أمير مرتضى منصور يعلق على منعه من دخول الزمالك (فيديو)
تاريخ النشر: 30th, March 2024 GMT
قال أمير مرتضى منصور، المشرف السابق على الكرة بنادي الزمالك: "وأنا في قطاع الناشئين كان مجلس الإدارة بيتحل، فكان في مشاكل اننا نبقى موجودين أو لأ، زي دلوقتي متعلق لي ورقة اني ما دخلش النادي، وكتير عملوها، وبيحصل، ده عشان اللي كان في الإدارة سابقاً بيبقى له شعبية وجماهيرية فميرجعش تاني، واحنا موجودين عملنا كده بس بإجراءات قانونية”.
وعلق أمير مرتضى، خلال استضافته ببرنامج "أسرار" مع الإعلامية أميرة بدر المذاع على قناة النهار:، عن توليه منصبه في نادي الزمالك قائلًا: "انا طيب وشرير في نفس الوقت وبيطلع ده مع اللي يستحق، موضوع اني كنت ظابط او محامي وماليش علاقة بالكورة، ده موجود في كل العالم، وعندنا معظم اللي بيلعب كورة مبيهتموش بالدراسة، وده هنا وبرا مصر، والاساطير كلها كده، امثلة محمد صلاح وكريستيانو مثلًا، دول مانعرفش خريجين ايه، لكن أساطير في مجالهم، ومفروض يكون فيه حد متعلم كويس يدير، وهتلاقي المعادلة دي موجودة اوي في الهاند بول، معظمهم خريجي هندسة وطب".
الكورة بتاخد من التعليموأضاف أمير مرتضى: "الكورة بقى هي اللي بتاخد من التعليم، وأنا كنت من ناشئين الزمالك ونفس جيل شيكابالا، وكنت لعيب شاطر، لكن كان عليا ضغوط كبيرة، وده بسبب ان والدي كان نائب رئيس الزمالك، وده كان ضغط عليا لأن الكل عارف ان ابويا رقم 2 في النادي، وكنت هتعامل معاملة خاصة سواء إيجابية او سلبية، وده أثر عليا".
وتابع أمير مرتضى: وأنا في النادي مكنتش معني بقصة الانتخابات، ودايمًا كنت أحب أبعد عن الحتة الاجتماعية، ببعد عنها، لأني عارف ان في يوم من الأيام هتحط فيها، سواء انتخابات أو منصب في النادي، وساعتها أنا كنت معني أكتر بالكورة".
وهاجم أمير مرتضى منصور، المشرف السابق على الكرة بنادي الزمالك، لاعب الفريق السابق محمود كهربا، قائلا:“كنت بحفز كهربا علشان هو كان لاعب مهم جدا فى الزمالك خلال مرحلة عام 2018.. وبعد كدا هرب وراح لنادي آخر .
وأضاف أمير مرتضى منصور، المشرف السابق على الكرة بنادي الزمالك، خلال حواره ببرنامج “أسرار” المذاع عبر فضائية “النهار”، "الموضوع خلص أن اللاعب فى الأخر شاف أن عقده باطل واحنا الأتنين روحنا الفيفا وهو خسر القضية أول درجة وحكم عليه ب32 مليون جنيه.. أستأنف من أجل تقليل المبلغ أو إلغائه واحنا أستأنفنا علشان نزود المبلغ”.
وتابع أمير مرتضى منصور: “المحكمة الرياضية أيدت الحكم بتاعنا وغيرت المبلغ إلى 2 مليون دولار.. وكهربا طلع فى حلقة تليفزيونية سأله المذيع أنت عقدك فضل قد إيه مع الزمالك قال فاضل سنتين ولكني جددت عامين فوق العامين.
المصدر: بوابة الوفد
كلمات دلالية: أمير مرتضي الزمالك مرتضى منصور إدارة الزمالك بوابة الوفد أمیر مرتضى منصور
إقرأ أيضاً:
نجم الزمالك السابق: الأهلي «خدع» جماهيره بحلم كأس العالم للأندية
انتقد أسامة حسن، نجم نادي الزمالك السابق، مسؤولي النادي الأهلي برئاسة محمود الخطيب، وذلك بعد خروج الفريق الأول لكرة القدم من بطولة دوري أبطال إفريقيا على يد صن داونز.
وكان الأهلي قد خرج من البطولة بعد التعادل مع صن داونز الجنوب إفريقي بنتيجة 1-1، في المباراة التي أقيمت بينهما مساء أمس الأول الجمعة على استاد القاهرة، في إياب نصف نهائي البطولة.
وقال أسامة حسن، في تصريحات تلفزيونية عبر فضائية «الشمس»: "النادي الأهلي أوهم الجمهور بأنه سيحصل على كأس العالم للأندية، بينما لم يحصل بعدُ على بطولة إفريقيا وقالوا سنفوز بكأس العالم للأندية".
وأضاف: "النادي الأهلي وهم، الأهلي ليس أقوى من بيراميدز وصن داونز فنيًا، بل أقوى منهما إعلاميًا"، مضيفًا: "الأهلي فاز ببطولات إفريقيا في السنوات الماضية بالتوفيق، وبضغط الجماهير والضغط الإعلامي".
وتابع: "النادي الأهلي يعتمد حاليًا على لاعب واحد فقط، وهو إمام عاشور"، مشيرًا إلى أن: "الأهلي أوهم جماهيره بأنه يمتلك فريق الأحلام، وهذه مجرد أكذوبة إعلامية".
الاشتباك في أجواء اليمن “الأشد إحراجاً لواشنطن”