كشفت الفنانة مي عمر عن مهاجمة أعمالها من قِبل إحدى الفنانات، قائلة: "جعفر العمدة نجح أكتر من لؤلؤ، وعمل نجاح وحالة ما شوفنهاش بقالنا كتير، وما عنديش الشجاعة أقول مين الفنانة اللي بتهاجمني، وأعتقد الواحد يركز على نفسه أفضل ويطور من نفسه، وكل عمل يبقى أحلى من اللي قبله".

وأضافت الفنانة مي عمر، خلال استضافتها ببرنامج "أسرار" مع الإعلامية أميرة بدر المذاع على قناة النهار: "عرفت الشخصية اللي بتهاجمني من كذا حد، والحاجات دي بتبقى معروفة، وناس من اللي بيقبضوا فلوس قالولي كده، وبحاول أركز في نفسي وهي بتضايقني لان بلاقي كلام غريب وهجوم مش مفهوم، وزمان كنت بتضايق أوي لكن بطلت؛ لأن ربنا بيعوضني ومديني حاجات كتير حلوة، وهي ربنا يكرمها وكل واحد يركز في شغله ودي طريقة مش حلوة اننا نعلي نفسنا، وبحس ان ده شر بيّن ولو عملت كده ربنا عمره ما هيكرمني، ودي اسهل حاجة ممكن نعملها".

وتابعت الفنانة مي عمر قائلة: “في الاخر اللي بيرد هو النجاح، ومهما حصل هجوم ومهما اتأجر ناس للهجوم فا بيبقى أصغر من النجاح، وبحب اشوف رد الشارع اكتر، مبسدش ودني عن النقد، ومش كل حاجة اقول دي لجنة، انا مش كده خالص، بالعكس بقول يمكن ده حقيقي وفيه نقاد بحب أسمع رأيهم، وبحب النقد الحقيقي؛ يمكن فيه كومنت مفيد ليا”.

وأضافت: بحب أستاذ طارق الشناوي، ولما بيقول عليا حاجة كويسة أو حاجة وحشة؛ بحب أسمعه ومرة قال حاجة قلت آه، عنده حق، لازم آخد بالي، بس فيه ساعات نقد مبالغ فيه، مش نقد، على قد ما هو فيه شخصنة، لازم نبقى في انتقادنا منطقيين، وندي الناس حقها، ولو فيه حاجة مش عجبانا؛ نقول لكن مش بدون مبررات".
 

المصدر: صدى البلد

كلمات دلالية: الفنانة مى عمر أسرار أميرة بدر جعفر العمدة

إقرأ أيضاً:

اعتزال الغناء وارتداء الحجاب.. فنانة مصرية تصدم جمهورها (فيديو)

اعتزال الغناء وارتداء الحجاب.. فنانة مصرية تصدم جمهورها (فيديو)

مقالات مشابهة

  • فنانة مصرية شهيرة تعتزل الغناء ترتدي «الحجاب»
  • وزعوا عصير وبيلموا فلوس.. باعة جائلين يبتكرون حيلة جديدة للنصب فى رمضان
  • عليه فلوس وعمل تمثيلية.. الداخلية تكشف حقيقة تعدي صاحب مقهى على شخص في قنا
  • اعتزال الغناء وارتداء الحجاب.. فنانة مصرية تصدم جمهورها (فيديو)
  • ابن محمد رمضان لمواطن: كسبت 200 ألف من مدفع رمضان.. والأخير: اللي هو بوم
  • عمر متولي بعد انتهاء "ليك لوك": شكرًا لكل اللي شرفوني
  • «ربنا يخرب بيوتكم».. ريم مصطفى ترد على سخرية الجمهور من مشهدها في «سيد الناس»
  • وفاء عامر فنانة قديرة.. سلوي عثمان: اعتذرت عن مسلسل الأميرة لهذا السبب
  • لو الزوجة هيا اللي بتصرف ينفع القوامة تنتقل ليها؟.. علي جمعة يجيب
  • حبوا الخير لبعض.. ريهام حجاج توجه رسالة غامضة