثبتت إن مشاركة حياتهم على السوشيال ميديا سببت لهم مشاكل أكبر مما توقعوا، سواء تدخلات غير مرغوبة، أو تعرضهم للاستغلال، أو حتى فقدانهم للراحة النفسية بسبب المقارنات وضغط الظهور بمثالية مستمرة.
وأوضحت ليه لازم نكون حريصين على خصوصياتنا وقالت:
راحة نفسية أكتر: لما بتشارك كل تفاصيل حياتك، بتحط نفسك تحت ضغط نفسي، وكأنك لازم تكون مثالي طول الوقت.
المشاكل بتزيد مش بتتحل: أي مشكلة تنشرها، بدل ما تلاقي حل، هتلاقي مليون رأي وتحليل من غير المتخصصين، وده هيزود توترك.
فقدان متعة اللحظة والمقارنات المستمرة: السوشيال ميديا بتسرق منك متعة اللحظة، وبتخليك دايمًا تقارن حياتك بحياة غيرك، رغم إنك ممكن تكون في نعمة كبيرة مش واخد بالك منها.
تدخلات غير مرغوبة واستغلال معلوماتك ضدك: نشر أسرار البيت بيفتح الباب للناس عشان تتدخل في حياتك، وأحيانًا يستغلوا كلامك ضدك، بحسن نية أو بسوء نية.
مخاطر أمنية وتهديد للأطفال: مشاركة تفاصيل حياتك اليومية أو صور ولادك ممكن تعرضهم لمخاطر إلكترونية، لأن مش كل اللي بيتابعك عنده نوايا كويسة.
رمضان فرصة نراجع عاداتناواوضحت ان رمضان جاي علشان نغير اللي محتاج يتغير، ونحافظ على خصوصيتنا، نخلي بيوتنا دافية وبعيدة عن عيون الناس، ونعيش اللحظات الحلوة مع أهلنا من غير ما ننشغل بالتوثيق. سيدنا النبي ﷺ قال: "كل أمتي معافى إلا المجاهرين..." (متفق عليه)، يعني اللي بيجاهر بمشاكله بيحرم نفسه من نعمة الستر، فمش كل حاجة تتحكى، ولا كل فرحة تتنشر!
وشددت على ان السوشيال ميديا وسيلة، مش دفتر يوميات، ولا ساحة لحل المشكلات العائلية. الحفاظ على الخصوصية بيخليك تعيش مستقر نفسيًا، ومتوازن اجتماعيًا، وآمن من أي استغلال. رمضان فرصة نعيد حساباتنا، ونحافظ على خصوصية بيوتنا وحياتنا. احترم حياتك، واحترم خصوصية اللي حواليك.
رئيس الوزراء يوجه بتكثيف الجولات الميدانية للوزراء بمختلف المشروعات