مي عمر: "يا حظي السنادي أن محمد سامي مخرج مسلسلي"
تاريخ النشر: 26th, March 2024 GMT
علقت الفنانة مي عمر، على تكرار العمل مع زوجها المخرج محمد سامي قائلة: "محرمتش اشتغل مع محمد سامي لأنه مخرج اي حد يتمنى إنه يشتغل معاه، واحنا قصة حب قديمة أوى، وقبل ما يتعرف كنت بتفرج على شغله، وكنت بشوف كم المجهود والضمير واقول هل هيجي اليوم اللي هشتغل عمل من بطولتي وهو مخرجه؟، ويا حظي السنادي أنه مخرج عملي".
وقالت مي عمر، خلال استضافتها ببرنامج "أسرار" مع الإعلامية أميرة بدر المذاع على قناة النهار: "نعمة الأفوكاتو من اكتر الشخصيات اللي حبيتها، عشان مختلفة في طريقة كلامها وهزارها وردودها وشكلها ولبسها، وشبه ناس كتير نعرفها، وفي كتيير منها، ومقدرش اقول ان الست غلط، لكن الغلط هو رد فعل الرجل، ورضوى الشربيني هتقتل نعمة، لكن برضو فيه رجالة كويسة، والنماذج كلها موجودة، مش بس في مصر لكن في دول كتير في العالم، اللي يهمني رد فعل الجمهور على العمل، والجمهور بيحب العمل الجيد، ومش الثنائية بتاعتي انا وسامي اللي كده، لكن مع اكتر من ثنائي، والبعض هما اللي مستكترين عليا محمد سامي".
مي عمر تتحدث عن مسلسل الأسطورة
وأضافت مي عمر قائلة: "الاسطورة فاتحة خير وهي اللي قدمني للناس بسبب دور شهد، والكل كان بيناديني بشهد، رغم اني عملت ادوار كتير ناجحة بعده، وسألت محمد ليه الناس بتناديني بشهد كتير،قالي ده طبيعي لنجاح الدور، لحد ما عملت لؤلؤ، وحبيتها جدًا ولما الديكور اتهد عيطت، واتحولت من شهد لـ لؤلؤ".
برنامج "أسرار" تقدمه الإعلامية أميرة بدر على شاشة النهار يوميًا خلال شهر رمضان، في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
المصدر: بوابة الفجر
كلمات دلالية: المخرج محمد سامي الإعلامية أميرة بدر برنامج أسرار خلال شهر رمضان محمد سامی
إقرأ أيضاً:
محمد سامي بعد اكتشاف مقلب رامز جلال: "يخربيتك يا أخي"
تابع أحدث الأخبار عبر تطبيق
رد فعل مفاجىء للمخرج محمد سامي، بعد اكتشاف مقلب رامز جلال خلال برنامجه "رامز ايلون مصر"، حيث حل ضيفا فى حلقة اليوم، حيث يعرض على قناة MBC مصر، بعد صلاة المغرب مباشرة.
وانفعل "سامى" خلال فقرة الكشف الآلى عليه وقال إنه أصيب في عينه بسبب ما فعله الإنسان الآلي فيه، وكشف رامز جلال نفسه وأنه الإنسان الآلي، ليكون تعليق سامي "الله يخربيتك يا أخي".
وسخر رامز جلال من محمد سامي، في مقدمة البرنامج قائلا: «المخرجين بقوا يتشهروا بخناقاتهم مش أعمالهم، المخرج اللي معانا مشاكله كتير، عمل مشاكل مع كل الفنانات، خلى ياسمين صبري تفكر تشتغل مضيفة، وخلى نسرين أمين تحسبن عليه، تلاقيه دايمًا قرفان ورافع حواجبه، الأنا عنده عالي، معايا المخرج محمد سامي».
تدور أحداث برنامج المقالب الشهير "رامز إيلون مصر" حول استدراج ضحية المقلب إلى المشاركة في لجنة تحكيم برنامج اكتشاف المواهب "جولدن تالنت"، إلى جانب النجمة نوال الزغبي، ونجم نادي الاتحاد والمنتخب السعودي محمد نور، بالإضافة إلى رامز جلال، والمذيعة بسنت شمس، التي تلعب دور مقدمة برنامج المواهب.