لهذا السب... بيومي فؤاد يتصدر تريند جوجل السعودية
تاريخ النشر: 29th, March 2024 GMT
تصدر إسم الفنان بيومي فؤاد تريند محركات بحث جوجل، نظرا لظهوره ببرنامج حبر سري، والتي تقدمه الإعلامية أسما إبراهيم.
وتحدث الفنان بيومي فؤاد عن أزمته مع الفنان محمد سلام، ودفاعه عن الفنان محمد أنور الذي جاء بديلًا لـ "سلام"، وكشف العديد من التفاصيل لأول مرة في الخلافات بينهما، وموقف أحمد مكي من هذه الخلافات.
بيومي فؤاد:"أنا كبير محمد سلام وأنا المرجع بتاعه"
وقال بيومي فؤاد: "أنا كبير محمد سلام وأنا المرجع بتاعه، وكلمته لما اعتذر عن المسرحية وقالي أنا مش قادر أنت شايف الأطفال اللي بتموت، وقولتله بدعيلهم قبل ما بدعي لأولادي، وده أكل عيش وفيه ناس كتير بيوتهم مفتوحة من الحاجات دي، وسألته ترشح مين، قال أي حد من مسرح مصر".
وأضاف ": لما شوفت الفيديو اتصلت به يحذفه، قال لي لأول مرة في حياتي هقولك لأ، قلت له براحتك يا بني، وقفلت ومتكلمناش من ساعتها".
بيومي فؤاد:" مش ندمان على كلامي وأنا قد كلامي عشان راجل"
وتابع: مش ندمان على كلامي وأنا قد كلامي عشان راجل، واعتذر فقط عن حاجة واحدة أني قلت مش جاي اضحك وأنا جاي اضحك، والضحك شيء جميل والكوميديا شيء صعب، وقولت ان احنا مش بتوع فلوس، وبعتذر عن ده لأن احنا بتوع فلوس، أنا بشتغل وباخد فلوس".
وأشار: "طلبت إني مقابلش محمد سلام في كواليس مسلسل الكبير 8، وفي مشاهد اتعاد كتابتها عشان منتقابلش، أو اعتذر عن الدور وارجع الفلوس".
وواصل:" أحمد مكي حاول يصالحنا لكني رفضت، لأنها مش هتخلص كده، هتخلص عن الله".
واستكمل: "إزاي ماتطلعش تدافع عن محمد أنور وهو كان ترشيحك، مكنتش هتخسر حاجة لما تدافع عنه زي ما دفعت عن أمير كرارة بعدها، ده اللي كنت مستنيه منك".
واختتم: "بعد الهجوم علينا في السعودية، محمد أنور خاف على نفسه وأولاده من الرجوع لمصر، وطلب مني أي دور في مسرحيتي التانية عشان يفضل في السعودية، وأقسم بالله قال لي لو مفيش دور خليني مساعد مخرج، أنا خايف".
المصدر: بوابة الفجر
كلمات دلالية: تريند السعودية الفجر الفني برنامج حبر سري أزمة بيومي فؤاد ومحمد سلام
إقرأ أيضاً:
لو حابب ترجع فكر وأنا معاك.. تامر حسني يدعم المطرب هيثم سعيد
قام الفنان تامر حسني بتقديم الدعم الكامل للمطرب هيثم سعيد.
وجاء هذا بعد قيام هيثم سعيد بنشر فيديو له على صفحته الشخصية بموقع التواصل الإجتماعي إنستجرام عبر خاصية “ستوري”، يخبر جمهوره باعتزاله وهجرته إلى أستراليا وفقدانه للشغف .
وقام تامر حسني بدعمه وذلك بتوجيه رسالة له على صفحته الشخصية بموقع التواصل الإجتماعي إنستجرام عبر خاصير “ستوري” قائلًا له: "حبيبي هيثم أنا أكيد أزعل لما أشوف فنان جميل زيك يصيبه اليأس بالشكل ده أنا فاهمك وحاسس بيك كويس، طبعا محدش عارف داخليات الناس وأنا ممكن أبقى مش عارف إيه اللي خلاك وصلت لكده رغم إن في ناس من جيلنا كملوا وصبروا وكان عندهم شغف وإصرار على النجاح كبير
أنت عارف أنا شوفت إيه من حروب بس كملت واتحديت الظروف مش عارف أقولك ليه مصممتش ولا أقولك متزعلش على اللي أنا معرفش عنه حاجة ربنا بس العالم بيك وعالم أنت شوفت إيه وحسيت بإيه بس خليني أقولك حاجة أجمل من ده كله اتأكد من حاجه زي ما أنت متأكد إن اسمك هيثم وأكتر كمان ربنا لما بيقفل باب بيبقى عايزك تفهم إنه قفله عشان يوجهك تروح باب تاني أفضل مش عشان يزعلك، ما دام أنت اخترت تسافر تجرب مش عيب جرب جايز تلاقي نجاح عالمي حصلك أكبر من اللي كنت بتحلم بيه ونصيحة ليك برضه أدرس التوزيع الموسيقي عشان تعمل مزيكتك بنفسك وجايز تبقى مؤسسة كبيرة في يوم من الأيام بتصنع مزيكا ليك ولغيرك وتقدم ناس مع شطارتك كمطرب
ولو حسيت بأي صعوبة أرجع وكلنا حواليك إن شاء الله وأنا جنبك وجنبك من دلوقتي لو حابب ترجع ونحط خطط جديدة للشغل وتقف تاني من جديد أنت فنان جميل وشکل جمیل ومحترم وتستحق كل خير.. فكر يا صاحبي وأنا بعون الله معاك".
الصور الأولى لـ حادث سيارة صلاح محسن في القاهرة الجديدة