بهجت عدلي: «قعدت 4 سنين مشتغلتش.. وبمرض لما ممثلش»
تاريخ النشر: 1st, April 2024 GMT
أكد الفنان بهجت عدلي، أنه لا يمتلك أي مصدر للدخل سوى الفن، وأن زوجته تنفق على المنزل وأبنائهم في فترة مكوثه في المنزل، موضحًا أنه لم يندم على ترك الصيدلة والاتجاه للفن.
وقال بهجت عدلي، في لقائه مع الإعلامية إنجي هشام، في برنامج «المنسي» المذاع عبر شاشة قناة هي: مرة قعدت 4 سنين مشتغلتش، واتصلت بالمنتج صادق الصباح، وقولتله أنا بقالي 4 سنين مشتغلتش وبعد ساعة ونص لاقيت المنتج الفني علي حسن، اتصل بيا وقال إن صادق الصباح قال يشغلوني في دور في مسلسل هيفاء وهبي كان بيتصور في لبنان، وقبل ما أتصل بيه اتصلت بمنتجين كتير ومحدش عبرني.
وتابع: أوقات كتير بيكون مفيش فلوس في البيت، ولما مبشتغلش المدام بتصرف على البيت، وبنساعد بعض والحياة كده هنعمل إيه وهشتغل إيه؟، والجيل دلوقتي غير زمان، جيل دلوقتي ربنا يزيدهم عندهم مطاعم وكافيهات اللي تغنيهم عن الفن، لكن إحنا اللي معملناش ده ومحوشناش فلوس، ويمكن علشان وقتها فلوسنا كانت قليلة.
وأضاف: مندمتش أني سيبت الصيدلة لأني بحب مهنة الفن، وأنا ممكن أعيا لو قعدت فترة مبمثلش، وأنا رايح التصوير ببقى رايح مبسوط كأن عندي ميعاد مع حد بحبه، وأوعي تصدقي اللي بيقول إحنا بنتعب في الشغل وبنلبس لبس تقيل في الصيف، ده كلام فاضي، أنتي رايحة تبدعي ومحدش بيغصب عليا أمثل ده أنا اللي بلح أني أشتغل، وبتضايق منهم لما بيقولوا في اللقاءات بنتعب وبننزل في المطر، ما أنتوا نازلين بمزاجكم.
وبرنامج المنسي، من تقديم الإعلامية إنجي هشام على شاشة قنا هي، ويُعرض يوميًا في تمام الساعة العاشرة مساء، طوال شهر رمضان، ويحل عدد من نجوم الفن ضيوفًا على برنامج المنسي، للحديث عن بدياتهم وتفاصيل مشوارهم وتفاصيل التحديات التي واجهتهم على مدار مشوارهم الفني.
اقرأ أيضاًبهجت عدلي: «سيبت الصيدلة من 22 سنة واتجهت للفن.. ومبحبش أظهر في الإعلام»
المصدر: الأسبوع
كلمات دلالية: برنامج المنسي
إقرأ أيضاً:
بالصور.. بدء الاستعدادات الأولية للعرض الخاص لـ فيلم الهنا اللي أنا فيه
بدأت منذ قليل الاستعدادات الأولية لبدء العرض الخاص لـ فيلم الهنا اللي أنا فيه، بحضور أبطاله في إحدى سينمات 6 أكتوبر.
أبطال فيلم الهنا اللي أنا فيهيشارك في فيلم الهنا اللي أنا فيه، عدد من نجوم الفن أبرزهم: كريم محمود عبد العزيز، دينا الشربيني، وياسمين رئيس، ومريم الجندي، وحاتم صلاح، معتز التوني، محمد أوتاكا، والعمل من تأليف أيمن بهجت قمر، وإخراج خالد مرعي.
أغنية فيلم الهنا اللي أنا فيهوجاءت أغنية فيلم "الهنا اللي أنا فيه" بعنوان "قلب قلبي"، من غناء بطل العمل كريم محمود عبد العزيز، ومن كلمات منة عدلي القيعي، وألحان وتوزيع أحمد طارق يحيى.
البوستر التشويقي لـ فيلم الهنا اللي أنا فيهويظهر البوستر التشويقي أقدام بطلتي الفيلم تتوسطهما قدم مكسورة لبطل الفيلم، في إشارة لوجود صراع على رجل، حيث تدور أحداث الفيلم حول زوجة تعيش حياة زوجية طبيعية لكن تكتشف سر خطير يجعلها تغيير حياة زوجها للأبد.
كلمات أغنية قلب قلبيوتضمنت كلمات أغنية «قلب قلبي» الآتي: «ممكن اتغزل فيكي بس شوية براحتي، لو سمحتي، تسمحي تديني في يومك لحظة اديني مساحتي، لو سمحتي، ممكن اقولك حاجة في قلبي انا هنا من جوا، لو سمحتي، سيبيني اعملك حبة جو من اللي هو، عايزك في حوار مش هلف وادور، ركزي معايا، في كلام عندي ليكي في زوري محشور، يا حبيب روح نني عيون شريان قلب قلبي اه يا بقبق رمش الهوي والدوا اه يا فص كبدي».
قصة فيلم الهنا اللي أنا فيهويتناول فيلم "الهنا اللي أنا فيه" فكرة ماذا لو عرضت الزوجة على صديقتها الزواج من زوجها، وكشف الإعلان عن شخصية دكتور أحمد، الذي يؤدي دوره كريم محمود عبد العزيز، المهتم بإعطاء نصائح لمتابعيه حول بناء الشخصية والسعادة الزوجية على وسائل التواصل الاجتماعي، في حين يواجه مشاكل في حياته الزوجية، ويتفاجئ بزوجته (ياسمين رئيس) تعرض على صديقتها (دينا الشربيني) الزواج منه.
أين وصل مشروع "طريق الحزم الوشيل"؟