«لازم حاجات كتير تتغير».. ميدو يعود لإثارة الجدل ويقارن الزمالك بقمة الدوري الإنجليزي

هاجم أحمد حسام ميدو، لاعب نادي الزمالك السابق، والإعلامي بأحد القنوات الفضائية الحالي، طريقة لعب كرة القدم الفترة الحالية محلياً وعالمياً مطالباً بتغييرها الفترة المقبلة.

وقال ميدو عبر حسابة على موقع التواصل الإجتماعي «أكس»:«زمن كرة القدم اللي أتربينا عليها وإننا بنتفرج عليها علشان نتمتع لما لاعيبه معينه تجيلهم الكورة نتمتع بالتوقيفية الحلوة بالترقيص الحلوة بشوطة من برة من بعيد تغييرة ملعب بينية جامده من لاعيب حاسين ان عنده عشر عيون انتهى».

ميدو

وتابع:«امبارح اتفرجت على السيتي وأرسنال و فيوتشر والزمالك والفكرة دي خلاص اترسخت في دماغ لاعيبة الكورة، مفيش اي مساحه للإبداع».

وأضاف:«المدربين عاوزين النوع ده من اللاعيبة لتطبيق افكارهم بدل من لاعيبة بتاخد قراراتها جوه الملعب من نفسها».

وأختتم:«أنا شايف ان لازم حاجات كتير تتغير في الكورة علشان تفضل محافظة على شعبيتها وتفضل اللعبة الأكثر شعبية في العالم».

الزمالك يفوز على مودرن فيوتشر بثنائية

ونجح الزمالك أمس في تحقيق الفوز على نظيره نادي مودرن فيوتشر في ذهاب دور ربع نهائي كأس الكونفدرالية.

وأنتهت المباراة بنتيجة هدفين مقابل هدف، لصالح الفارس الأبيض، حيث أحرز أهداف الزمالك كلاً من حمزه المثلوثي، وأحمد السيد زيز، فيما سجل هدف مودرن فيوتشر علي ياسر.

المصدر: الأسبوع