مي عمر: لو محمد سامي اتحط في مقارنة مع أي مخرج أكيد هختاره
تاريخ النشر: 27th, March 2024 GMT
علّقت الفنانة مي عمر على حبها لشراء ملابس غالية قائلة: "بحب اجيب ملابس براند كتير ومحمد بيحب يشتريلي وأنا اللي بمنعه وبلاش افورة، المفروض الراجل الطبيعي يكون جنب مراته طول الوقت، ورغم ده مبحبش انه يجيبلي حاجات كبيرة وغالية، ومن وانا صغيرة بحب اني اجيب الحاجات الغالية لنفسي، ومش حاطة الحسد في دماغي رغم إني عارفة إنه موجود في القرآن لكن مبحبش ارمي كل حاجة على الحسد واحنا اللي عاملين حاجة غلط، وبرة الناس بتعمل حاجات وبتنزل على السوشيال ميديا ومبتتحسدش اشمعنى يعني".
وقالت مي عمر، خلال استضافتها ببرنامج "أسرار" مع الإعلامية أميرة بدر المذاع على قناة النهار: "بحب نيللي كريم اوي وكاملة ابو ذكري خطيرة واعمالها مميزة وتدخل القلب جدًا ومحمد لو اتحط في مقارنة مع اي مخرج اكيد هختاره، حاجتين مبمسكش نفسي قدامهم التين الشوكي والقصب، وممكن بطني توجعني من كتر اكلهم، ودوري في نعمة تخنت عشانه لانها ست طبيعية وبتشتغل وبتحب الأكل وتخنت حوالي 7 كيلو، وكنت مبسوطة بده، والمسلسل اتصور في اماكن حقيقية مش ديكور حتى المقابر، وانا عندي فوبيا من الاماكن الضيقة والضلمة، فا قالوا هنعمل تيست وهتنزلي، فا اول ما نزلت خوفت جدًا وخبطت جامد ومحمد عرض عليا ينزل معايا بس انا خفت جدًا ساعتها".
برنامج "أسرار" تقدمه الإعلامية أميرة بدر على شاشة النهار يومياً خلال شهر رمضان، في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
المصدر: صدى البلد
كلمات دلالية: الإعلامية أميرة بدر برنامج أسرار الفنانة مى عمر محمد سامى
إقرأ أيضاً:
حسام حبيب: أنا مش بني آدم فاضي.. واللي اتقال عني مش عدل
تحدث الفنان حسام حبيب بصراحة عن علاقته السابقة بالفنانة شيرين عبد الوهاب، كاشفًا العديد من التفاصيل التي لم تكن معروفة للجمهور من قبل، وأبرزها دوره في إنتاج وتحضير ألبوم نساي، الذي حقق نجاحًا كبيرًا عند صدوره.
و أضاف حسام خلال حواره مع الإعلامية بسمة وهبة في برنامج "العرافة" المذاع عبر قناتي "النهار" و"المحور"، أنه ليس شخصًا بلا عمل أو مشغول بتصفية الحسابات الشخصية، قائلًا:"أنا مش بني آدم فاضي، عندي 22 واحد بيشتغلوا".
واسترسل: "عندي مسؤوليتي وكرامتي، ومش محتاج حاجة من حد، لكن كان لازم أرد على كل الكلام اللي بيتقال عني، لأن في حاجات كتير اتقالت مش حقيقية ولا عدل".
وأضاف أنه بالرغم من كل ما مر به خلال علاقته مع شيرين، إلا أنه لم يسعَ في يوم من الأيام لاستغلال هذه العلاقة لتحقيق مكاسب شخصية أو شهرة، مشددًا على أنه كان دائمًا يعمل بجهده ويعتمد على نفسه.
إندريك يعوض غياب نيمار في قائمة منتخب البرازيل