أيتن عامر: أنا مش معقدة وممكن أكون الزوجة الثانية بشرط

حلت الفنانة أيتن عامر ضيفة مع الإعلامية بسمة وهبة، في برنامجها «العرافة»، وتحدثت خلال الحلقة عن العديد من الموضوعات، أبزرها مشاركتها في مسلسل زوجة واحدة لا تكفي الذي يعرض خلال شهر رمضان الحالي.

واستنكرت الإعلامية بسمة وهبة مشاركة أيتن عامر في مسلسل زوجة واحدة لا تكفي، وتجسيدها دور راقصة داخل أحداث العمل في الحلقة الأولى من العمل والذي يعرض في موسم رمضان الحالي، إذ قالت أيتن: لو كده مانتفرجش بقى على مسلسلات خالص، المسلسل جريء وصادم مش عشان دوري بس والفن دوره أنه يسلط الضوء على المشاكل الاجتماعية.

وأوضحت أيتن عامر سبب تصريحها بأن الوسط الفني بأجمعه يسبون بعضهم البعض، كاشفة: «قلت بيشتموا بعض، وكنا بنقعد أصحاب في قعدات وبوس وأحضان وبعدها تقوم يتقال دي عملت وعملت ودا بيحصل من الشطار للأسف واللي قابلته بسبب شطارتي كان أصعب من اللي بشوفه لو أنا بني أدمه وحشه وأنا لو كنت شريرة مكنتش هشوف ده، وأنا مش معقده وممكن أتجوز راجل متزوج بشرط إنه يعرف مراته».

وأضافت أيتن عامر قائلة: احنا مش هدفنا ندفن راسنا في الرمال، وأي دور واجبنا نسلط عليه الضوء وعملت أدوار زي علي بابا.

بدورها كشفت أيتن عامر، سبب رفضها المشاركة في مسلسل شارع الهرم، قائلة: كان دور أي ممثل يتمناه ونور الغندور عملت العمل والدور كان حلو بس أنا مكنش عندي وقت للمسلسل وكنت خارج مصر.

وتابعت أيتن عامر عن قبولها لأي عمل قائلة: أهلي عمرهم ما كانوا ضدي في طلاقي بس كانوا عاوزين البيت مايتخربش زي أي حد وأنا حاسه بالظلم من فترة أنا مش محتاجة دخل وطالما معايا فلوس باكل وبشرب، وأصرف على أولادي تمام، وزمان كنت بقبل أي عمل حتى لو مش راضية عنة وكنت دائمًا بخاف أقول لا ولو كان أي حد قال لي اسمك هيفرق معايا كنت بوافق، وكانت نصيحة وفاء ليا ديمًا إن اللي بيرفضوا أعمال بيوصلوا أكتر وبيكونوا أقوى.

المصدر: الأسبوع