هشام ماجد: مأثر في حق أحمد فهمي وطالع معاه ضيف شرف بفيلمه الجديد
تاريخ النشر: 29th, March 2024 GMT
كشف الفنان هشام ماجد عن رأيه في الأعمال الفنية الحالية قائلًا: "بكره الاعمال اللي بيبقى فيها نجم وكله بيخدم عليه، بحب كل الموجودين له لازمة ومهم في المشهد، وبحاول اعمل كده، وده بيدي للعمل قيمة اكبر، بيبقى فيها هات وخد، يعني لو شفنا فيلم الناظر كلهم بيضحكوا وليهم لازمة، ومكتوب صح والمخرج شريف عرفة بيوزن الفيلم".
وقال هشام ماجد، خلال استضافته ببرنامج "أسرار" مع الإعلامية أميرة بدر المذاع على قناة النهار: "شهوتي شراء الجزم وساعات بيبقى مالهاش لازمة وانا وعمرو سلامة فينا الموضوع ده، عندي حوالي ٦٠ جزمة وحاططهم على الأرض، ومراتي بتضايق من ده، بقف في المراية كتير واتأكد اني كويس، مبشوفش نفسي حلو وكتر خير اللي بيشوفني حلو، مبحبش تغيير الشكل والعمليات، الا لو عندك عيب مضايقك اوي، مش زعلان عن احمد فهمي عشان اعاتبه، وهو بيكلمني كتير، وانا اللي مأثر معاه، وطالع معاه ضيف شرف، وانا عندي فيلم في العيد، اسمه فاصل من اللحظات السعيدة".
المصدر: صدى البلد
إقرأ أيضاً:
أحمد فهمي وزوجته أميرة فراج يكشفان كواليس قصة حبهما
تحدث الفنان أحمد فهمي وزوجته المطربة أميرة فراج عن تفاصيل قصة تعارفهما وارتباطهما، التي بدأت في دار الأوبرا المصرية، واستمرت بعدما سلك كل منهما طريقه الفني الخاص به، وذلك خلال إستضافتهم في برنامج “صاحبة السعادة” التي تقدمة الإعلامية إسعاد يونس، عبر شاشة DMC.
وقال أحمد فهمي: "أنا قابلتها في الأوبرا، كانت بتغني في كورال الأطفال".
زوجة أحمد فهمي تكشف بداية علاقتهما
وتابعت أميرة فراج: "كنت في فرقة المايسترو سليم سحاب وعمري 17 سنة، واتقابلنا في بروفات حفلة مجمعة بمناسبة احتفالات أكتوبر، أنا كنت في الكورال وهو بيعزف مع الأوركسترا وكل شوية يبصلي".
واستكملت حديثها قائلة: "بعد تالت يوم طلع ورايا برا البروفة، وقلت كفاية مطاردة 3 مرات وصعب عليا جدا، وعزمني على باليه كسارة البندق".
أميرة فراج تكشف سبب توقفها الغناء
وعن سبب توقفها عن الغناء، قالت أميرة فراج: "اتخطبنا 4 سنين وبعدها اتجوزنا وخلفت عمر علطول، وأمي توفت قبل ما تعرف إني حامل، ومكانش في دماغي حاجة غير إني أربي الولد، وعمر خد كل وقتي فوقفت غنا واشتغلت بشاهدتي آداب إعلام مراسلة، ولما بقى عندي وقت رجعت أغني".
في رده على سؤال حول سبب اعتقاد البعض أن زوجته توقفت عن الغناء بناءً على رغبته، أوضح أحمد فهمي: "الناس فهمت غلط، أميرة بجد كانت مشغولة مع عمر، وأنا جوزها وطبيعي أغير عليها
محافظ المنيا يقود حملة مكبرة لتفقد الأسواق والمخابز ومراجعة تراخيص البناء وأعمال النظافة