بسمة بوسيل تفجر مفاجأة مدوية عن عودتها لـ تامر حسني
تاريخ النشر: 24th, March 2024 GMT
كشفت الفنانة بسمة بوسيل، عن تفاصيل جديدة عن أزمتها مع زوجها السابق تامر حسني، مشيرة إلى أن حلمها بالعودة للفنان تامر حسني سيتحقق.
وأضاف “بوسيل”، خلال لقائها ببرنامج "ع المسرح" المذاع علي قناة "الحياة" مساء اليوم، الأحد، أن "لما جيت مصر تقريبا كل أحلامي اتحققت، لقيت حب حياتي وفي نفس الوقت كنت بعمل ألبوم مع محسن جابر بس حسيت ساعتها إني عايزة اتجوز اكتر، وحبي لتامر حسني كان أكبر من الغناء".
وتابعت بسمة بوسيل، أن "وافقت إن ألبومي مينزلش لإني لما أعلن زواجنا أنا وتامر حسني كان هناك حملات غريبة على الإنترنت وقتها تامر كان من باب الحماية وإن محدش يتكلم عني بطريقة مش كويسة نعطل خروج الألبوم، وانا كمان كنت خايفة من نزول الألبوم".
وأكملت بسمة بوسيل، أن "الزواج وحب العمر خد مكان النجومية والشهرة والغناء، واتجوزت بدون فستان وحفل زفاف بس انا وتامر حسني اتفقنا علي كده ودي مش غلطته وانا عارفة اني متجوزة حد مشهور جدا، شهرة تامر كنت بالنسبة لي مستفزة ومخيفة وفعلا كنت باهتز نفسيا وبخاف وعملنا فرح وكل حاجة بشكل خاص، ونزل خبر زواجنا في الصحافة، وانا عارفة ان فيه هجوم حصل عليا وكانوا بيجولنا قدام البيت يطالبوه طلقها طلقها، وأمي كانت خايفة وهو كمان كان خايف من تسليط الأضواء على زواجنا".
المصدر: صدى البلد
كلمات دلالية: بسمة بوسيل الفنانة بسمة بوسيل تامر حسني الصحافة الصحاف بسمة بوسیل تامر حسنی
إقرأ أيضاً:
حسام حبيب يكشف المستور: علاقتي بشيرين دمّرتني!
متابعة بتجــرد: خرج المغنّي حسام حبيب عن صمته وقرر أن يوضح كل الاتّهامات التي وجّهت إليه خلال فترة زواجه من النجمة شيرين عبدالوهاب، كاشفاً أسباب خلافاته ومشكلاته معها، والتي أوصلتهما الى تبادل الاتّهامات والطلاق.
وأكد حبيب خلال استضافته في برنامج “العرّافة” الذي تقدّمه بسمة وهبة أنه اختار الحديث هذه المرة لحماية نفسه وأفراد عائلته من الانتقادات، حيث قال:”هي مرحلة وعدّت، لكن الناس مستكترين أنها تعدّي عليا، أنا مكنتش بتكلّم مش عشان ضعيف أو قليل الحيلة أو معنديش رد، لكن حفاظاً على العِشرة والأيام اللي عشناها مع بعض، دي عندي بالدنيا، وكنت مصمّم لآخر نفس أحافظ عليها، لكن الناس مش عايزاني أعدّي. أنا مكسِبتش حاجة من القصة دي غير الأذى وعلاقتي بشيرين دمّرتني ودمرت أهلي وكل اللي حواليا”.
وتحدّث حسام حبيب عن علاقتهما قائلاً: “أنا وشيرين كنا أصدقاء قبل زواجنا لمدة طويلة، وعمرنا ما حصلت بينا أي مشاكل، في بداية زواجنا، كان الزواج جميل، والناس كانت واخدة عنه صورة حلوة، زواجنا استمر 7 سنوات، وكنت أتمنى أنه يفضل كدة”.
وردّ خلال اللقاء على اتهامه بحلق شعر شيرين، قائلاً: “الدكتور اللي كان بينظّم علاقتنا قال لي لما تلاقيها متعصّبة ومتنرفزة قوم روح مكان تاني، وفي مرة طلبت مني أسمّعها الأغاني بتاعتي، ولما سمعتها، عيّطت وقالت لي: أنت بتعمل أغاني لنفسك أحلى من اللي بتعملها لي، فقلت لها: أنت اللي قلتي لي ملكش دعوة بشغلي، وعلى العموم لو عجبوكي خديهم، ومن هنا بدأت تتعصّب، فسبتها ودخلت أوضة تانية وفوجئت تاني يوم أنها مش موجودة في البيت، ولمدة 3 أيام أنا مش عارف هي فين، لحد ما كلّمتني وقالت لي تعال، روحت أنا وصديقتنا وصديق لينا على الأوتيل اللي كانت فيه، وتعاملنا عادي، مفيش حاجة… شيرين جت وقطعت الكلام، وقالت لي: أنت جاي تنكّد علينا؟ طلّقني لو كنت راجل، وشتمتني قدّام صحابنا، والموضوع كبر، فقلت لها: هطلّقك، وسبتني ودخلت الحمّام، قولت هي بتلبس، لكن فوجئت إنها حلقت شعرها”.
كما تحدّث حسام حبيب عن معاناته النفسية بسبب علاقتهما فقال:”شيرين جابتلي المرض لما بقرأ عن أعراض اضطراب الشخصية الحدّية (Borderline Personality Disorder) بحس إني بقرأ عن نفسي، لما بروح للدكتورة وتقول لي عندك إيه من دول؟ بقولها كل الأعراض وعليهم 2 زيادة”.
أما عن إمكانية عودته الى شيرين، فقد حسم حسام حبيب الأمر بالقول:”المرحلة دي خلاص عدّت، ورحلتي مع شيرين انتهت ولا يمكن أرجع لها تاني. أنا مكسِبتش حاجة من القصة دي غير الأذى”.
main 2025-03-12Bitajarod
إندريك يعوض غياب نيمار في قائمة منتخب البرازيل