هشام ماجد: بحب الزمالك وأنتمي له وبحترم الأهلي وبطولاته
تاريخ النشر: 29th, March 2024 GMT
علق الفنان هشام ماجد على اقاويل امير مرتضى منصور على صفقات الزمالك قائلًا: "امير مرتضى بيهزر واحمد مدبولي انا قلتله كويس، لكن الصفقات مبتتعملش كده، وفي الفترة دي جابوا لاعيبة كويسة، عبدالله السعيد لاعيب كويس وكان ناقص الزمالك، وبحب فتوح وزيزو ومثلوثي".
هشام ماجد يتحدث عن نادي الزمالك
وقال هشام ماجد، خلال استضافته ببرنامج "أسرار" مع الإعلامية أميرة بدر المذاع على قناة النهار: "نفسي اشوف عبد المنعم في الزمالك ومروان عطية وعلى معلول وإمام عاشور والشناوي، بشجع الزمالك وبحترم الأهلي، وبحب اتفرج على مدحت شلبي ورضا عبدالعال وميدو وشوبير وابراهيم فايق وعبد الجواد، بحب السينما والكورة لكن مبفهمش في السياسة، واكتر حاجة بحبها بناتي وعيلتي، وبعدهم شغلي".
برنامج "أسرار" تقدمه الإعلامية أميرة بدر على شاشة النهار يوميًا خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
المصدر: بوابة الفجر
كلمات دلالية: برنامج أسرار الإعلامية أميرة بدر قناة النهار صفقات الزمالك هشام ماجد هشام ماجد
إقرأ أيضاً:
اتهامات بالتنمر.. هشام ماجد يخرج عن صمته ويرد على الانتقادات
قرر الفنان هشام ماجد، الخروج عن صمته ليرد على كافة الانتقادات التى تعرض لها مسلسل “أشغال شقة جدا” الذى يعرض حاليا فى رمضان.
وقال هشام ماجد ، خلال لقاء تلفزيوني: "أنا مش حابب أرد على الانتقادات لأني شايف إنها مش في محلها، الكوميديا مبنية على فرضيات كتيرة، على شخص عنده مشكلة ينشأ منه الكوميديا مش معقول كل ما نتكلم عن حاجة يطلع ناس في السوشيال ميديا تقول دا تنمر، تنمر في إيه الطبيب الشرعي "حمدي" دا مهمل وفاشل بس في 10 تانيين في المسلسل كويسين، في أي شغلانة في ناس كويسة وناس فشله والضحك هيطلع منين؟".
هشام ماجد يرد على اتهامات التنمر على إسلام مباركأما عن التنمر على إسلام مبارك ، أضاف هشام ماجد : إسلام مبارك التنمر عليها كان في إيه؟ هي ممثلة سودانية من بلد شقيقة وتؤدي دور أن عندها مشكلة أنها قوية وبتاكل كتير ، متريقناش على تخنها ولا على أي حاجة عنصرية، وكله كان في إطار الضحك وهي مكنش عندها مشكلة، والجمهور 99% منه معندوش مشكلة، دايما نلاقي حد يطلع كده اعتقد أنه عايز ينتقد لمجرد الانتقادات ، طالما العمل مفيهوش مشكلة يلا نعمل أي حاجة.
وتابع: أنا بحترم النقد لما يكون في محله أو يكون بناء والموضوع نرفزني، إحنا منقصدش، كله في إطار الضحك، يعني لو عملنا فيلم عن مهندس فاشل يبقى بنتريق على المهندسين، دكتور عنده مشكلة يبقى بنتريق على الدكاتره، شغاله بتعمل حاجة فئة الشغالات يزعلوا هنضحك منين؟ الكوميديا من ساعة ما اخترعوها مبنية على كده".
مسلسل أشغال شقةمسلسل أشغال شقة بطولة هشام ماجد فى دور الزوج، وأسماء جلال فى دور الزوجة، وشيرين فى دور والدة الزوج ، وسلوي محمد علي فى دور والدة الزوجة، ومصطفى غريب ، ومحمد محمود ، محمد عبد العظيم.
ومن المقرر أن تظهر عدد من الفنانات هذا الموسم فى أدوار العاملات بمنزل البطل هشام ماجد.
ومن الفنانات اللاتي سوف يظهرن كضيفات هذا الموسم ، ناهد السباعي ونسرين أمين وآية سماحة ودنيا ماهر وفدوي عابد بالإضافة الي الفنانة إنتصار التى سبق وان ظهرت فى الموسم الأول.
ما علاقة الكوابيس بالخرف؟.. دراسة حديثة تكشف