مفيش محبة بعد عداوة.. ريم البارودي تكشف سبب خلافها مع ريهام سعيد

حلت الفنانة ريم البارودي ضيفة في برنامج «العرافة»، مع الإعلامية بسمة وهبة، وكشفت عن تفاصيل خلافها مع ريهام سعيد.

وأكدت ريم البارودي، أن الإعلامية ريهام سعيد غدرت بها أثناء تصوير حلقة برنامجها «صبايا»، التي ظهرت فيها بعد 3 سنوات من الخلاف بينهما.

ريم البارودي تكشف عن سبب خلافها مع ريهام سعيد

وتحدثت ريم البارودي عن خلافها مع الإعلامية ريهام سعيد، قائلة: «ما زال فيه قضايا بيننا ومفيش عداوة تيجي بعدها محبة، واللي يقول كده يبقى كداب واحنا بنمشي ورا أمثال غلط، دي أمثال قديمة دي مينفعش يبقى فيه كره وفي عداوة وأنا بأذيكي وأنا بكرهك وبعد كده تيجي المحبة عمرها ما تيجي محبة، لكن في محبة ييجي بعدها كره وتيجي عداوة».

وتابعت ريم: «وجات لي عزا بابا عشان الكاميرات وعشان ريم البارودي تريند يعني وكانت لقطة منها طبعًا ولما تلاقي حد جايلك وداخلك عزا وأنتي في وقت أنتي مش قادرة تفكري، ومبتفكريش اللي قدامك أذاك قد إيه أو حصل منه ايه، خلاص أنتي بتشوفي حد داخل عليكي فبتنسي ودي غلطتي، وكان المفروض ساعتها مسلمش عليها وبعتت لي رسالة قبل ما تيجي تعزي وقالت لي أنا عايزة أجي أعزي بس خايفة تقولي أن أنا باخد اللقطة والرسالة موجودة».

خلاف ريم البارودي وريهام سعيد

وأضافت البارودي في حوارها مع الإعلامية بسمة وهبة مقدمة برنامج «العرافة»، : «صورتني وأنا بدخن (أيكوس)، والمصحف الشريف ما كنت أعرف إني بتصور، ليه؟! أنا يوسف شاهين؟! فالتدخين ممنوع في أثناء تصوير المشاهد».

وتابعت: «المصحف أنا اتغدر بيا، أنا مش جديدة في الكاميرات، وفي كاميرا صورتني وأنا بنادي على المساعدين بتوعي وبقول يا فلان ويا فلان هاتوا الأيكوس، ولما وقفت الحلقة شربت الأيكوس، وهدأت شوية بس عرفت نيتها لأن اللي في القلوب باين على الوشوش، وهي ضدي، والحب والكره والحقد باين، وكملنا الحلقة».

اقرأ أيضاًأول تعليق من ريم البارودي بعد حبس المتهم بانتهاك خصوصيتها

ريم البارودي لـ «الأسبوع»: لم أتوقع نجاح «بنات السباعي».. و«هرجع للسينما بعمل قوي»

بعد خلافتها مع ريهام سعيد.. ريم البارودي في الدولاب: «امسكني لو تقدر»

المصدر: الأسبوع