بسبب فيلم «ديسكو ديسكو».. ميار الببلاوي: نجلاء فتحي أقنعتني أفطر في رمضان

حلت الفنانة ميار الببلاوي، ضيفة برنامج «العرافة» تقديم الإعلامية بسمة وهبة، متحدثة عن مشاركتها في فيلم ديسكو ديسكو، الذي عرض سنة 1993، وكواليس تصوير مشاهده في شهر رمضان.

ميار الببلاوي مع بسمة وهبة

وقالت ميار الببلاوي، خلال حوارها مع الإعلامية بسمة وهبة في برنامج «العرافة»: «في مشاهد كثيرة في فيلم ديسكو كنت مش عايزة أعملها، ولا كنت عايزة ألبس مايوه، ولا مشهد عمرو عبد الجليل، ولا مشهد شريف منير، الحاجات دي كلها عملت مشاكل، وأنا الحمد لله اتحجبت ومش عايزة حاجة زي دي تتعرض ولا حد يجيب سيرتها».

وأضافت ميار الببلاوي في حوارها: «مكنتش محجبة وكنت صغيرة، ومكنتش مصدقة نفسي وكنت مطيعة جدا وحابة الموضوع جدا، ودخلت عشان أعمل مشهد وطلبت أعمله بعد الفطار لكن اتقالي لأ».

ميار الببلاوي في فيلم ديسكو ديسكو

وتابعت ميار الببلاوي: «كنت بصور في الديسكو أسبوعين كنت أنا وأختي الوحيدين اللي صايمين من بين الفنانين الشباب، وصورنا طول النهار في الديسكو، مكنش ينفع صيام لأن كل المشاهد كان فيها شرب».

ميار الببلاوي

وأضافت: «وفي يوم المشهد المثير للجدل، دخلت التويلت وقفلت عليّ وإيناس الدغيدي اتعصبت عشان مكنش ينفع أقعدهم ساعتين لحد الفطار عشان أعمل مشهدي، وكنت بعيط عشان مفطرش وأضيع وقت».

وواصلت: «كان يجب أن يقنعني أحد بأن أفطر، وهنا جاء دور نجلاء فتحي، كانت إنسانة رائعة ولو قالت لي ارمي نفسك في النار هرمي، وجات قالت لي يلا يا حبيبتي عشان تعملي المشهد، وأقنعتني بأن رمضان مش بناكل فيه عشان نبقى زي الفقراء وافطري متخفيش الموضوع هيعدي».

اقرأ أيضاًلم أكتم شهادة ودعيت على إيناس الدغيدي.. أبرز تصريحات ميار الببلاوي في برنامج «العرافة»

ميار الببلاوي عن كتمان الشهادة في أزمة وفاء مكي: مكنش بإيدي حاجة

ميار الببلاوي تتعرض لأزمة صحية مفاجئة قبل حلقتها في برنامج «أحلى الكلام»

المصدر: الأسبوع