شهادتى مجروحة.. تامر حبيب يشيد بمسلسل كامل العدد + 1
تاريخ النشر: 26th, March 2024 GMT
نشر الفنان تامر حبيب تعليقا عبر حسابه على موقع التواصل الاجتماعى إنستجرام يشيد فيه بصناع مسلسل "كامل العدد + 1".
وقال تامر حبيب : شهادتي مجروحة علشان كتاب هذا المسلسل هما بناتي وصاحباتي وزميلاتي وفلذات أكبادي، رنا أبو الريش ويسر طاهر، أنا شديد الفخر وشديد السعادة، أنتوا اختارتم من الجزء الأول ومع سبق الإصرار أنكم تعملوا الموضوع ده، واختياركم كان ينم على منتهي الذكاء علشان اختارتم موضوع شبهكم، شخصيات من عوالمكم، وعلاقات عارفينها كويس وقادرين تتكلموا عنها بتفاصيلها و مواقفها وصراعاتها، وعملتوا كده وكتبتوا مسلسل ممتع وشيق وحقيقي وطيب، و طيب دي نحط تحتها ميت سطر.
تمت مشاركة منشور بواسطة Tamer Habib (@tamerhabibofficial)
وأضاف تامر حبيب: طيب وسط غابة من مسلسلات الدم والمغامرات والعلاقات المشوهة بين الحبايب وبين الأخوات والأهل و بين الصحاب والقرب والغرب، مسلسل طيب في دنيا كلنا واخدين على خاطرنا منها ومش مآمنين لها، ونجحتوا في ده جدا السنة اللي فاتت، ويمكن ماكنتوش ناويين تعملوا جزء تاني أو يمكن كنتوا ناويين، بصراحة مش عارف و مش هأفتي، أضف إلى ذلك أن الغالبية العظمى من الأعمال التي يتعمل منها جزء تاني، بيكون جزئها الأول أقوى وأحلى، و هنا حدث الاستثناء.
وأستطرد تامر حبيب : ذكائكم وصدقكم وموهبتكم في اللي انتوا كاتبينه السنة دي ربطتنا كمشاهدين وحببتنا في الشبكة الطيبة المبهجة الممتعة دي أكثر وأكثر، أنا شخصيا و من أول حلقة ماتش الكورة لقيت روحي عايز الحق اخطفني كرسي وسط العيلة الحلوة دي واتفرج معاهم على الماتش، ودموعي فاجئتني وفرحت كأني بجد واحد منهم، كل واحد في الناس دول بقي يخصني، وكل شاب وشابة وطفل وطفلة بقوا ولادي، بقيت عايز أساعد في حل مشاكلهم، وخايف على الولاد زي ليلي وأحمد بالظبط وشايل همهم، عيلة كامل العدد بقت عيلتي بجد علشان العيلة دي هي فعلا هي عائلاتنا كلنا أيام ما معني العيلة كان موجود ومهم.
وأشار تامر حبيب : يا رب كل اللي اتفرج يبقي افتكر وفهم وقدر المعني ده، فرحت قوي وأنا بأتلخبط وأنا بأتفرج ومش فاكر مين ولاد مين و لا مين أخوات مين، يا رنا ويا يسر ويا خالد يا خلفاوي يا إنسان، ماظنش أن أي حد فينا ماكانش جعان ونس ودفا و طيبة لقيناهم عنكم، وعمرنا ما هانشبع منهم أبدا، وأكيد كل فرد من أفراد العيلة دي هما وقرايبهم وصحابهم وحبايبهم وحبايب صحابهم ليه دور عظيم ما يقلش عن دور الثاني في إحساسنا بالونس ده.
وانهى تامر حبيب حديثه : أنا لسة ماشوفتش آخر حلقة، قاصد أأجل آخر قعدة معاكم اللي بعدها علطول هأفضل مستنيكم لغاية ما ترجعولي السيزون الجاي.
المصدر: صدى البلد
كلمات دلالية: رنا ابو الريش مسلسل كامل العدد مسلسل كامل العدد 1 تامر حبيب دينا الشربيني تامر حبیب
إقرأ أيضاً:
بدء ندوة تامر حبيب في مهرجان القاهرة الدولي للفيلم القصير
بدأت منذ قليل ندوة السيناريست تامر حبيب في مهرجان القاهرة الدولي للفيلم القصير، والتي تقام بقيادة الناقد والباحث السينمائي محمد رمضان حسين.
وحرص على حضور الندوة عدد من الفنانين كان أبرزهم: الفنان كريم الحسيني وحسن عبدالله، وتقام الندوة ضمن مجموعة من الفعاليات التي تنظم من خلال المهرجان الذي يستمر حتى 21 ديسمبر بدار الأوبرا.
من ندوة السيناريست تامر حبيبآخر أعمال تامر حبيبوالجدير بالذكر أن مسلسل لعبة النسيان يعد آخر أعمال تامر حبيب الدرامية، الذي عرض في موسم رمضان لعام 2020، وشارك في بطولته كل من الفنانة دينا الشربيني، أحمد داود، أحمد صفوت، رجاء الجداوي، هنا داود، وغيرهم.
نبذة عن مهرجان القاهرة الدولي للفيلم القصير
مهرجان القاهرة الدولي للفيلم القصير هو حدث سينمائي سنوي يحتفي بالإبداعات السينمائية في مجال الأفلام القصيرة، سواء كانت روائية، وثائقية، أو تجريبية، ويهدف المهرجان إلى دعم المواهب الشابة وإتاحة منصة عالمية لعرض أعمالهم، مع تعزيز الحوار الفني والثقافي بين صناع السينما والجمهور.
يُقام المهرجان في العاصمة المصرية، ويتضمن مسابقات للأفلام القصيرة المحلية والدولية، إضافةً إلى عروض عالمية أولى لأعمال متميزة، كما يشمل المهرجان ندوات وورش عمل تجمع بين المخرجين، النقاد، والجمهور لمناقشة القضايا الفنية وأحدث توجهات السينما القصيرة.
كما يتميز المهرجان بتكريمه لشخصيات بارزة في صناعة السينما عن إنجازاتهم وإسهاماتهم الفنية، مما يساهم في تعزيز مكانة القاهرة كمركز ثقافي وسينمائي عالمي.
السديس: اللغة العربية محفوظة بالقرآن ويجب تعزيز تعليمها للأجيال