بيومي فؤاد يكشف حقيقة فيديو السعودية «فيديو»

كشف الفنان بيومي فؤاد تفاصيل تقاضيه الأموال بسبب عمله في السعودية، والجدل الذي أثير ضده خلال الشهور الماضية.

وقال بيومي فؤاد: «إحنا بتوع فلوس وبروح السعودية أشتغل وباخد فلوس، وأنتوا متعرفوش الكوميديان وهو داخل على المسرح بيكون إحساسه إيه لما يقول إفيه وميجيبش».

وأضاف بيومي فؤاد خلال لقائه ببرنامج «حبر سري»، تقديم الإعلامية أسما إبراهيم بقناة «القاهرة والناس»: شوفتوا الأستاذ الكبير فؤاد المهندس لما الإعلامي مفيد فوزي حب يسأله في حاجة بالكواليس وهو داخل على المسرح بآخر أيامه إتنرفز عليه إزاي، فإحنا نطلع إيه، كم التوتر وضربات القلب السريعة وبطني اللي بتوجعني ده بفلوس طبعا وشغل.

وتابع: «محدش بيشتغل من غير فلوس، ونعمة من ربنا إن الفنان المصري محبوب، علشان كده حذفوا أول جملة ليا في الفيديو اللي عمل مشكلة »، مؤكدا أنه قال في بداية الفيديو «أنا فنان مصري وليا الشرف، حذفوا الجملة دي، وجابوا من بعدها «وجيت السعودية وليا الشرف علشان أقدم فن»، وكل اللي زعلان مني فوق دماغي وحقكوا عليا وأجيلكم لحد البيت.

وعن سبب حصوله على جنسية دولة دومينيكان، علق بيومي فؤاد: "أهاجر فين؟ ده أنا مبقدرش أستحمل أبعد عن مصر 10 أيام، واتقال لي إن الباسبور ده هيدخلك 36 دولة من غير تأشيرات فعملتها أنا وأسرتي، أنا لا باخد جنسية ولا حاجة أنا سعيد بجنسيتي وليا الشرف إني مصري، ومش معايا أي جنسية تانية غير المصرية ولكن معايا إقامات".

اقرأ أيضاًبعد أزمته مع محمد سلام.. بيومي فؤاد يُعيد فتح صفحته على «فيسبوك»

مسلسلات رمضان 2024.. محمد سلام وبيومي فؤاد يجتمعان في الكبير أوي 8

المصدر: الأسبوع